سهرة عيد .. متبصوليش كدة دى سهرة بريئة جدااااااااااااا 
فية حد قال قبل كدة جملة عجبتنى وبجد مش عارفة هيا بتاعت مينجهل بقى معلش
بتقولك اية يا سيدى .. طرطقلى ودانك كدة
ياشعب زى الرصيف عاوز يتكنس .. فية ناس بتعرق عالرغيف وناس بتعرق مالتنس
وبما إن بكرة الوقفة
هتكلم فى الموضع دة
زمان وانا صغيرة كانت فكرتى عن ليلة الوقفة والعيد مختلفة جداااااااا
كانت الوقفة دى اللى بنفرش فيها الشقة ونحط اللمسات الاخيرة بعد اسبوع من المسح والدعك والتنضيف
وبنستحمى (حمية العيد يعنى) ونوضب نفسنا ونكوى هدوم العيد وكدة يعنى
والعيد زمان كان عشان نتفسح ونخرج ونزور اصحابنا وقرايبنا وكدة يعنى
لما كبرت لاقيت ان العيد حاجة مختلفة تماما عند ناس تانية
احتكيت بيهم فى الجامعة وفى الشغل
وسمعت قصص ما بعدها قصص
وكان نفسى اكتب من زمان بس مكنتش عارفة اقول اية ولا اكتب اية
لما كبرت لاقيت ان ليلة الوقفة دى اهم ليلة عند شباب مصر
من الاخر هيا العيد نفسة
و بيبتدوا يحضروا للوقفة من قبل العيد بكذا يوم
و التحضير بيكون لحاجتين
أولا : المخدرات المخدرات المخدرات المخدرات المخدرات
ثانيا : البنات
والبنات بيكونوا حد مصحبينة او اى حد مظبتينة بفلوس .. انا اسفة فى الالفاظ لمؤاخدة
وعلى فكرة موضوع ليلة الوقفة مبقاش مرتبط بالشباب الاغنيا ولا حاجة
دلوقتى اى حد بيتكيف ليلة الواقفة
غنى او فقير
كبير او صغير
واسعار خاصة للطلبة
من الاخر البلد كلها بتخرب الليلة دى
اتحكالى بلاوى يا جماعة
بيبتدوا الاول يتجمعوا عند اى واحد من اصحابهم
وبيسموها (مكنة) بضم الميم
وغالبا بتكون شقة اى واحد من اصاحبهم اهلة مسافرين او قفلينها او مش فى دماغهم
ولو كانوا مظبتين بنات بيجبوهم معاهم
ولو مكنوش ظبتوا بيلفوا فى الشوارع يظبتوا يعنى
وبعد كدة يعملوا ( الاصطباحة) أستمورننج يعنى بالمخدرات والخمور
فى (المكنة) مع البنات
هى دى ليلة العيد لكل شباب مصر تقريبا دلوقتى او بنسبة كبيرة جداااااا
و الكلام دة مش في وقفة العيد بس ..لأ
العيد الكبير والعيد الصغير و رأس السنة و عيد الأم و الطفل و 6اكتوبر
وعيد الفلاح حتى
و اي مناسبة وطنية او شعبية او اجتماعية
بس فى وقفة العيد اكتر حاجة
من الأخر الشباب بيخرب فى الليلة دى
وعلى طول
علشان ميفكرش فى اى حاجة
وكل سنة وانتم طيبين برضوا
خلى الدماغ صاحى
اديلة الحقنة بسرعة ارجوك محتاج الجرعة
بيظبط مزة فى الوقفة ... عااااااااااااااااادى
دماغ شبابنا .. ملياااااااااااااااااااانة .. طبعااااا
65 comments:
مروة انتى عاملة شغل جامد جدا فى البوست ده اهنيكى
انا مش معاكى يا مروه
ان كانت دى طبقه موجوده فى مجتماعنا محدش ينكر بسبب الجهل
فالشباب الكويس كتييييييير جدا ده حقيقى
ومش كل شبابنا تفكيرهم سطحى ومهمش
شباب مصر لسه بخير
او على الاقل ده اللى انا شيفاه من احتكاكى مع الناس
والقله الى بشوفهم مثال سىء للاسف اللى بتحكى عنهم
ربنا يهديهم
مع العلم ان بعض الصور اللى انتى مقتبساها مش مصريه
صح ولا ايه؟؟
ربنا يهدى شبابنا يارب ويصلح حالهم
ويجازى تجار الكيف
لماضة حبيبة قلبى
بصى ياستى
انتى اكيد محتكتيش بالناس ادى
انتى اكيد احتكيتى بالناس اللى فوق .. كريمة المجتمع يعنى
شباب كليات القمة وكدة
انا اشتغلت فى كل حاجة واحتكيت بالنس اللى تحت .. حقيقة الشعب
مش هكدب عليكى واقولك انا عشت فايف استار
انا اتبهدلت عشان اعيش
وشغلى ورانى صور كتير من الناس
اتعلمت خبرة وفهمت الناس وبعدت عن الناس اللى مش كويسة وبقيت اعرفهم بسرعة
ودخلت وتغلغت فى اعماق الناس من جوا اللى مش ظاهر فى كليات القمة والنوادى والمكتبات
فية حاجات كتير مدارية ومحدش حاسس بيها
مصايب كتير مش عاوزين نتكلم فيها عشان مش قادرين نصدق انم ولادنا بقوا كدة
صدقينى يا لماضة شباب كتير ضايعين ومش لاقين حد يلحقهم
صحيح الصور دى مش كلها مصرية
بس صدقينى الواقع مليان بلاوى مش قادرة حتى اقولها
انا شفت بعينى كتير يا لماضة
انا هدفى ابلغ رسالة
ربنا يهديهم يارب
وامصيبتااااه
لقد نزل على الخبر كالصاااعقه
بجد بجد فى كده يعنى
انا اعرف ان فى الوقفه بنخلص تنضيف الشقه ونعمل الكفته وبعدين نتفرج على فيلم رابعه العدويه
الولاد بيروحوا الجيم او سيبر مثلا او بيروحوا القهوه لحد مانخلص تنضيف يعنى
لكن مخدرات وبتاع ..ويلىىىىى
استاذة
هل هذه هى الفئة الغالبة من الشباب؟؟
لا معظم الشباب كويس ان شاء الله
لى تعليق صغير وتقبلية بصدر رحب
انت ودون قصد منك ممكن تلفتى الانتباه الى فعل هذه الاشياء لأناس لا يعرفون عنها شيئا
ولا تقولى اللى عاوز مش مستنى كلامك
ممكن اللى بيغلط بيبقى عارف انه لوحدة او فئة قليلة هى اللى بتعمل زية
لكن لما حضرتك تقولى كل الشباب او غالبية زى اللى بتعطية كارت مرور ان كل الناس كدة
انا عارف ان قصدك التوعية لكن مش علشان اوعى انسان ادلة بدون قصد على طريق معصية
زى اللى بيقول لزميلة حاسب في هناك فى الشارع الفلانى عند الحته الفانية ناس بتبيع خمر وبتسكر
وهو اصلا لا يعرف المنطقة ولا يعرف الشارع ولا يعرف حاجة من دى
فعلى الاقل عرفتة الطريق
تحياتى
وكل عام انت بخير
الطائر الحزين
تحياتى ليك وانا احترم رايك طبعا
لكن تفتكر هما بيعملوا افلام الجواز العرفى وفى الاخر الواد يضحك على البت وتقعد تعيط وتطلع حامل واخوها يقتلها ولا تدمن وتخش السجن.. عارف انت الافلام دى .. بيعملوها لية.. مش عشان البنات تعرف وتتوعى
لو البنت مكنتش عارفة حاجة زى كدة واول مرة تسمع عنها فى الجامعة او المدرسة مثلا ممكن تقع فخ ليها
احيانا كتير لازم نقرب من الغلط ونعرفة عشان نحترس منة
عارف المصل بتاع التطعيم
هو اصلا فيروسات من المرض نفسة
لازم نعرف الغلط ونتعلم منة
الجهل كتير بيودى فى ستين داهية
أه من العيييييييد
كل الشباب بيحششوا فيه و يعملوا كل حاجه تغضب ربنا
بقت أعياد الأسلام الى ربنا أدهالنا أوقات نغضب ربنا فيها و كأن حلال نعمل الى احنا عايزينه فيه
و لما اقول لواحد صاحبى حرام !! أو عيب !! أو بلاش !!
يقولى يا عم ده عييييييييييد كل سنه و انت طيب
على العموم كل سنه و أنتى طيبه يا مروه
eih ya marwa dah? d enti tele3ti 7ekayah.. danti 3ayza elwa7ed ygeelek 3amel dma3' gahza :))
la2 begad bravo 3aleeki. ana makontesh a3raf en feeh banat f masr ged3an awi kedda! ana 3arfa enhom ged3an, w ged3an awi f 7agat mo3ayanah.. laken kashf elli ta7t elsat7 dah me7tag qodrat 7'asah. shoofi law walad katab elpost dah, konti la2eeti kol elta3lee2at mn nezam "enta btsaya7lna ya man," w "aywa elshabab koloh daye3," w "ya 3am 7'aleena nrawesh, howa wala sho3'l wala gawaz wala dma3' kaman."
laken en bent t2ool kedda 3an mogtama3 elshabab, w taqta7emhom b elgor2ah di, w testa7'dem mostala7athom kaman.. di ba2a oppaaaaaaaaa ya3ni. f elgooooooooon ya la3eeba ya kbeera awi. la2 w b elsowar kaman! teslami ya benti wallahi.. ya reet kan feeh zayek 11 bas, kona 7'adna kas el3alam badal elwaksa elli e7na feeha di. shoofi ba2a enti testahli kol 7'eer 3alashan daleteeni 3ala elblog bta3ek dah. edeteeni gor3et amal mokasaffah. lazem a7'teshi 3ala dammi law gali e7bat tani. kol ta2deeri w e7terami ya agda3 marwa.
يا مروه انا مقصدش اللى وصلك
يا ستى انا من اول الناس اللى احتكوا بكل فئات الشعب
انا مش هاى كلاس زى ما انتى فاكره
وكليات القمه لا تخلوا من عناصر فاسده حتى وان كانوا طبقات راقيه زى مااطلقتى عليهم
احتكيت بكل انواع المرضى اللى تتخيلهيم
وعايشه فى وسطيهم
انا مش بقولك انى مشفتش الناس دى انا مواليد نفس سنك يا مروه انا كمان 84 وعندى 23 سنه وعايشه مع الفلاحين كمان والاسكندرانيه
لا ا نا اقصد ان مش كل شبابنا كده
الاغلبيه الكويسه كتير
انا شايفه انك عممتى
الاهم دلوقتى
احنا انا وانتى وغيرنا نقدر نساعدهم ازاى ؟؟؟
كل سنه و انتي طيبه انا كنت فاكره الناس بتصوم يوم الوقفه ده
يا مروه بجد انتي مواضيعك جامده وبحس انك محتكه أوي بالناس وده شئ عجبني في مدونتك الحقيقه علشان مش عارف ليه كل ما أخش مدونه من المدونات المعروفه والمشهوره أحس ان كل كلام أصحاب المدونات دي كلام من فوق تحسي انه كلام زي كلام الصفوه المثقفه من كتاب وصحفيين وأدباء وشعراء بس بجد حسيت من مدونتك انك حاجه مختلفه ولما عرفت انك ساكنه في المطريه يعني حي شعبي وشعبي أوي كمان عرفت انك ممكن تكوني احتكيتي بناس مختلفه معظم أصحاب المدونات اللي بخشها ما يعرفوش عنها حاجه ، وعلي فكره أنا من حي عين شمس يعني حي شعبي برضه و حاسس بالكلام اللي انتي بتقوليه أوي بس يا مروه علي الرغم من كده في شباب حلوه كتير وفي شباب كويسه بجد بس للأسف مش لاقيين الفرصه مش لاقيين حد يحس بيهم والخوف بجد علي الشباب ده لأن الأحباط ممكن يدفع الأنسان انه يعمل اي حاجه حتي لو هيدمر نفسه ربنا يستر علي شبابنا ويهديهم يا رب.......... مروه علي فكره انا حطيت مدونتك في المدونات المفضله عندي وده بجد شرف اني أحط أسم مدونتك عندي وأتمني تشرفيني بزياره مدونتي المتواضعه ...تحياتي وتقديري لك
مروه
يخرب عقلك وقعتي على الصوره دي فين
جمييييييييييييييييييييييييييلة لا تحفة
مروة
نجي للمهم
انتي ايه رأيك بعد ما عرفتي كل الحاجات دي
بذمتك مش زلاعلانة على شبابنا
مش زعلانة على مستقبل أمة بيندقاس من دلوقتي ومن حكومتنا قبل ما يكون من أعدائنا للأسف احنا بنحقق بكل سهولة ويسر كل المخططات اللي راسمها أعداء البلد والحاقدين علينا
ما عنديش فكرة خارج مصر في كل مكان المصريين تلاقيهم في جميع المجالات وفي مهن مختلفة والكل بيثبت كفاءة عالية وطبعا ترجعي تسالي نفسك سؤال امال فين الكلام ده جوه البلد ومين السبب الله يجازي اللي كان السبب
حسبي الله ونعم الوكيل حسبي الله ونعم الوكيل
دى اقليه بس موجوده اهنيكى ع الجراه انتى مشروع صحفيه ناجحه
الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................
صحيح انو الناس هاي حالتهم حاله وفقرا
بس الله اعطانا عقل نميز فيه الصح من الغلط
ولو كان السيف المرعب "الفقر" فوق رؤوسنا
مره قلت لصحبتي مصريه انو في اشياء زي هاي بتصير عندكم هي اضايقت من كلامي وطلبت مني ما اكمل مع انو هادا واقع والعالم الي برا شايفو
واكيد في ناس كتير كتير كويسه وطيبين بس مش لازم نهرب من الحقيقه ونعمل حالنا مش هون ومش شايفين
اكتر بوست بقرؤا فيه مصداقيه وعدم هروب من الواقع يالله عليكي ما اروعك
دماااار
زيارتي الاولى هاي وان شاء الله مش الاخيره
مروة:-
للأسف دخلت متأخر...ازيك أولا و كل سنة وانتى طيبة
بصى يا ستى..اللى قال بيت الشعر اللى بدأتى بيه هو الموهوب "فؤاد قاعود"...ده عشان تكملى المعلومة
نيجى بقى للبوست....امممممم...حاتتقبلى رايى ولا عايزانى أسقف و أمشى؟
عموما أنا ما باعرفش أسقف الا اذا كانت السقفة فى محلها عشان كده عندى الملاحظات التالية :-
أولا-الموضوع مش جديد خالص و أغلب الناس عارفاه وسبق تداوله من سنتين عقب حوادث التحرش بتاعة وسط البلد لما لزقوها فى دينا والعنب العنب
ثانيا-تناولك للموضوع-مع احترامى- سطحى شوية..عارفة ليه؟ عشان انتى مسنودة على اللى اتحكالك زى مابتقولى..يعنى " الدليل..قالوله"...ماينفعش ياباشمهندسة
ثالثا- لما تجيبى صورة لاتنين شباب أجانب شكلهم باين والكلام فوق راسهم باين يبقى المفروض التعليق مثلا يبقى "بنقلدالغرب حتى فى الغلط..أو ما شابه..لكن لما تكتبى " بيظبط واحدة ليلة الوقفة-عادى" يبقى ده مش احترام للى بيقرا..وقفة ايه اللى عندهم " تفتكرى ينفع أقتبس صورة لولد وبنت مصريين ع الكورنيش و أحطها فى موضوع عن الحرية فى أمريكا مثلا و أكتب تحتها " شباب أمريكا والتظبيط" ؟
يارب تكونى فهمتى قصدى
انتى عارفة ..فيه جورنال اسمه النبأ..جورنال زبالة الصراحة..الجورنال ده يعمل ايه عشان يبيع...يروح عامل مانشيت كبير فى الصفحة الأولى " عمايل الوزير المهم مع الساقطات فى وسط البلد"...مثلا...الشباب تجرى تشترى الجورنال وتقعد تفليه لغاية ماتلاقى خبر صغير من سطرين فى صفحة داخلية " ان يشاع ان وزير مهم فى دولة غربية يتردد فى بلدهم على شارع مهم فى وسط البلد...الخ"..المهم ان المانشيت حاجة والخبر حاجة..دى بالظبط نفس حدوتة ان الصورة بتاعتك فى وادى والتعليق فى وادى تانى
رابعا :-تعميم الكلام على كل الشباب أو أغلبيته غلط يا مروة...هى نسبة كبيرة أيوه بس مش لدرجة الأغلبية...هل معنى كلامك ان كل أوأغلبية البنات بتتظبط ليلة الوقفة سواء صحوبية أو فلوس؟ و معلش الموضوع مالوش دعوة بالهاى كلاس والناس البيئة زى مانتى قلتى..دى مرحلة سنية معينة
خامسا :- أتمنى تكتبى بوست تانى عن تجارب شغلك اللى بتقولى عليها واللى خلتك تحتكى بحاجات كتيرة من قاع المجتمع..انتى عارفة حاتبقى أقوى بكتير لأنها عن تجربة وليس عن سماع..زى موضوع الميكروباص كده
وأخيرا...مش عارف اقول لك ايه تانى..أنا حاسس انى عكيت وانك حاتزعلى من صراحتى بس ياللا بقى معلش.......حصل خير
للأسف عندك حق
لو حسبناها بالعقل
حنلاقي إن الطبقة الفقيرة و هي أعرض طبقات البلد
و معظمها ساكن في عشوائيات
الحشيش بالنسبة ليهم زي المستيكة بالنعناع بالنسبة لي أو زي العسلية بالنسبة لفلفل بتاع عالم سمسم
حاجة من ضمن أساسيات اليوم
و يمكن بيحششوا أكتر ما لا مؤاخذة في اللفظ _بيدخلوا التواليت _
و طبقة النوادي الهاي أوي و فلل مارينا بيشربو مخدرات بس حاجات أرقي من الحشيش
يعني هروين بانجو كدة يعني
أما الطبقة المتوسطة امؤدبة فهي لا تمثل شئ في هذا البلد
لحديثي بقية
سلام
كل سنة وانتى طيبة يا قمر
بس بجد الصور مقززة اوى مش مصدقة انها فى مصر!!!
انا مش ساذجة كده لكن الى يسمع غير الى يشوف
ربنا يهدى
====
عيد سعيد
:)
صباح الدماغ العالية
كل سنة وانتي طيبه وعقبال الدماغ قصدي السنه الجايه تكوني عامله دماغ أحسن من دي كتير
وشكرا على الزيارة
السلام عليكم
كل عام وانتم بخير
عيد سعيد
رزقكم الله الحج
تقبل الله منا ومنكم
ياريت بس لو في وصله اصطباحه زي وصله الدش يبقي كله تمام
مفأجه العيد
http://mat7on.blogspot.com/
عزيزتي مروه
موضوعك في الصميم و الصور معبره جدا
شوفي انا رأيي ان زي مافيه الوحش في المجتمع فيه الحلو و صعب ندي حكم علي كل الناس
الدنيا اكيد اختلفت عن زمان و الشباب معظمهم اختلفوا عن زمان في طرق استمتاعهم بوقتهم و للأسف تجار المخدرات بقم بيقدروا يوصولوا للأغلبيه من الشباب و في الأول يعمل حبيبك و يديهولك ببلاش لحد ماتقع بعد كده بقه يبتدي الاستغلال
المهم ياجميل كل سنه و انتي طيبه عيد سعيد ليكي و لكل اسرتك
تحياتي ليكي
طبعا انا فاهم قصدك وليس معنى كلامى انى أؤيد الجهل بهذه الاشياء لكن تكفى الاشارة وغرس القرب من الله والخوف منه هو السبيل لدرء أى خطأ
تحياتى
اخ جينا للاختلاف يا مروة
انا بختلف معاك هنا
دي نسبة بسيطة جداا لكن طول عمري اعرف الوقفة وشعور ليلة العيد لعكس البشر دول الكتييييييير جدا برضو
في صلة رحم وانهم يفرحوا الناس
وعبادة
عموما ربنا يهدي الشوية دول
بوست عسسسسسسسل بجد تحفه
بس انا اتخضيت من الراجل اللي في اول صوره يا شيخه دااحنا داخلين علي عيد
المهم ان الصوره اللي انتي حاطاها في الاخر دي بتلخص نوعيه شباب كتيره اوووووووووووووووووي في بلدنا للاسف
كل سنه وانتي طيبه يا قمر وعيد اضحي مبارك
من غير تظبيط ههههه
إيه الحلاوة دي؟
قصدي إيه البلاوي دي؟
دي خلق تحطيها ده بكرة العيد يعني إن شاء الله
بس أنا نفسي أفهم إنتي ساكنة في سوق ولا في غرزة؟؟
المهم حاولي تتجنبي الروائح دي علشان هي شمة واحدة وهتروحي مش هترجعي تاني
تحياتي
الأستاذ :-
بص ياعم..أنا ضد مبدأ انى أرد بالنيابة عن صاحب/صاحبة المدونة...بس انت الحقيقة مستفز....ايه انتى ساكنة ف غرزة دى؟ حد يقول لبنت كده؟ وفى التدوينة اللى فاتت تقول لها يااى انتى ساكنة فى حتة زى دى وتطلع ساكن فى عزبة النخل...ايه يا عمى فيه حاجة اسمها ذوق برضه فى الرد بالذات على بنت
كل سنة وانت طيب
Fantasia
مش قادرة اصدق ان كل الكلام دة فيا
انتى رفعتى من روحى المعنوية جداااااااا
بجد مرسى اوى لذوقك بجد
اتمنى متكنش اخر زيارة
وبإذن الله انا مش هخيب ظنك فيا ابدا ابدا ابدا ابدا
وهكون عندك لى طول
هستناكى يا قمر
شريف طلال
كويس انى لاقيت حد شاهد على اللى بيحصل ليلة الوقفة
انت عارف طبعا كل البلاوى اللى بتحصل
ربنا يهديهم
mado80
ربنا يخليك يا مادو
انت بتدينى شرف حاسة انى مستحقوش
ربنا يخليك يارب
انا عملت البوست دة على فاكرة عشان حاسة بالناس وتعايشت معاهم
ناس كتير مش قادرة تصدق تن دة بيحصل
يارب ارحم شبابنا واهديهم
حسن ارابيسك
الصور دى يامعلم جبتها من عالنت
انا اقصد بيها رمز وشعار
صدقنى والله والله والله انا شوفت اوسخ من كدة 100 مرة
والله 100 مرة
حسن ارابيسك
انا عملت البوست دة فعلا عشان حزينة بجد
عارف انا من كتر ما شوفت من السلبيات نفسى بجد اعمل حاجة
المشكلة ان دلوقتى الغلط بقى عادى ومبقاش يتسمى بمسماة الطبيعى
انا عارفة ان لسة فية ناس كويسين بس للاسف بقوا اقلية
انا بدعى ربنا انة يرحمنا ويهديهم ويوقف لكل حد حد جمبة يهدية
حقى اهرتل
مرسى لمرورك اول مرة عندى ويارب تكونش الاخيرة
عارف الاقلية دى عمالة تزيد
محدشحاسس بالناس اللى تحت
شباب كتير ضايع ومحدش عاوز يصدق انة ضايع
ذو النون المصرى
بجد قصيدة رائعة
جزالك الله خيرا
اتمنى اشوفك على طول
ومرسى لزيارتك الكريمة
MĕŢø & ŘǿŖêĔ
شوف ياسيدى
كل مجتمع فى الصح والغلط
بس المهم اننا نلحق نعالج الغلط
على فكرة الموضوع دة مالهوش علاقة بالغنا والفقر خالص
لية علاقة بمدى القرب من الله والفهم الصحيح بكل حاجة
انا عشت وقائع مؤلمة كتير عشان كدة كتبت
مرسى بجد لزيارتك الكريمة
الى كل مسلم غيور الرجاء تسجيل توقيعك في هذا الرابط لازالة صورة للرسول صلى الله عليه وسلم و قد تم حاليا جمع 2,851 توقيع بحمد الله تعالى ولكننا مزالنا بحاجة الى عشرة الف توقيع. فساهم بارك الله فيك بنشر هذه الرسالة لازالة الصورة بأقرب وقت ممكن من موقع ويكيبديا وما حادثة الرسوم الدنماركية عنا ببعيد.
الرابط: http://www.thepetitionsite.com/2/rem...from-wikipedia
m5m
اتأخرت عليا بس ماشى هسامحك المرة دى بس المرة الجاية انت عارف
المهم ندخل فى المهم عشان انا حامية دلوقتى نار
بص ياسيدى
هرد على سعادتك واحدة واحدة
اولا عارفة ان الموضوع مش جديد وانا مش بتكلم فية عشان هو جديد ولا قديم انا بقول رأى من وقائع عشتها .. دى مش أغنية بسمعها وحطاها لكم وطلعت قديمة من الألبوم إللى فات .. أنا بقول رأيى بمنتهى الحرية حتى لو كان أتقال قبل كدة .. لحد ما أموت هقول رأيى
ثانيا حضرتك أنا مش مسنودة على إللى أتحكالى زى ما قولت حضرتك ومبحبش كلمة بيقولك وقالولة
انا عشت وقائع كتيرة وشوفت بعنيا ولسة عندى ياما قصص وحكايات تشيب الطفل الصغير وهتشوف
حضرتك انا من منطقة شعبية واكتر من شعبية
انا عصامية بنيت نفسى بنفسى
اشتغلت من اول بياعة فى محل وجرسونة فى كافتريا وممرضة فى عيادة لحد مهندسة فى شركة
اتعاملت مع كل طبقات واصناف البشر
وكلة شوفتة بعنيا ولمست الحقيقة لمست الواقع بأيدى
ثالثا فعلا الصور دى انا جيباها من على النت تمام .. دى رمز حضرتك لبلاوى كتييييييييييييييير بتحصل ومقدرتش حتى اتكلم فيها
متطلبش منى حضرتك اخد موبايلى ولا كامرتى وانزل أخش شقق وغرز واصور البلاوى اللى بتحصل
لو كنت ولد كنت عملت ومهمنيش
انا جريئة مووووووووووت بس فى النهاية بنت واخاف على سمعتى ونفسى
لو حد كان ممكن يشترك معايا كنت حطيت لكم صور حية مية فى المية
والله العظيم واقسم باللة الصور اللى انا حطاها ما تيجى واحد عبى عشرة من اللى بيحصل
دى مجرد رمز صغير جداااااااا
بيحصل وهيحصل بلاوى كتير محدش من الناس الكويسة يعرف عنها حاجة والمهم انها بتزيد وعمالة تزيد
انا شوفت بعينى محدش قالى
رابعا:- هو صحيح مش كل الشباب والبنات بس صدقنى نسبة ضخمة وكبيرة جدا جدا جدا جدا
وعمالة تزيد وتزيد
انا هدفى اوعى وافهم الناس مش اكتر
خامسا :- الكلام دة هيحصل يا افندم وانا جوا دماغى الاف المواضيع والحكايات والحقائق
جوا دماغى تجارب وحاجات كتير
تابعونى تجدوا ما يسركم
عالعموم كل سنة وانت طيب
انا مدونتى للرأى والرأى الأخر عمرى ما ازعل منك ابدا
متتأخرش تانى فاااااااااهم
هعهعهعهعهعهعهعهع
هستناك
شروق
عندك حق فى كل كلمة قولتيها
بس مش عارفة لية ناس كتير مش عاوزة تصدق
مرسى لمرورك
البنت الشلبية
بيحصل بلاوى كتير اكتر صدقينى
يارب اهديهم يارب وارحمهم
كل سنة وانتى طيبة يا قمر
darsh
بعد الشر على دماغى
انا دماغى حلوة كدة
كل سنة وانت طيب
عصفور اسكندرية
ياشيخ حرام عليك
ربنا يهديهم يارب
كل سنة وانت طيب
اجندا حمرا
للأسف ناس كتير برضة فاهمة الموضوع غلط
فاهمة ان تاجر المخدرات الشرير بيدى الواد الضحية المخدرات ببلاش وبعد كدة يتعود ويجى يترمى تحت رجلية بيهرش فى جسمة ويقولوا ارحمنى
دة كلام الافلام العربى العقيمة اللى لسة مغيرتش فكرتها
دلوقتى ممكن صاحب ممكن يخلى صاحبة حشاش فى قاعدة اصطباحة بريئة ولو رفض يقولة انت خايف انت عيل
وطرق تانية كتير جدا
انا رأى كل أب وام يعرفوا مين صاحب بنتهم وابنهم ويتابعوة
هتفرق كتير
انا ساعات كتير بلاقى الحشيش بقى عادى لدرجة انى خايفة يبعوة عى المحلات عادى
ارحمنا يارب
عيد سعيد
الطائر الحزين
دة قصدى والله
انا مش بشجع انا بقول ان دة غلط ودمار
كل سنة وانت طيب
كراكيب عادل
صدقنى يا عدولة ياخويا
النسبة بتزيد
ربنا يهديهم
coca
عندك حق انا نفسى كل ما افتح المدونة اتخض من الصورة
ربنا يهى كل شبابنا
يارب متكونش اخر زيارة
عيد سعيد
Ragi
انا سعيدة ان اول كومنت عندى
كل سنة وانت طيب جدا
انت صاحب جميل عليا
مش ممكن انسهولك
عيد سعيييييييييييييييد
نوسة حبيبة قلبى
بتعجبنى فيكى براءتك يا نوسة
كل سنة وانتى طيبة واشوفك العيد الجاى فى بيت العدل يارب
مروة كمان وكمان :-
أولا ياستى بالراحة شوية ايه حكاية لحد ماموت حاقول رأيى دى؟ حسيت اننا بنطلع الانجليز من البلد...وبعدين سورى بقى هو فين رأيك اللى قلتيه ده؟ انتى حكيتى أصول الكار وفى الأخر قلتى البلد كلها بتخرب يا جماعة وكل سنة وانتم طيبين...فين بقى الرأى؟ ايه اضافتك؟ هل حللتى أسباب الموضوع؟ ذكرتى احصائيات؟ قدمتى حلول؟ ولا حاجة غير انك حكيتى شوية مصطلحات مش جديدة بالنسبة للأغلبية وبصراحة قلتها كانت أحسن
ثانيا :- انتى نفسك اللى قلتى انك "قالوله"...
...السطر 14" وسمعت قصص مابعدها قصص"....السطر 29 "اتحكالى بلاوى يا جماعة"...شفتى بقى انى ما افتريتش عليكى؟
ثالثا :-ليه حكاية " أنا عصامية بنيت نفسى بنفسى" دى؟ مش حاسة انها مبالغ فيها قوى؟ يعنى الجملة دى كنا بنسمعها فى الأفلام من الباشوات والكلام ده...لكن احنا كلنا على باب الله...عندك 23 سنة وبتقولى كده؟ ده انتى لسه ما ابتديتيش يامروة...بالمناسبة انتى خريجة السنة دى صح؟ تخصص ايه بقى؟
رابعا :- عرفنا ياستى ان موبايلك بكاميرا :)
طبعا ماقلتش تخاطرى وتصورى لايف..وحياتك ولا أنا حتى أقدر أعملها..لكن اللى قلته ان التعليق اللى ع الصورة يبقى صح مايديش انطباع انها عندنا وهى برة...( وبلاش حكاية مزة دى يابنت..كخ عيب..)
أنا متشوق قوى أقرا تجاربك الحياتية يامروة...أنا واثق انها تجارب متميزة هى التى صنعت منك هذا النضج
سلام بقى عشان حاستحمى حماية العيد و أنام.......لو اتأخرت فى الرد بكرة تبقى الفتة واللحمة كبست على نفسى...عاااادى
كل لحمة وانتى طيبة
تمت التعديلات ، وفي انتظاركم دائمًا
عكل ما تريده وتقرؤه تحت سقف واحـد
.
.
تحياتنا
ههههههههههههههه
عسولة اوى
يمكن عندكوا انتوا اللى بيحصل كدة
انما يمكن عندنا احنا مفيش كدة
العيد بالنسبالى
لما انزل الصبح عشان اروح اصلى
و الناس كلها ماشية فى اتجاه واحد
ناس صغيرة و ناس كبيرة و اطفال
و التكبيرات بتتقال
وتقشعرى لما تسمعى الحمد لله الذى نصر الاسلام وحده
و ترجعى من الصلاة تلاقى الشباب متجمعين عاملين دايرة بيفرقعوا صواريخ
و البنات بتتمشى
اينعم الشارع بيبئا وحش عشان الشباب بيعاكسوا وممكن يترمى عليكى صواريخ
بس دا اخرهم
وانا صغيرة كنت بفرح بالعيد اكتر
نفس الكلام اللى حكتيه
حلو اوى الموضوع
يمكن انا رغيت عشان كنت عايزةة اتكلم فيه فى بوست
بس الوقت سرقنى
m5m
اولا كل سنة وانت طيب .. النهاردة العيد
معلش أتأخرت عليك فى الرد .. كنت مشغولة بقى وأنت عارف
أنا بقى يا سيدى كلت اللحمة والفتة وعملت دماغ وهكتب لك قبل ما أنام وأنتخخخخخ
المهم
بص ياسيدى
أولا :- حد قالك أنى خلاص بشطب المحل وهقفل .. لا يابابا لا .. أنا لسة ياما هتكلم وهتكلم وهقول وهحلل .. الأيام قادمة كتيييييييييير أصبر على رزقك أنت بس ومتستعجلش .. أنا كنت بالبوست دة بدى نبذة صغيرة عن اللى بيحصل واضح من كلامى انة مش عاجبنى مقلتش يعنى برافو عليكوا الله اكبر يحرصكم لمامتكم .. لسة ياما هتكلم وهحلل .. الا بالمناسبة انت شوفتنى بقول الموت التام او الاستقلال الزأام .. لا حضرتك الانسان اللى معندهوش حاجة يقولها كرأى ميستحقش يعيش أصلا ومفيش رأى من غير مبادئ .. اصبر والأيام هتثبت لك أنا سطحية فى بوستاتى ولا لاءة وهتشوف أضفت للقضية ولا لاءة
ثانيا بالنسبة لكلمة (سمعت قصص ما بعدها قصص) و (اتحكالى بلاوى) .. الكلام دة حضرتك من بق المدمنين نفسم يعنى مسمعتش من حد عادى وانا قاعدة عالشلتة لا طبعا انا سمعت قصص حياة شباب ضاع خلاص سمعت اية وصلة لكدة واية اللى عملة اثناء كدة + معايشتى ليهم بنفسى
ثالثا:- انا فعلا عصامية ومش ببالغ ومش هقولك زى الافلام القديمة شوف يا اكسلانس وكدة .. حضرتك كفاية اقولك انى اتربيت وعشت وكبرت من غير اب وام .. متهيألى أبقى عصامية ومش ببالغ .. مش أحب أقولك معلومات عنى عالهوا كدة .. لو عاوز تسألنى فى حاجة أسألنى عالخاص (إيميلى يعنى )
رابعا :- حضرتك أنا مش بتباهى بموبيلى وبعترف ان اى موبيل جبتة فى حياتى كان قسط .. عادى يعنى .. وكلمة مزة دى مفيهاش حاجة يعنى ولو عاوز تعرف العيب بجد خش عند الأخ علاء ومنال فى مدونتة وشوف الإباحية على حق وغيرهم مدونين كتييييييييييير .. أنا بنتقى ألفاظى لأن التدوين لايعنى الإباحية فى الألفاظ
خامسا :- أتمنى تكون اللحمة مكبستش على نفسك وأنتخت زيي
كل سنة وانت طيب ياعسل
وانتى طيبة يامروة...
كل كلامك منطقى وجميل وماعنديش تعليق غير نقطتين فى رابعا :-
ا) أنا كنت باهرج فى حتة الموبايل أبو كاميرا ماقصدش أى حاجة تضايق والله..وكلنا على فكرة اشترينا موبايلات بالقسط...حتى الموبايل الوحيد اللى أنا اشتريته قسط اتسرق منى قبل ماخلص تمنه و فضلت أدفع اقساطه و هو على ذمة الحرامى
2) يااااه..انتى جاية دلوقتى تتكلمى على علاء ومنال بعد ما قعدوا فى ايطاليا وبطلوا تدوين؟ لو تصفحتى بوستاتهم حاتلاقينى باتخانق فى كل تدوينة بالذات تدوينة منال الشهيرة اياها بتاعة الطيارة..بس الحقيقة أشهد لهم انهم على قدر كبير من سعة الأفق و شفتهم مرتين فى مظاهرات كفاية و حسيت انهم مؤمنين باللى بيعملوه..وان كان الوضع اتغير كثيرا بعد اعتقال علاء والافراج عنه
عموما كل سنة وانتى طيبة...روحى بقى فرقعى البلالين وسيبينى أكمل فرقعة بمب
بداية كل عام وانت الى الله اقرب
وعلى طاعته ادوم
ثانياً هو صحيح من منظلق
الحسنة تخص والسيئة تعم
هناك الكثيريين من الشباب الذي
يهتم بهذه الاشياء وهذا واقع ملموس
لا ننكره
فقد اصبح بيع الحشيش والمخدرات ممباح في
الشوارع وقو ل لا اله الا الله ممنوع
فحكومتنا تريد جيلاً مسطولاً
لا يبحث الا عن الكيف وحسب
ولكن هيهات هيات لما يدبرون
هناك الكثير ايضاُ من الشباب من يعرف
حقه جيداً ويرفض هذا الطريق المشوه
للمستقبل
وكل سنة وانتم طيبيين
m5m
فرقعت كل البلالين وقلت ادخل ارد عليك بقى
على فكرة انت مش واخد بالك لمؤاخدة انى جديدة فى موضوع التدوين دة اصلا انا عمرى فى التدوين شهر بس .. يعنى معرفش حاجة عن الاخ علاء والاخت منال كتير أو غيرهم .. انا لسة ببتدى اعرفهم واقرالهم هما وكل المدونين .. بس فكرتى عنهم مما قرأتة أن فية حاجات كتير مش بتعجبنى فيهم ودة رأيى الخاص وأنا حرة فية ويوافقنى فى الرأى كتير من الناس .. معلش عرفتهم وسمعت عنهم متأخر سامحنى بقى
انا عارفة انك مش قصدك حاجة فى موضوع الموبيل وعارفة أنك بتهزر بس فية ناس كتير مش هتفهم كدة حبيت اوضح بس
يالا بقى ألحق أتعشى عشان تلحق تنام وتقوم تفطر
سلام ياجميل
الزميلة المدونة العزيزة المجتهدة جدا مروة,
انتي تستحقي أكتر من اللي قولته كمان, ف مفيش داعي تشكريني, المفروض أنا اللي أشكرك على العمل الرائع اللي بتقومي بيه.
معلش ولو اني لسة ضيفة جديدة عندك, بس عندي فيكي عشم كبير. أنا مش من عادتي اني أعلق على تعليقات الآخرين, بس بجد نفسي أعلق على كلام الأستاذ الجمعاوي, لأن للأسف الكلام ده منتشر رغم إنه ملوش أي أساس من الصحة. أنا طبعا مش قاصدة أرد على السيد الفاضل صاحب التعليق, ولكن أحب أعلق على الكلام نفسه بصرف النظر عن قائله.
أنا مستغربة من الفكرة نفسها. يعني إيه المخدرات والحشيش بيعهم مباح ف الشوارع؟ هل ده كلام معقول؟ طيب يا ريت نعرف الشوارع دي. وإيه موضوع قول لا اله الا الله ممنوع؟ فين ده؟ في مصر؟ ومين إللي منعه؟ وإمتى؟ وإللي بيقول بيعملوله إيه؟
أرجو قبل ترديد مثل هذا الكلام الذي يهدم ولا يبني أن نحكم عقولنا وقلوبنا. هل يعقل أن الحكومة, رغم كل مساوئها, تريد جيلاً مسطولاً؟ ما الهدف؟ ولماذا كل العناء في ملاحقة تجار المخدرات وتغليظ العقوبة ضدهم لتصل للإعدام؟ ولماذا ملاحقة متعاطي المخدرات وتقديمهم للمحاكمة في حالة العثور على أقل كمية, ولو كانت جرام واحد, من المخدر في حوزتهم؟ ولماذا عدم التهاون في هذا الشأن بالتحديد, بدليل القضية التي تم الكشف عنها مؤخرا والمتهم فيها هو ضابط بقوات حفظ السلام بسيناء ونجل محمد رجب زعيم الأغلبية بمجلس الشوري؟؟ وقد تم نشر الخبر في عدد الأمس من المصري اليوم:
http://www.almasry-alyoum.com/article.aspx?ArticleID=86987
يا جماعة مش ممكن مهما وصل كرهنا للحكومة اننا نلفقلهم تهم فوق بلاويهم. يعني خلونا نعترف ان زي ما فيه ناس فاسدة جوة الحكومة, فيه ناس كتير برضه معدومين الضمير من برة الحكومة. وفيه شباب بيروح يدور على المخدرات ولو ف آخر الدنيا. ومعظمهم شباب صغير, طلبة جامعة ومدارس, يعني لا عليهم أعباء ولا مسئوليات ولا بيفكروا يعملوا أي حاجة مفيدة من أصله. الحكومة بقى هي اللي مسئولة عن دول كمان؟ طيب دول أهاليهم فين؟ بيجيبوا فلوس منين والبلد مفلسة؟ والفلوس دي تلاقي أهاليهم شقيانين وطالع عنهم علشان يتحصلوا عليها, علشان المحروس قالهم إنه عايز كتب أو دروس أو أي كدبة يطلعله منها بقرشين يروح يتهبب بيهم مع صحابه. الحكومة بقة اللي قالتله يعمل كده؟ وللا هو اللي واد فاشل وضايع ومش عايز يبقى بني آدم؟ ولقمة العيش اللي بياكلها من الدعم بتاع الغلابة مش خسارة ف جتته؟ والمكان اللي واخده بسلامته ف الجامعة علشان قال إيه يتعلم مش حرام فيه؟
نفسي يبقى عندنا موضوعية في المناقشة علشان نعرف نوصل لحاجة. طول م كلنا عمالين نفش غلنا ف الحكومة وخلاص عمر ما في حاجة هتتصلح.
أشكرك يا مروة وآسفة للمداخلة دي. كمان أرجو من السيد صاحب التعليق سعة الصدر لاني وضحت اني لا أقصد كلامه بالتحديد. كل سنة وأنتوا طيبين.
fantasia :-
حاستعمل نفس منطقك و أرد على كلامك مش على شخصك...للأسف ماذكره الأستاذ الجمعاوى صحيح و أقل من الواقع....للأسف هناك مناطق بكاملها وليس شوارع يباع فيها البانجو علنا..و فى جميع الأحياء سواء راقية أو شعبية أو عشوائية
للأسف فعلا من قال لا اله الا الله اعتقل و زج به وراء الشمس و أقرب مثال من الصحيفة التى استشهدتى بها والتى نشرت عن اعتقال 42 اخوانى من الفيوم بعد صلاة العيد..
للأسف فعلا الحكومة لا تريد غير شعبا مسطولا مغيبا سواء بمخدر الجنس أو مخدر الكورة أو مخدر الفن الرخيص..
أما موضوع حرب الحكومة للمخدرات فهذا كلام يدل على طيبتك وحسن نيتك..اذ أنك لا تعلمين أن هناك رتب فى الداخلية اما لها راتب شهرى من التجار أو تتقاسم الأحراز المظبوطة وتتصرف فيها بمعرفتها..وما ينشر عن عمليات المكافحة هو غيض من فيض
ما مصلحة الحكومة؟ واضحة يا فندم..الشعب المغيب هو شعب منفصل عن واقعه..شعب بلا طموح..شعب يسهل قياده..شعب لا يطالب بحقه..شعب شبابه ضائع و شيوخه مقهورين على ولادهم
موضوع ابن عضو مجلس الشورى ده موضوع وراه ريحة قرضة ودن لأبوه و تصفية حسابات..و أراهنك انه حايتدارى و يتطبخ بعد ما الراجل يبوس القدم و يبدى الندم
أما تساؤلك عن نموذج الطالب الفاشل فدعينى أرد عليكى و أقول لك :- نعم الحكومة هى التى قالت له أن يفعل ذلك...قالتها له حين فشلت فى توفير نظام تعليم محترم له...قالتها حين فشلت فى توفير قدوة حسنة له ولجيله..قالتها حين أنهكت أبويه بظروف المعيشة وخلقت حالة من التفاوت الطبقى الرهيب جعلته يلجأ للكذب....قالتها حين منعته من ممارسة حقه فى العمل الطلابى و النشاط الحر داخل كليته و قهرته و اقتحمت عليه الجامعة بالبلطجية والمزورين....
ايييييييييييييييه
نقول ايه ولا ايه..والنبى خللينا ساكتين و ركزى فى احوال البلد أكتر من كده
شكرا
معلش يا مروة إسمحيلي ارد ع الكلام الموجه ليا..
m5m
والنبي ركز أنت معايا شوية يا بشمهندس.. خير يا فندم؟ نعم؟ أنا مركزة كويس أهوه.. بس للأسف مش فاهمة انت مشكلة حضرتك إيه بالظبط! شوية مش عاجبك التعميم, وعمال تهاجم التهويل والمبالغة ف الآراء.. و شوية تقول الموضوع سطحي.. وشوية عايز تحليل واحصائيات.. ودلوقتي انت بتناقض كل الكلام ده. طيب تعبت البنت معاك ليه كل ده لما انت مش ضد التعميم ولا السطحية ولا غياب التحليل والاحصائيات؟ عمال كل شوية تطلع بحاجة شكل وتنتقد وتتريق ومش عاجبك حاجة! وبعد كل ده, تكتب تعليق في نفس الصفحة هو تطبيق فعلي لكل الحاجات اللي انت كنت ضدها مع مروة؟ أنا مش فاهمة بجد! مين اللي المفروض يركز؟
دلوقتي البانجو بقى ف كل حتة؟ لأ ومش شوارع وبس, دي مناطق بكاملها بيتباع فيها البانجو علنا..و فى جميع الأحياء سواء راقية أو شعبية أو عشوائية! هو فاضل حاجة تانية؟ تصدق الشباب الفافي اللي ف المنطقة عندنا مش عارفين يلاقوا تموين! دا على كلامك يبقى البانجو بيتياع على ناصية شارعنا وأنا مش عارفة!
وهو بقى مفيش حد ف مصر بيقول لا اله الا الله إلا الإخوان؟ تصدق إني بقول كل يوم الشهادتين مع إني مش إخوانية! لا إله إلا الله! بقى دا كلام؟ يعني هما الإخوان بيدخلوا المعتقلات علشان بيتشهدوا! دا كدة المفروض 90% من المصريين يبقوا ف المعتقل!
وسيادتك أكيد طبعا عندك دليل واحصائيات تثبت كلامك عن الحكومة. يا ريت تنشهرهلنا لو سمحت. والأسباب الواضحة اللي الحكومة بتسطل الشعب علشانها دي المفروف انها بتفيد الحكومة! المفروض ان ده علشان الشعب م يطالبش بحقه.. جميل.. طيب أنا راضية ذمتك, رغم كل اللي شوفناه منها.. هو الشعب المسطول ليه حقوق؟ إيه حقوقه؟ إذا كان المسطول مش بينتج.. حقوق إيه اللي الحكومة هتنهبها؟ مش لازم يكون فيه فلوس علشان تتسرق؟ هو فيه فلوس من غير إنتاج؟ إذا كان المساطيل دول عالة على ميزانية الدولة.. بيستهلكوا و مينتجوش.. ده غير إستهلاك المزاج.. ومصاريف العلاج لو عايزين يتنيلوا يفوقوا.. يبقى الحكومة كدة الموضوع واقف عليها بخسارة.
بتقول موضوع ابن عضو مجلس الشورى ده موضوع وراه ريحة قرصة ودن لأبوه وتصفية حسابات.. دول كدة دبحوه مش قرصولوا ودنه! يا ريتهم كانوا قطعوا ودنه أصلا.. لكن انت عارف مصيبة زي دي مش ممكن تكون قرصة. ع العموم البينة على من ادعى.
وبعدين, نعم الحكومة هى اللي قالت للطالب الفاشل انه يعمل كدة.. قالتها له حين فشلت فى توفير نظام تعليم محترم له.. يقوم ميتعلمشي خالص؟ يعني المفروض ده نوع من الاحتجاج مثلا؟ طيب بينصب على أهله ليه؟ م يروح يتعلمله صانعة ويبطل سرقة وسطل!..
قالتها حين فشلت فى توفير قدوة حسنة له ولجيله.. أول مرة أعرف ان الحكومة هي اللي بتوفير القدوة!! وحكومة أمريكا جابت للشباب قدوة؟ مين يا ترى؟
قالتها حين أنهكت أبويه بظروف المعيشة وخلقت حالة من التفاوت الطبقى الرهيب جعلته يلجأ للكذب!!! لأ دي كتير بقى! بيكذب على أهله بسبب التفاوت الطبقى! مش علشان يعمل دماغ؟ مش عشان يكبر الجمجمة؟ مش عشان يقضي الليلة ويجيجب ستااف لزوم الصحبة والمسائل؟ لأ ظلمنا الواد يا حرام! طلع بيكذب علشان التفاوت الطبقى! وبيروح التفاوت الطبقى لما يكذب بقى؟ ولا إيه العلاقة بالظبط؟
قالتها حين منعته من ممارسة حقه فى العمل الطلابى و النشاط الحر داخل كليته و قهرته و اقتحمت عليه الجامعة بالبلطجية والمزورين.. أيوة أصل الواد مجتهد أوي يا حرام.. لأ وبيرشح نفسه ف انتخابات الطلبة كل سنة.. وللا النشاط بقى مقولكش, الواد شعلة نشاط, بيصحى الفجر يصلي وينزل ع الجامعة يعملله أسرتين على كام مجلة حائط على ندوتين, وبالمرة يعدي ع المكتبة بين المحاضرات.. لكن يقول إيه بقى ف الظلمة اللي قهروه وزوروله الانتخابات.. يا ولداه راح راكب المترو وراح على أول الشارع أشترى بكتة بانجو علشان ينسى, زي البطل ف أفلام زمان كدة لما يروح سايق العربية بسرعة لغاية البار ويسكر عشان ينسى.
ايييييييييييييييه
ايييييييييييييييه يا بشمهندس!
أركز ف إيه؟ ف الفيلم الهندي وللا العربي الأبيض وأسود وللا البوليسي وللا الاجتماعي وللا الكوميدي؟
fantasia:-
انتى علقتى على كلام غيرك و طالبتى بسعة الصدر ولما غيرك رد عليكى مش طايقة روحك
بصى يا افندم أنا مش حاقول لك غير 3 نقاط :-
1) تعليقى على مروة و نقاشى معاها مايخصكيش ومالكيش علاقة بيه..أطلب احصائيات أ قول اللى أقوله مش قصتك
2) مافيش حاجة فى ردى الأخير تناقض كلامى وفعلا فيه مناطق كاملة يا فندم موجودة و ممكن أقولها بالاسم..بس ده مش معناه ان كل الشباب زباين ولله الحمد..ولاحظى انى لما قلت شباب مسطول و مغيب ماقلتش بالمخدرات بس
(على فكرة يا فندم..التفاوت الطبقى يخليه يكدب على أهله علشان ياخد فلوس يقلد زمايله)
3) حضرتك واضح انك ست بيت بتاخد معلوماتها من الجرايد القومية و القناة الأولى والتانية و خطاب الريس وبالتالى شايفة ان كل حاجة وردى وتمام والحكومة مقطعة روحها علينا واحنا يا ولداه اللى شعب نمرود ..أدب سيس خرسيس...ربنا يخللى لك أونكل نظيف
عشان كده المناقشة معاكى بالنسبة لى على الأقل غير ممكنة
بصى يا مدام / أنسة:- أنا غلطت انى رديت أساس عليكى و با عتذر عن غلطى و من فضلك مش عايز من سعادتك رد و أتمنى ما يكونش بيننا أى نوع من الحوار...
وشكرا
فانتازيا
توضيح أخير :- بعد ما كتبت تعليقى اللى فات قلت أعمل كليك على اسم حضرتك..-كان المفروض يحصل قبل مارد الحقيقة- لقيت باسم الله ماشاء الله أربع مدونات مرصوصين..قلت أزور واحدة فيهم اسمها فانتازيا وورلد ...ايه الجمال ده؟
مواضيع عن المزز ( انتى كاتباها كده)..وايشى صور عريانة للحريم..ومواضيع عن العشيق..وشوية حنان ترك...ايه المودرن سبورت ده كله..وكله بالانجليش؟
مضطر أصحح أخر فقرة فى ردى..واضح ان سيادتك مش ست بيت ولكن ست نادى..وعلى فكرة النوادى برضه مليانة.....هذا هو الجزء الوحيد المراد تصحيحه..والباقى كما هو.....وأحتفظ برجاء عدم المناقشة معك
هههههههههههههههه
ايه ده ؟
ايه يا بنتى ده ؟؟؟؟؟؟؟؟؟؟؟
احنا للدرجة دى اصبحنا ______؟؟؟؟؟
مافيش خالص خالص يعنى ؟؟؟؟؟
طيب خير خير
اتطمنت انا على البلد كدة الصراحة
وابقى سلميلى عليها ( على البلد يعنى ):D
كل سنة وانتى طيبة يا مروة
تحياتى
:)
يا مروة الموضوع بسيط .. في ناس كده وفي ناس كتير لا .. ده فعلا ..
عن نفسي وبمعرفتي ببعض الناس .. ليا اصدقاء تقدري تقولي عليهم (( بوق )) وبس
يعني كلام .. وساعة الجد تلاقيه فرخة بلدي
وفي ناس ولا يبان عليها .. وتلاقيها خاربة الدنيا على الآخر
منكرش ان ده بيحصل .. وخصوصا في اماكن معروفة .. وللاسف سهل اوي شاب يقضي ليله زي دي .. اسهل من انك تسالي واحد من سكان القاهرة هو ماسبيرو فين بالظبط
زي ما قولتي .. اسعار خاصة للطلبة ..
ربنا يهدي الجميع
ههههههههههههههههههههه
فعلا يامروه الموضوع بقى منتشره بطريقه غريبه
ولو مفيش بنات .. يبقى يقضوها افلام
وانا مش مع لماضه .. لا يالماضه ده مش شريحه .. ده اغلب الشباب كده دلوقت الا م رحم ربى ... يعنى بنسبة ولد محترم لعشره مقضيينها
بوست هايل يامروه
د/اجدع بنوته
هيةةةةةةة هيةةةةةةة
اخيرا لاقيت حد معايا مية فى المية
احممممممممممدك يارب
اسف انى هرد على الموضوع متأخر كده بس انا لسه اليوم بس داخل على المدونه الجامده دى ممكن انتى يامروه متشوفيش تعليقى بس انا بجد الموضوع شدنى ابدأ فى الموضوع بقه
صحيح الصوره دى موجوده فى مجتمعنا وبصوره مش قليله لكن انا اعتقد انى لسه شاب ومحتك بالشباب وأأكد ان الصوره السيئه دىمش كتيره اوى يعنى متخوفش والرسول الكريم قال (الخير فى وفى امتى الى يوم الدين)وانشاء الله رسالتك توصل صح والشباب تبتعد عن الافعال الخاطئه التى لاتمت لدينا بصله
طب ما انا شاب و طول عمري ما عملتش كده لا أنا و لا أصحابي و لا معظم اللي أعرفهم
صحيح في حشاشين و ضريبة بانجو بس مش كتير قوي كده
ليلة الوقفة بتبقى على القهوة او في السايبر أو لو معانا عربية بنطلع اسكندرية نتفسح شوية لكن أكتر من كده لأ
و الصايع قوي من اللي أعرفهم من بعيد بيقضى الوقفة أفلام ثقافية
موضوعاتك كلها جامدة طحن
براحة علينا شوية يا بنت الناس مش كده
:)
Post a Comment