تحــــــــــــــديـــــــــــــــــــــــــــث
أنا لاحظت يا جماعة إن معظم الناس مش فاهمينى فى البوست دة
طبعا أنا بشكر كل إللى شرفونى وقروا البوست
وبقولكم كلكم سامحونى عشان أنا مش بقدر أرد على التعليقات اليومين دول لظروف معينة
وأسمحولى أشرح لكم البوست دة بالبلدى كدة
........................
هو واحد بيمثل أى حد فينا
راح قعد على شط المية وقت الغروب
قعد يفتكر حد كان بيحبة
بيفتكر حب لية
حب أخلص فية بجد وكان جزاؤة الغدر والخيانة
أى حد كان بيحبة مش شرط حبيبة بس
وصف الحب دة بمرض خبيث
عشان أكتشف فى النهاية إن الشخص إللى كان بيحبة كان لابس قناع
وياما ناس فى حياتنا بقوا مقنعين ومبقناش نعرف وشهم الحقيقى
كان الشخص التانى بيمثل علية وفى الأخر بان على حقيقتة
فى النهاية قرر الشخص المصدوم فى حبه
نسيان ذكرياتة ونسيان الشخص المقنع دة
وبدأ حياة جديدة
وقرر يدور لنفسة على حب جديد وحياة جديدة
...........................
وبالنسبة لشرح الكريكاتير
هو واحد من اللى بيلبسوا الأقنعة
بيفتح دولابة
وبيختار قناع من أقنعته
وملامحة أصلا مبهمة
...........................
بس كدة
ياريت تقروا القصة تانى وتحاولوا تفهمونى
أنا بتأسف ليكم جدا
عشان مقدرتش أكون مفهومة بسهولة
تحياتى وحبى ليكم كلكم
مروة الزارع
..................................
جلس هناك على صفحة الماء وقت الغروب
والشمس تدنو للمغيب
كان يجمع أوراقة
جلس هناك فى المقعد الشاغر
شرد ذهنة
سأل نفسة
منذ متى تملك منة ذلك المرض؟
مرض!!!!!!!
هنا تجمدت حواسة عندما نطق هذة الكلمة
لأول مرة ينادية بمصطلحة الحقيقى
لأول مرة ينادية هكذا
لأول مرة يدرك معنى هذة الكلمة
لأول مرة يدركة
توقف برهة وحاول أن يتذكر
لم يعد يذكر منذ متى سرى فى خلاياة
لم يعد يذكر منذ متى تملك منة
شعر كأنة ولد به
ولا يعلم غير حقيقة واحدة
أنه يذكرة فقط
أمسك بدفاترة القديمة الصفراء من الزمن
دفاترة الملطخة بدمة
قلب صفحاتها وتجمد عند أول صفحة
ها هو هناك ذلك المرض الخبيث
رأه هناك يربط على كتفة
رأه هناك يتوغل بين ثنايا ملامحه
هاهى نظرته الطيبه له
هاهى نظرة العطف والحنان الخادعة
رأى وعودة له بالأمان
قلب صفحتة وهو ينظر لإنعكاس وجه على صفحة الماء
شعر بغربة حينما رأى ملامح وجهه
رأع ملامح وجهه وكأنها لم تعد ملامحة التى يعرفها
ملامح باهته
ملامح محطمه بائسه
رأه هناك مختفى بين طيات ملامحه
رأه هناك فى أطلال بريق عينية المنعكس
قلب صفحه دفاترة
رأه من جديد بين طيات الورق
ها هو يبتسم له تلك الإبتسامة الزائفه
هاهو ذلك المرض يشدة له
هاهو يجعلة يعشقة
يعشقة!!!!
لم يستطيع أن يتهرب من تلك الحقيقة المرة
نعم عشقه
عشقه بكل وجدانه
رأى نفسه وهو بنفسه يفتح له الأبواب كى يتوغل فى جسده
رأى نفسه وهو يصدقه ويستسلم ويرفع كل رايات الإستسلام
قلب صفحه دفاترة
رأى فيها الملامح التى تغيرت
رأه وهو يغير ملامحه وتسقط كل أقنعته
لتعلن عن وجهه الحقيقى
وجهه الذى يحمل كل شراسة وخداع الدنيا
رأى حينما أختفت وتلاشت تلك الطيبه
هنا
ترك أوراقه تطير فى الهواء
طارت عليا لتستقر على صفحة الماء
ووقف ينظر برهه لملامحة الباهته المنعكسه
الملامح التى سقطت أمامها كل الأقنعه
ملامح تحمل كل عذاب وألم الدنيا
وهنا قام وغادر
تاركاَ ورائه أوراقة تطفو
تاركاَ وراءه ملامح وجهه
وقرر أن يبحث لنفسه عن ملامح جديدة
وأبتسم
وتذكر أنه لم يكن سوى مرض
لم يكن سوى مرض
36 comments:
رائع يا مروة
والكاريكاتير جميل اوى
تسلم ايديكى
احمد
الاسلوب بجد حلو اوى و يشد اوى اوى و الكلام كبير كدة مش اى كلام =)
جميله يا مروه تسلم ايدك
أسلوبك جميل أوي
تحياتي ليكي
حلوة اوي التدوينه دي
كتير اوي في الزمن ده بقي ليه مليون قناع
مابقتش حاجه غريبه
واللي له وش واحد بقي هو الغريب
ربنا يرحمنا برحمته
كل مرة بتجيبي جديد
الواحد مش ملاحق
ماشاء الله تبارك الله
تحياتي
سلامو عليكو
العنوان بصراحة ضللني .. افتكرتك حتكلمي في حوار تاني خااالص
بس حلوة الخدعة
تحياتي
بسم الله
جميلة جدا هذه التدوينة
تقبلي تحياتي
حقيقة هذه أول مرة اتابع فيها مدونتك التي جاءتني عبر البريد الالكتروني، الفضول وحده دفعني لاستكشاف ما بها من موضوعات التي قرأت منها حتى الآن موضوعها الأول سقوط الأقنعة، الذي يتميز في ظني بأمرين أساسيين سلاسة الفكرة وطريقة عرضها الجذابة، أما النقطة الثانية فهيا التوصيفات الجميلة التي أشد ما أعجبني فيها:
ترك أوراقه تطير فى الهواء
طارت عليا لتستقر على صفحة الماء
ووقف ينظر برهه لملامحة الباهته المنعكسه
الملامح التى سقطت أمامها كل الأقنعه
ملامح تحمل كل عذاب وألم الدنيا
وهنا قام وغادر
تاركاَ ورائه أوراقة تطفو
حقيقة تدوينة جملية .. تحياتي جمال الدرواني صاحب مدونة صيد الخواطر
مروة ازيك
مالك فيه ايه
الكلام دة متعب كدة ليه
بقالنا كتير ما قلناش حاجة على الماسنجر
اتمنى يكون البوست دة بس للكتابة ومش لابراز تعب نفسي
ربنا يريح قلبك ويرشدك للصواب انتي وكل اللي زيك يارب
مروه
دى موهبه جديده دى؟
ولا انا اللى جديد
عالعموم جميل الكلام
لكن اللى جوه الكلام
احساس صعب لما المرض
يتمكن من الانسان
متألقه دائما
تحياتى
نحن من نصنع الأقنعة
ونحن من يجب أن نسقطها
جميلة كلماتك مروة
أخوكِ نيجــر
كلماتك حقا ليست كالكلمات
كلاماتك تنزف ..
وكأني بك تريدي أن تقولي يا دمي خليك حبر أكتب بيه حروف
كركتير معبر
لا تبتعدي كثيرا
محبتي ،،،
حاسه بألم كبير فى القصه دى يا مروه
ولا يمكننى سو ان اقول شفاه الله وعافاه
وشفى كل مرضانا
لا اعلم ماذا اقول
هو بوست يحتاج الى تفكير عميق
تملكني حتى قرأته لاخره
هو تجربة ما لا اعلمها
لكني احاول ان اعيها
جميل بشدة
بشدة
تحياتي
رائعه يامروه
كيف وان لبس المرض هو الأخر قناعا
او ما يسمية هو المرض
رأيت الرسم وكان هناك طبيب بقف يحاول يشرح لتلاميذته اضرار الاقنعه وهو نفسه يلبس القناع
تحياتى
بنت يا مروه
انا مش فاهم حاجه
مين اللي عيان
وهو مين اللي طبطب عليه ده
وايه اللي نط في الميه اصلا
وبعدين هو راح فين في الأخر
اني مش فاهم حاجه واصل
يمكن قصدك على حاجه تانيه
سلاااااااااااااااااااام
هو انا فهمي على قدي
معلش
ايه علاقة المرض الخبيث اللي تملك منه
بالاقنعه اللي في الرسمة
؟؟؟؟؟
ياريت لو سمتي تفهميني
تحياتي لك
أيوة كدة نورتى المحكمة كدة أقدر أقولك فهمتها ووصلت وتسلم أيدك طبعا أوحش أحساس فى الدنيا أما تحس حد كان مقنع أدامك أشكرك
عزيزتى
البوست واضح جدا ومش محتاج انك تشرحيه بالبلدى بس يمكن الأخوة اللى مفهمهوش اختلط عليهم الأمر فقط ,,لكن البوست ده من أجمل ما كتبت وأجمل ما فيه النهاية أنه اكتشف انه مجرد مرض يمكن الشفاء منه وكلنا مرضى عزيزتى بشكل أو بآخر بقدر أو بآخر والعلاج معروف فقط يبقى تناول العلاج لكن هناك من لا يعلم انه مرض وهناك من يحب أن يكون مريض ,,شفانا الله وعافانا جميعا وجعلنا جميعا بوجه واحد هو وجه المسلم الحق
أحييك على ما كتبت
السلام عليكم ورحمة الله وبركاتة
ازيك يا ميرو ؟ عاملة اية يا قمر ؟
انا اخالفك الرأى شوية فى موضوع الاقنعة فى ناس مشكلتها انها مش بتمثل او مبتعرفش تمثل صدقينى فى ناس ممكن تحبك بدون مقابل وبدون قناع انا نممكن اكون معاكى بس بنسبة 3% بس
ومش شرط ان لازم يكون كل الناس عندهم اقنعة لسة فى ناس على الفطرة متقلقيش ومش على الفطرة بس لا دول هبل كمان بس الكاريكاتير جميل ما شاء الله
دومتى بالف خير
توتا المسلمة
ازيك يا مروة
اخبارك اية
انا كنت داخل اسلم بس
لقيت بوست جميل جدا جدا
بجد الاقنعة كترت
احتمال اكون انا لابس قناع
محدش بقى واثق فى حد
حتى نفسة
جميل جدا ...
اتمنالك التوفيق
رائعه القصه فعلا
وغامضه ولزيزه والصوره كالعاده معبره
بس ياريت تحطى التحديث ف اخر البوست
علشان حرقتيلى القصه لما قريته ف الاول
بقيت فاهمه الفوله يعنى
فلما جيت اقرى خلاص
وصلنى ايميلك يا عزيزتى وسوف أرد عليه فى أقرب فرصة ,,دمت لى دائما أختا محبة فى الله
مروة هو انتي ليه حذفتي تعليقي
علشان انتي فاكرة اني فهمته غلط ولا لحاجة تانية
رايي في الموضوع بقى
هو دة بقى حال الدنيا
ما عدش فيه شفافية الا من رحمم ربي
تحياتي
فعلا المخادعون هم كثر هذه الايام وفعلا هو مرض لازم يفيق منه وسيشفى باذن الله
تحياتى ولاء
العزيزة
مروة
لماذا الشرح الكلام جميل وبسيط وانا شفت التعليقات واعتقد بوست مفهوم ولا يمكن انت لك وجهة نظر اخرى مش شايفها
على العموم شكرا لك
الكاريكاتير
فكرته جميله جدا
واسلوب حضرتك فى الكتابه جميل جدا
تحياتى
جميله اوى القصه وواقعيه
والكاركيتير معبر جدا
ربنا يكفينا شر لابسين الاقنعه
تسلم ايدك
جميل يامروة
مين قال ان البوست دة مش مفهوم
دة تقريبا بيشرح نفسه لوحدة
شكرا
حلو اوى البوست ده يا مروة ..بجد رائع
والتعبير عنه رائع اكتر ..بس انا حاساه مفهوم ويجى منه يعنى ..فين المشكلة بقى
عموما بوست رائع بجد
والكاريكاتير عبر عنه تماما
تحياتى
:)
اسلوبك جميل جدا و يدل على حس عالى و مرهف و توغل فى اعماق النفس الانسانيه و استخراج لاستخراج هذه المعانى
جميله جدا يا مروه
اولا الكاريكاتير جميل
ثانياً اسلوبك جميل
ثالثا الكلام واضح و مفهوم و مش بالبلدى على فكره
هههههههههههه
شكراً ليكى و تحياتى
مين اللي مفهموش ده بس بالعكس الكلام واضح وجميل فعلا انا بنصحك تشيلي التحديث علشانا انا لما جيت اقرى كنت هقرى التحديث قبل الموضوع والموضوع جميل جدااا بجد
ورائع والكاريكاتير تحفه
البوست كله رائع اصلا
ليا رأي انك تشيلي التحديث فعلا
تحياتي
هوا ليه انا قناع زوليه بدور عليه
اكيد علشان اخبى حاجه او اخدع حد بحاجه.ليه مكنش على طبيعتى واحاول اتعامل معا مشاكلى بدل ما اضفلها مشاكل تانيه.
Post a Comment