حد خالع راسة

طبعا أنا كل يوم بصحى الصبح وبعد ما أفطر طبعا وأخد الشاور بتاعى

بنزل الشارع عشان أشوف مصالحى زى كل مخاليق ربنا

وطبعا بروح الجراج بتاعى وبحتار أركب أنهى عربية من ( الخمناشر ) عربية إللى عندى

مش بعرف أركب الدبليو أم ولا المرسيدس ولا اللانسر ولا الكيا ولا الجيب ولا أية بالظبط

فبقوم زهقانة ونازلة راكبة المترو او اتوبيس حسب اللى الاقى مكان اقف فية

تجديد بقى

عالعموم انا مش هقولكم حلمى القديم بأنى أقعد فى المترو أو الأتوبيس مرة واحدة بس قبل ما أموت

أستغفر الله العظيم يارب

أقعد أية بس

معلش ياجماعة الشيطان أمار دايما بالسؤ برضو

المهم نرجع لموضوعنا

طبعا أنا أدام مش هقعد لازم أضيع الوقت بحاجة

فبقوم أية بقعد أتفرج على مخاليق ربنا

والله ساعات الواحد بيلاقى حاجات تنفع تخش موسوعة جينس

أحنا بلد العباقرة يا جماعة

أنتوا مش عارفين كدة ولا أية يا

المهم

كل يوم وأنا راكبة وأنا راحة الصبح

بلاقى بنات التمريض العسكرى رايحين المدرسة طبعا

وياختى عليهم مشاء الله بلبسهم حاجة تفرح القلب الحزين

المهم وهما رايحين الصبح بلاقيهم بيفكوا الحجاب وبيقلعوة وبيحطوة فى الشنطة

وهما راجعين بالليل بلاقيهم بيلبسوة تانية

كنت كل يوم بشوف كدة

وكنت بقول لنفسى أية

بنات قليلة الأدب متربتش

يخرجوا أدام أهاليهم بالحجاب ويقلعوة فى الشارع

قلة أدب

وطبعا بطبيعتى الفضولية الرخمة مسكت واحدة منهم وأررتها

وقولتلها جاوبى يابت الإنكار مش هيفيدك المكان كلة محاصر

البت خافت ومعرفتش تفلفص منى

وأعترفت بأسوأ إعتراف ويارتها كانت قليلة الأدب

زى ما ذكائى المحدود إللى ميتعداش १८% صورلى

قالتلى أنهم بيمنعوا الحجاب فى التمريض العسكرى

والميس بتقف على باب المدرسة بتلسوع بالخرزانة وبتدى رفد لو أتكرر الموضوع

وكمان أية الجيبة ياحبايبى لازم تكون فوق الركبة أو عالركبة للمحترمات أوى يعنى

بصراحة مصدقتش

ومن يومها وأنا دايرة ورا كل بنت أشوفها أسألها

لحد ما أتأكدت من المعلومة

بصراحة أنا بعدها أشتريت كيلوا سد الحنك ومن يومها مش عارفة أفتح بقى

سايبة التعليق ليكوا بقى

يالا باى