ناس كتير ممكن نشوفها ونقابلها كل يوم
بس مش كلهم ممكن يعلموا فينا ويسيبوا أثر طيب
أنا فى البوست دة بقدم شكر خاص
لأخوات بجد عرفتهم من عالم التدوين
أصدقائى وأخواتى أحمد الصباغ و بت خيخة وأى كلام
وبقولهم بجد موقفكوا معايا أثر فيا
مع أننا منعرفش بعض من زمان
وبقولك يا أحمد أنت بجد أحلى وأجدع أخ وصديق وفى عرفتة
وكلامك الجميل ليا لمصلحتى مش هنساة
وبقول لخيخة أنتى بجد كنتى أكتر من أخت
وحتى خوفك عليا فكراة لما بتزعقيلى
أنتوا بجد كنتوا معايا أحسن من أهل وأخوات
وجدعان بجد
أشكركم كل نصايحكم
أشكر بجد موقفكم معايا من غير ما أطلب
لأن بجد المعدن الطيب بيبان فى المواقف الصعبة
وحسيت بجد بخوفكم عليا وحبكم ليا
ويارب نفضل كدة أخوات وأصحاب على طول
بحبكم فى الله بجد
22 comments:
ربنا يخليهم لك
و يخليهم لينا
انتي بتتكلمي على اطيب قلبين في عالم التدوين
إخوات مخلصين بكل ما في الكلمة من معاني
:)
ثم من غير ما اعرف ايه الموضوع أكيد انتي تستاهلي الزعيق
ههههههههههههههه
انتى فعلا بتتكلمى
عن اتنين
ياهوووووووووو
البشر كلهم بيحبوهم
انا اتوقع ان الدنيا بكل جمادها
بيحبهم اصلا
مش بس بشر يعنى
ربنا يوفقهم يارب
ويجازيهم خير
ويحبب فيهم خلقه كمان وكمان
ادام الله الموده والحب في القلوب
ويارب ربنا يرزقك دايما بمعرفة الناس الجدعان ولاد الحلال
:)
ما شاء الله
ربنا يباركلهم
ويجمعكم بهذا الحب تحت ظل عرشه يوم لا ظل الا ظله
والله بوست يفرح بجد
وحاجة تدعو للتفاؤل كده
:)
يا خراااااااابىىىىىىى
والله واتشبهتى يا بت يا خيخة
انتى يا بت يا ميرو كدة هتسوئى سمعتى الخيخية
الناس دلوقتى يفتكرونى جدعة لاقدر الله
يعنى انا بعد التعب ده كله وحصولى على لقب خيخة عن جدارة
جاية دلوقتى تقولى احجار كريمة ومعرفش ايه؟
طب ارجع سمعتى الخيخية تانى ازاى
انا كدة هارفع عليكى قضية من الضرر اللى ممكن يحصلى من السمعة اللى عملتهالى دى
يا بت يا ميرو انتى حتة جوهرة بس عليها شوية تراب
انا لما بزعقلك علشان عايزة التراب ده يتشال من على الجوهرة
لان الجوهرة مكانها الطبيعى جوة علبة قطيفة وتتحط فى خزنة علشان نحافظ عليها
ربنا يحميكى يا ميرو ويبعد عنك كل حاجة وحشة ويوقفلك ولاد الحلال فى سكتك دايما وينورلك طريقك
سلام
اختك خيخة
الصديقة العزيزة جدا .. مروة
صدقينى الكلام اللى انتى كتبتيه ده
أقل من واحد من عشرة من اللى باحملة انا ونور تجاهك
انتى نعم الانسانة الطيبة الوفية
ونعم الانسانة المتفتحة المتفهمة للى حواليها
ويارب دايما اكون عند حسن ظنك
وأكون دايما أهل لثقتك الكبيرة فيا
اللى دايما بفخر بيها
ودايما هتلاقينى جنبك قلبا وقالبا
لأنك جزء من عالم انا بعشقة حتى النخاع
وهو عالم المدونين الجميل
دمتى بخير
وتقبلى خالص تحياتى
أحمد
امين
يا سلاااااااااااااام ,,جميل جدا انى اشوف حد بيشكر الغير واللهى عالم المدونات ده فعلا فيه ناس زى الفل أومال الناس برة عاملة كده ليه !!!,سبحان الله ,وربنا يديم المحبة بينكم ,,ولأنك فنانة وزوقك وحسك مرهف فتقبلى تحيات واحدة زومل برضه فى كار الفن والتدوين
سلامو عليكو
بارك الله فيكم
و في كل ما هو طيب فيما بينكم
تحياتي
ربنا يخليهوم لك ويخليكي ليهم يا مروزة
وافضلوا غيظو فينــا كثيييير كده
.
.
تحيااااتي ، حتى ألــقـاهم :)
أدام الله الود
والحب فيه
وجمعكم في فردوسه الأعلى
كما جمعكم في عالم التدوين !
الناس بالناس وياريت يكون فية صداقة بالشكل دة دة معناة ان الدنيا لسة بخير
احلي حاجة في الدنيا لما تلاقي اصحابك بيخافوا عليكي ويقفوا معاكي في المواقف الصعبة
بجد ربنا يخليكوا لبعض علي طول
ربنا يديم المعروف
تحياتى
ان كان على خيخه او احمد الصباغ
اتنين من اعلام التدوين
ومن الكبار العظام كمان
وخيخه تستحق كل تقدير وكل اشاده
وانا معاكى بحييهم
من غير ما اعرف حاجه
هما المدونين كده بعيد عن الجو الروتين
بس كلهم اخوات
اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
الى ---- ( حملة حما يه ) ------
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة
العزيزة
مروة
الصديق هو من يظهر وقت الضيق
والمثل يقول
صديقك من صدقك القول
وصديقى من اهدى الى عيوبى
وانت ايضا انسانه من اصل لانك قدرتى ما اهدوك اياه من نصائح ولم تاخذ العزة بالنفس وتركبى دماغك
هذه معادن طيبه انا سعيد بالتعرف عليها وان شاء الله يستمر التواصل
ربنا يديم الود ما بينكم دايما
بصراحة انت وقعتى مع شخصين ... من أطيب الناس قلبا و من أكثرهم إنسانية
اللهم أدم عليكم الود
ازيك يامروة بجد انتى واحشانى وانا مش زعلانه منك لانى بجد بحبك جدا وزى اختى وانتى عارفة كدة
الموضوع بجد رائع وجميل واحساسك جميل
ربنا يوفقك ومستنين المزيد من نجاحاتك ربنا معاكى ياحبيبتى
من اختك ريهام
فعلا الاتنين دول يستاهلوا كل خير
ربنا يدم المعروف
Post a Comment