دى حاجة أنا عاوزة أقولها وخلاص حتى لو مهمتش حد أنة يعرفها
حاجة مكنش فى بالى أكتبها خالص وعلى خلاف إللى عاوزة أقولة فى مدونتى
سامحونى بس أنا حاسة أنى عاوزة أقولها
العيد دة بالنسبة لى مش عيد عادى
العيد دة هيكون فية عيد ميلاد أحب حد عندى فى الوجود
حبيت أقولة مشاعرى وأقولة كل سنة وأنت طيب
مع أنى مش متأكدة أنة هيقراها
عاوزة أقولك أنى مش ممكن أنسى أى حاجة عملتها معايا
مش ممكن أنسى عطفك وحنانك
مش ممكن أنسى أنك إللى صنعت مروة الزارع
عاوز أقولك كلام كتير وعرفان كبير بالجميل
فاكرة أنك الوحيد إللى وقفت جمبى لوجة الله مع أنك مش قريبى ولا تعرفنى
فاكرة لما وقفت جمبى مع إن العالم كلة أتخلى عنى
فاكرة كل قرش صرفتة عليا بدون أى مقابل
فاكرة كل نصيحة حلوة قولتهالى
فاكرة توجيهك وحسمك ولينك وجزمك
فاكرة أول مصحف أدتهونى
فاكرة أول أية حفظتهانى
فاكرة أول ركعة ركعتها معاك
فاكرة الحجاب إللى لبستة على أيدك
فاكرة لما غطتنى وسترت جسمى
فاكرة لما ودتنى للدكتور وعالجتنى وصرفت عليا كتير
فاكرة حتى لما دخلتنى مكتبة أقرأ فيها وعرفتنى طريق الكتاب
فاكرة عطفك وحنانك وإحتواءك
فاكرة حضنك الدافى إللى ياما بكيت فية
فاكرة كل كلمة حلوة نقية طاهرة وكل إحساس نقى حسيتة معاك
فاكرة ثقتك فيا أدخل بيتك ومكتبك وأبقى واحدة من ولادك
حتى فاكرة البطانية إللى جبتهالى الشتا إللى فات
فاكرة خوفك عليا مع أنى مش بنتك ولا قريبتك
أنا بنحنيلك وأتمنى أوطى على أيدك أبوسها أدام كل العالم
هوطى على أيدك أبوسها حتى لو أسيت عليا
هوطى على أيدك أبوسها حتى لو فى يوم فهمتنى غلط
هوطى على أيدك أبوسها ولو بقى عندى 100 سنة
أنت إللى بجد صنعتنى
لولاك عمرى ما كنت هبقى مروة الزارع أبدا
لولاك كنت هبقى إنسانة ضايعة
سامحنى لو فى يوم مكنتش على القدر إللى أنت عاوزة
سامحنى لو فى يوم زعلتك ونرفزتك
سامحنى لو كنت فى يوم غلطت فى حقك من غير ما أقصد
سامحنى لو كنت عملت أى حاجة حتى أنا مش واخدة بالى منها ومعرفهاش
عمرى كلة أنا مديونالك
عمرى كلة هدعيلك
أهلى عمرهم ما كانوا هيعملوا معايا إللى أنت عملتة
بوعدك إن تعبك معايا عمرة ما هيروح عالفاضى
طول عمرى هفضل مروة الزارع إللى أنت أسستها وبنيتها
عمرى ما هخيب ظنك فيا أبدا
عملك الصالح معايا هيفضل لك على طول
أنا مديونالك بكتير أوى
أنت إنسان جميل أوى
أنا بحبك أوى
بحبك أوى
بحبك أوى
بحبك أوى
يا بابا علاء
كل سنة وأنت طيب وأسعد حد فى الوجود
19 comments:
كل سنة وهو بألف صحة وسلامة
كل سنة وهو بيتعبد لربنا بعمله الصالح معاكى ومع غيرك
كل سنة وانتى أصيلة وحافظة للجميل
مستنيين سلسلة بوستات عن بابا علاء
كل سنة وانت طيبة يا مروة بمناسبة عيد الاضحى ... عيدنا يوم 7 يناير اياكى تنسى .. سلام ربنا معاكى
كل سنه وانتى طيبه يا مرمر
وربنا يارب يخليلك بابا علاء ويخليكى ليه
ويديم عليكم النعمه والسعاده
كل عــام وأنتم بخير
عـــيد سعـــيد
أعــادة الله عليكم بالخير والبركــات
تحياتى
كل عام وأنت ووالدك بخير
وبارك الله فيك وفي برك له ومتعه بالصحة والعافية
يارب يخليهولك يا مروه ويبارك في صحته ويجعلك دايما سعيده معاه وبوجوده أمين يارب ...تحياتي وتقديري لك
كل سنة وانتي طيبة وربنا يتقبل منا ومنكم صالح الاعمال عيد سعيد باذن الله
كل سنه و بابا علاء بخير
ربنا يخليكوا لبعض دائماً
تحياتى
اجمل الاشياء العرفان بالجيمل لمن يستحقوا فعلا
تحياتي بوست رقيق
ربنا يخليه وميحرمكيش منه ياروروو ويجعل عمله فى ميزان حسناته يارب
لسه الدنيا بخير والله
وفى ناس بتعمل خير اهو
وفى ناس بتحفظ الجميل اهو
الحمدلله
كل سنه وانتى طيبه يا عسسسسسسل وبابا علاء كمان طيب
اولا كل سنه وانتى طيبه بمناسبه العيد
ثانيا كل سنه وبابا علاء طيب وبخير دايما
وربنا يديم بينكو الخير ويخليه ليكى ولكل اولاده اللى بيحبوة زيك
كل سنة وانتي طيبة يا مارو يا حبيبتي
و بابا علاء طيب كمان
يارب تكوني بالف خير
تحياتي
:)))
السلام عليكم
أنا نفسي أعلق بس بجد مش لاقي كلام
ربنا يكرمك و يكرمه
كل سنة وانتى طيبة
مدونتك حلوة جدا و اسم المدونة عاجبنى و شاددنى جدا و بيفكرنى باغنية سلطة لوجيه عزيز
بوستك اللى فات هايل واضح انك واعية و اللى حكتيه حقيقي للاسف بس صدقينى مش كل الشباب لسه فى كتيير كويسين مبيعملوش اى حاجة من دى
تحياتى
كل سنه وانت طيبه وربنا يخليلك بابا علاء هو انسان يستاهلك منك كل ده وانت انسانه رائعه
ان اكرمت الكريم ملاكته وان اكرمت الليئم تمرد
فانت انسانه كريمه علشان منستش الحب ده كله
تحياتى لك ولاء
اننا نلاقى حد بالإخلاص ده
حد ما زال بيعترف بوجود جميل لشخص عليه
حد بيعتز بوجود شخص فى حياته هو اللى ساعده وخلاه يكون نفسه
نادرا اوى ما بيكون الحد ده موجود
انتى انسانة جميلة اوى يا مروة وبجد تستاهلى كل خير
كل سنة وهو طيب وكل سنة وانتى طيبة
وربنا يطولك فى عمره يارب
تحياتى
:)
بوست رائع يا مروة .. وكل سنة وانتي طيبة .. وتحتفلي بالعيد كل سنة مع والدك أحلى احتفال
حفظك الله ورعاكى وأكثر من أمثالك
فى زمن يكاد يكون انعدم فيه الوفاء والعرفان بالفضل لصاحب الفضل وانتى
وأنتى انشاء الله اهل الفضل بارك الله فيك وان الشكر لصاحب الجميل يجعله يستمر فى عمل الجميل
ومن لم يشكر الناس لايشكر الله
وقول الحق تبارك وتعالى ولئن شكرتم لأزيدنكم ألآية
سيرى سيرى سيرى سيرى على بركة الله وفى حفظ الله
برجاء الاطــــلاع وشكرا
http://gamal51.blogspot.com/
http://anameshm3ahom.blogspot.com/2007/12/blog-post_11.html
http://kalam3eal.blogspot.com/2007/12/blog-post.html
انتي انسانه جميله جدا
انسانه عندك ولاء في زمن صعب فيه الولاء
الحقيقه انا قريت الموضوع اللي بعد ده وعرفت مدى تعلقك بشخص بابا علاء
ربنا يباركله دنيا وآخره
ويوفقك ويهيئلك الخير
وكل سنه وانتي طيبه
سلاموووووووز
Post a Comment