أنا والفواتير وقفاك

بصراحة ياجماعة أنا حطيت العنوان دة عشان حاسة أننا بنطلطع على قفانا

كنت أول أمبارح فى البيت لابيا ولا عليا لاقيت بتاع النور جة

ومعاة فواتير العمارة طبعا وجة لشقتنا 150ج مع العلم أننا فى الشتاء

ودة بالظبط ضعف إللى كان بيجلنا من كام شهر بس

راحت أمى راقعة بالصوت وقالتلنا عشان إللى بيخش مكان مش بيطفى النور وراة حرام عليكم

رحت أنا سألت كل السكان لاقيت فعلا كل الفواتير عليت بطريقة رهيبة تكاد تصل النص

ولما دققت فى الفاتورة لاقيت إن فية 40 جنية قمامة

ياخررررررررررااااااااااااااااابى

معقول 40 جنية زبالة

لية يعنى

والفاتورة أصلا مولعة

وياريتهم أصلا بياخدوا الزبالة

دى صناديق الزبالة مرمية أدام البيوت وعافف عليها الدبان وريحتها جايبة أخر الدنيا

ولا حد بيجى ياخدها ولا بيعبرنا أصلا

فين أيام الزبال إللى كان بيجلنا لحد البيت وبياخد 3 جنية بس

وكانت الشوارع نضيفة مش زى دلوقتى

إنما دلوقتى لازم كل واحد ياخد زبالتة ويرمها فى الصندوق إللى فى الشارع أو جمبة

لأن مفيش مكان أصلا فى الصندوق

ومحدش طبعا بيجى يخلص الشوارع منها

وإللى أنا بقى مش قادرة أفهمة لية بياخدوا فلوس الزبالة مع الكهربا

حد يفهمنى أية علاقة الكهربا بالزبالة ياخونا

تعرفوا ياجماعة أن فى محلات تجارية بيدفعوا من 80 ل 180 جنية قمامة بس

وهتصدقوا إنى قريت إن محل الدهب بيدفع 95 جنية زبالة

تفتكروا أية الزبالة إللى بيطلعها محل الدهب عشان يدفع كل دة

وهتصدقوا كمان ياجماعة إن فية ناس رفضوا يدفعوا رسوم جمع الزبالة دى

فهددوهم بقطع الكهرباء

تفتكروا إن من حقها تقطع النور عشان مبيدفوع تمن الزبالة؟؟؟

إللى محدش بياخدها

ملحوظة
التعاقد مع شركة الكهرباء ينص علي ان نسدد لها رسوم مقابل استهلاك الكهرباء فقط

من الأخر أنا راحة أشيل الختم

حد هايجى معايا؟؟؟