2008/03/23

وقولوا ورايا ... يـعـمـر بـيـت أبوووووه



الكوسة كانت نوع من الخضار

ولكن دلوقتى بقت هى المسار

كوسة فى بيتنا وشغلنا و حياتنا

حتى الكوسة بقت فى موتنا

المرحوم بية كان مسئول

كدة مش عارف أبصر أية

طبعاَ عزا يتحكى علية

ولازم البلد كلها تحضر فية

والتانى قال بيقولوا علية فنان

رقاص ولا ممثل ولا بتاع ألحان

صوان دة ولا قاعة سيما

الناس فيها رسم وقيمة

ومات الغلبـــــــــــــــــــــــــــــان

والكل عامل فيها نايم وغفلان

بس عند ربك كلنا بنى أدميين

لكن مين بقى فاضى يقرا فى الدين

بيقولوا دى وجاهة إجتماعية

بنرفع من روحهم المعنوية

طب ترفع ياعم إزاى وهما ميتيين

يقولوا أنت مالك ماتحط وشك فى الطين

أنت عاوز تبقى راسك براس المسؤليين

وأخرس بقى لتبقى مع التانيين

إللى بقوا فى حوسة ورا الشمس مرميين

إللى حولوا بس يمنعوا الكوسة من بلدك يا حزين


بالإشتراك فى الكلمات مع محمود الزارع

53 comments:

Anonymous said...

جميلة بجد يا بنت يا مروة

أسلوبك غنائى

بسيط

سلس

يبقى سلميلى على محمود

وقوليله يساعدك أكتر


والكركاتير جميل بجد يا مروة

أتمنالك المزيد من التوفيق

أخوكِ نيجــر

walaa said...

اول تعليييييق

walaa said...

عارفه انا النهارده طبخه كوسه
بس تعرفى احنا اللى نستاهل علشان احنا ساكتين متعرفيش ليه ليه خافييين منهم علشان هما معاهم الجيش يعنى
وحمين ضهرهم كويس علشان كده الناس خايفه تتحرك
تعالى خدى التاج بتاعك من عندى
تحياتى ولاء

الطائر الحزين said...

حزين بتجيبى فى سيرتى ليه

عارفة المثل اللى بيقول لو مات كلب البيه الكل بيروح يعزى ولما البيه نفسه بيموت محدش بيعبرة


الجنازة حارة والميت كلب

اللهم احسن خاتمتنا


سؤال متطفل
ليه مش بتردى على التعليقات؟؟؟؟؟


تحياتى

فرنسا هانم said...

ساعات بشوف صوان وانا ماشيه
اقول ده فرح ده ولا صوان ميت
يقولوا ده صوان عزا
وفى مره الناس اللى راكبه الميكروباص اختلفت
من عظمه الصوان وانجهته
وعدد اللمب
والكولوبات اللى فيه
والزخارف والورود
ناس قالت صوان ميت
وناس قالت فرح

د/اجدع بنوته said...

ههههههههههههههههه

وع راى اللى قال محدش فاضى فعلا

والله الناس عملت اضرابات واعتصامات بالعبيط

بس البكر ودن م طين وودن م عجوه

تحياتى ليكى ولمحمود

Anonymous said...

موضوع دة حلو ابقوا اشتركوا انتى و محمود كتير وعلى فكرة انا سمعت الموضوع دة من محمود قبل كدة

هانى نظير عزيز said...

رااااااااااااائع يا مروووووووووة
.
.
.
.
.
.
سلامى لمحمود

هانى نظير عزيز said...

راااااااااااااائع

خمسة فضفضة said...

السلام عليكم ورحمة الله وبركاته

صدق اللي قال :

يا بلدي يا حبيبتي فيك حاجة محيراني. نزرع القمح في سنين. تطرح الكوسة في ثواني

هما فاكرين يعني يوم القيامه هايبقي فيه حساب للناس الكلاس وحساب للناس البيئه ؟؟؟؟
ربنا يحسن ختامنا

Anonymous said...

هههههههه قبر الفنان بعرور البربور 1800 - 2008
هههههههههههههه
عندك حق عاملين فيها فنانين وبيقرفونا بال 200 سنة
موضوع فى الجون

مدحت محمد said...

انا هقاطع الكوسة هههههههههههه
شوفى الحاجة الوحيدة اللى مفيهاش كوسة هو الموت فيه عدل وبس
اما بالنسبة ده يتحط فى قبر شكله ايه
مش بالشكل طبعا ومش مقياس
تحياتى ليكى يامروة انتى ومحمود
والكاركتير كالعادة
تحفة
ماشاء الله عليكى

رئـــــيسـة حزب الأحلام said...

السلام عليكم
كلمات معبرة جدا وجديدة بس بينى وبينك ماجتشى على القبر كلة رايح للدود وان كان ملك ولا غفير وشكرا

حمادة زيدان said...

مروة هانم الزارع
بما أنو الكوسة هى الشعار الحكومى .. وبما أني أنسان كاره للكوسة ... سأعلنها صريحة فلتسقط دولة الكوسة ... ولتنتصر دولة الملوخية لأن العصر الجاى أكيييييييييييييييييييد هو عصرها
سلميلنا على حودة

مجداوية said...

فكرة جميلة
صحيح حتى فى الموت بقى فيه فايف ستارز ,وبس احنا قدام ربنا واحد وكلنا حنكون غذاء لكائنات بنقرف منها بس مين يفتكر ومين يتعظ تخيلى أى حد من ملوك الدنيا وأى حد أفقر واحد فيها الاتنين زى بعض فى الموت من التراب والى التراب ,, قال الله تعالى : فذكر ان نفعت الذكرى
جزاك الله خيرا اختى الحبيبة على هذه التَذكِرة

"النجم القادم" said...

بسم الله ماشاء الله

ايه الشغل الجامد ده

ربنا يباركلك يارب

بس يلا بقى ارسمى واكتبى شعر

صاحب المضيفة said...

ايه ده يامروة

الكلام بقى بجد

وطلعتي شاعرة كمان


يانهار ابيض



تحياتي

صوت من مصر said...

انا لو مت والنبى عايز ادفن جنبوا
ولا حتى فى الاخره مش عايزنا

مصطفى محمد said...

سلامو عليكو

حلوة أوي يا مروة الصورة و الأبيات
طعم قرايتها جميل

تحياتي

أحمد سعيد بسيوني said...

بسم الله
جملية جدا
جسدت حال البلد باختصار
قال اية : أنت عاوز تبقى راسك براس المسؤليين
تحياتي

غائب من لائحة الحضور said...

كل حاجة خربطة بس دايما اسئل مين سبب الخربطة اعتقد انة الاجابة احنا لاننا نقبل ما يحصل فينا والكل غفلان
تحياتى

اهو ده عيبه said...

وايه فى حياتنا مش كوسة هى جت على الموت

هما ليه مش مفتنعين ان الحكاية كلها متر فى مترين

ربنا يرحمنا برحمته

Anonymous said...

زى ما عودينا الرسم معبر للموضوع وكلمات جميلة معبرة لواقع أليم وكوسة عايشين فيها ومهماش عارفين ان الجسم هيبقى تراب
سلامى لمحمود وياريت يعمل مدونة زيك

3ala asm masr said...

جامده جدا يا مروه
خليهم يعملوا فى العزا سيما
بس عند ربك هيتاخدوا على جهنم ان شاء الله

Ahmed Othman said...

تعرفي ان الكوسة دلوقتي بقت بعشرة ريال في الرياض

طبعا بسبب ارتفاع السوق العالمي للكوسة
طبعا بسبب اصحاب المقامات محتكري الكوسة عندنا في مصر
خاصة ان الكوسة عندنا
original
و أدعوكم لدقيقة حداد
على البمبوطي اللي دمه ساح في القناة
طبعا قناة السويس مش قناة بنما

إبـراهيم ... said...

أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

Anonymous said...

يا ستي يعني جت على دي خليها في سرك بقى
اعتذر عن التاخر في الزيارة

mohammad hamza said...

كوسة ..

حياتنا بقت محصورة فى الكوسة

الكاريكاير معبر وخطوطه بسيطة وحلو

الموضوع كويس وجميل وجرئ

الموت مش بيفرق بين الناس ..
الغنى زى الفقير والفقير زى الغنى وكله رايح بعمله مش بحجم قبره

Empress appy said...

على فكرة حلوة قوى يا بتاعت الكوسه يا ملحوسه وفعلا الفساد بقى للركب
بس انتى بقيتى سكر وسلمى على محمود بجد

Empress appy said...

حلوة يا كوسه يا ملحوسه انتى انا كتبت كومنت معرفش وصل ولا لا
عموما بلدنا اتملت بالفساد يا مروة بجد وربنا يستر ونتحرك قبل ما تقع اكتر
تحياتى لمحمود كلماته حلوة

بحبك يامصر said...

مروه
انا دوقتى بشوف الصوره اللى بترسميها ببقى كأنى قريت الموضوع
موضوع واقعى وموجود فعلا
بس زى ما الكل قال كلنا قدام ربنا سواسيه الفرق هيكون بالعمل وبس
تحياتى

Anonymous said...

رااااااااااائع

Anonymous said...

دخلت المدونة صدفة ... فوجدتها مدونة خفيفة ظريفة ورائعة .... تحياتي علي أسلوبك الساخر ...

مـحـمـد مـفـيـد said...

حلوه بجد يا مروه

البنت الشلبية said...

انتى موتى الراجل ليه بس
ده بيرفه عن الغلابة المطحونين باغنيتين

عايزين الناس تروح فين يعنى
مش كفاية الهم الى عايشين فيه

اهم يسمعو العنب ولا البلح ..فاكهة مش هيقدرو يشتروها اهم يسمعوها ويشوفوها فى التى فى

بس حلوة الكلمات

ahmed fala said...

كلمات رائعة فعلا

والكوسة بقت موجودة فى كل مكان

دا احنا لو عملنا الطماطم اللى فى البلد كلها صلصة مش هتكفى الكوسة اللى فى البلد

تحياتى ليكى ولاستاذ محمود

احمد فلا

Reham Mahmoud said...

كوسه
ههههههههههههه
عليكى حاجات يامروة بجد جميله جدا
واسلوبك رائع
تحياتى
ريهام

Reham Mahmoud said...

كوسه
هههههههههههههههه
وبتقولى يعمر بيتهم
الله يخرب بيت ابوهم وامهم وخالتهم والنبى
جميله جدا
واحشانى قوى
تحياتى
ريهام

ahmed fala said...

كلمات رائعة فعلا

والكوسة بقت موجودة فى كل مكان

دا احنا لو عملنا الطماطم اللى فى البلد كلها صلصة مش هتكفى الكوسة اللى فى البلد

تحياتى ليكى ولاستاذ محمود

احمد فلا

قلوب بتغنى said...

صباحو عسل يامروه
اشطه يا عسل
انا بقى من كتر الخنفقه كرهت الكوسه
ذلك الخضار المسالم البسيط الى معملناش حاجه واتظلم اونطه بس برضه مش هاكلها تسجيل موقف

Anonymous said...

السلام عليكم ورحمة الله وبركاتة
عامل اية يا قمر ؟
اية الجمال والحقيقة العارية دى
لا بجد كلمات جميلة واسلوب رائع وصورة مميزة
جزيت خير انت واخيك على اظها الحقيقة المرة فى طبق من العسل الاسود ههههههههه انا بهزر وحشتينى والله ادعيلى اوى ان ربنا ييسر بقة واتزوج وافضى لك يا جميل اوك يا قمر دومتى بالف ود وخير وجمال وحلاوة يا شكولاتة
اختك فى الله
توتا المسلمة

Anonymous said...

أختي الغالية مروة ...

تشرفت وسعدت بزيارة مدونتك المميزة والقيمة ...
أرجوا دوام التواصل والمودة بيننا

محبتي ..

أختك زهرة النسرين

Ahmed El-Agouz said...

الله يرحمه كانت راسه زي الاتوه وابوه من خيار الناس وعزاه كوسة

Abo 7anf said...

ما لها الكوسه
بكرها ومالوا
حتى بطيقش اقلها ومالوا
فى كل مكان ماشاء الله
فى المقابر كمان الحمد لله
انا لو ملقتش كوسه اقلق
بصراحه من غيرها
مش عارف اقول ايه
يلا السلامه عليك يا.........يلا السلامه
و فى النهايه بعيدا عن الكوسه وحياتنا الموكوسه
الموضوع جميل
واسلوبك جامد
تقبلى مرورى

ahmed mefrh said...

السلام عليكم
حلو قوى موضوع الكوسه ده
made in egypt
صحيح
و انادى معاكى ....يخرب بيت ابوة
ههههههههه

تحياتى ابو مفراح

Unknown said...

مين محمود الزارع؟

simple girl.. ..simple dream said...

ايه يا مرة الابداع دة
لا جامدة بجد

Unknown said...

احنا بقينا بتوع مظهره حتى في الموت
جميله قوي يامروة

بس ايه
رسم وشعر كمان
ربنا يكرمك

arsenalwy said...

تصدقى يامروة

انك كرهتينى فى نعمة ربنا الكوسة

سلامى ليكى
ولمحمود

عايش... ولكن !!!! said...

اول زياره
بس بجد عجبنى جدا البوست
والكوسه جامده جدا
على فكره على رأى احمد فؤاد نجم
كان بيقول الكوسه عارف الكوسه ممكن اقولك فيها مواويل
تحياتى
علاء

Desert cat said...

انا معاكى ان الوجاهه وصلت حتى فى الموت وفى الصيوان اللى بياخد من اول لاخر الشارع
انما قدام رب العباد ايه اللى ممكن يحصل ؟؟
الله وحده اعلى واعلم

شريف طلال said...

تسلمى يا مروه انتى و محمود
جميييييييل و بسيييييييط و سهل ممتنع
شكراً على الغنيوه الجميله دى
تحياتى

Soooo said...

همممممم
مش عارف ليه حسيت الموضوع ده قوي
يمكن عشان انا باعمل ديكورات لمقبرة احد اباطرة اللحوم وفعلا كل اللي يشوف الشغل اللي باعملو يقولي مش حرام المصاريف دي في مقبره
؟؟؟
بصراحه بالاقي نفسي ساكت ومش عارف اقول ايه
ربنا يسترها علينا




سلامووووووووووووز