الكوسة كانت نوع من الخضار
ولكن دلوقتى بقت هى المسار
كوسة فى بيتنا وشغلنا و حياتنا
حتى الكوسة بقت فى موتنا
المرحوم بية كان مسئول
كدة مش عارف أبصر أية
طبعاَ عزا يتحكى علية
ولازم البلد كلها تحضر فية
والتانى قال بيقولوا علية فنان
رقاص ولا ممثل ولا بتاع ألحان
صوان دة ولا قاعة سيما
الناس فيها رسم وقيمة
ومات الغلبـــــــــــــــــــــــــــــان
والكل عامل فيها نايم وغفلان
بس عند ربك كلنا بنى أدميين
لكن مين بقى فاضى يقرا فى الدين
بيقولوا دى وجاهة إجتماعية
بنرفع من روحهم المعنوية
طب ترفع ياعم إزاى وهما ميتيين
يقولوا أنت مالك ماتحط وشك فى الطين
أنت عاوز تبقى راسك براس المسؤليين
وأخرس بقى لتبقى مع التانيين
إللى بقوا فى حوسة ورا الشمس مرميين
إللى حولوا بس يمنعوا الكوسة من بلدك يا حزين
بالإشتراك فى الكلمات مع محمود الزارع
53 comments:
جميلة بجد يا بنت يا مروة
أسلوبك غنائى
بسيط
سلس
يبقى سلميلى على محمود
وقوليله يساعدك أكتر
والكركاتير جميل بجد يا مروة
أتمنالك المزيد من التوفيق
أخوكِ نيجــر
اول تعليييييق
عارفه انا النهارده طبخه كوسه
بس تعرفى احنا اللى نستاهل علشان احنا ساكتين متعرفيش ليه ليه خافييين منهم علشان هما معاهم الجيش يعنى
وحمين ضهرهم كويس علشان كده الناس خايفه تتحرك
تعالى خدى التاج بتاعك من عندى
تحياتى ولاء
حزين بتجيبى فى سيرتى ليه
عارفة المثل اللى بيقول لو مات كلب البيه الكل بيروح يعزى ولما البيه نفسه بيموت محدش بيعبرة
الجنازة حارة والميت كلب
اللهم احسن خاتمتنا
سؤال متطفل
ليه مش بتردى على التعليقات؟؟؟؟؟
تحياتى
ساعات بشوف صوان وانا ماشيه
اقول ده فرح ده ولا صوان ميت
يقولوا ده صوان عزا
وفى مره الناس اللى راكبه الميكروباص اختلفت
من عظمه الصوان وانجهته
وعدد اللمب
والكولوبات اللى فيه
والزخارف والورود
ناس قالت صوان ميت
وناس قالت فرح
ههههههههههههههههه
وع راى اللى قال محدش فاضى فعلا
والله الناس عملت اضرابات واعتصامات بالعبيط
بس البكر ودن م طين وودن م عجوه
تحياتى ليكى ولمحمود
موضوع دة حلو ابقوا اشتركوا انتى و محمود كتير وعلى فكرة انا سمعت الموضوع دة من محمود قبل كدة
رااااااااااااائع يا مروووووووووة
.
.
.
.
.
.
سلامى لمحمود
راااااااااااااائع
السلام عليكم ورحمة الله وبركاته
صدق اللي قال :
يا بلدي يا حبيبتي فيك حاجة محيراني. نزرع القمح في سنين. تطرح الكوسة في ثواني
هما فاكرين يعني يوم القيامه هايبقي فيه حساب للناس الكلاس وحساب للناس البيئه ؟؟؟؟
ربنا يحسن ختامنا
هههههههه قبر الفنان بعرور البربور 1800 - 2008
هههههههههههههه
عندك حق عاملين فيها فنانين وبيقرفونا بال 200 سنة
موضوع فى الجون
انا هقاطع الكوسة هههههههههههه
شوفى الحاجة الوحيدة اللى مفيهاش كوسة هو الموت فيه عدل وبس
اما بالنسبة ده يتحط فى قبر شكله ايه
مش بالشكل طبعا ومش مقياس
تحياتى ليكى يامروة انتى ومحمود
والكاركتير كالعادة
تحفة
ماشاء الله عليكى
السلام عليكم
كلمات معبرة جدا وجديدة بس بينى وبينك ماجتشى على القبر كلة رايح للدود وان كان ملك ولا غفير وشكرا
مروة هانم الزارع
بما أنو الكوسة هى الشعار الحكومى .. وبما أني أنسان كاره للكوسة ... سأعلنها صريحة فلتسقط دولة الكوسة ... ولتنتصر دولة الملوخية لأن العصر الجاى أكيييييييييييييييييييد هو عصرها
سلميلنا على حودة
فكرة جميلة
صحيح حتى فى الموت بقى فيه فايف ستارز ,وبس احنا قدام ربنا واحد وكلنا حنكون غذاء لكائنات بنقرف منها بس مين يفتكر ومين يتعظ تخيلى أى حد من ملوك الدنيا وأى حد أفقر واحد فيها الاتنين زى بعض فى الموت من التراب والى التراب ,, قال الله تعالى : فذكر ان نفعت الذكرى
جزاك الله خيرا اختى الحبيبة على هذه التَذكِرة
بسم الله ماشاء الله
ايه الشغل الجامد ده
ربنا يباركلك يارب
بس يلا بقى ارسمى واكتبى شعر
ايه ده يامروة
الكلام بقى بجد
وطلعتي شاعرة كمان
يانهار ابيض
تحياتي
انا لو مت والنبى عايز ادفن جنبوا
ولا حتى فى الاخره مش عايزنا
سلامو عليكو
حلوة أوي يا مروة الصورة و الأبيات
طعم قرايتها جميل
تحياتي
بسم الله
جملية جدا
جسدت حال البلد باختصار
قال اية : أنت عاوز تبقى راسك براس المسؤليين
تحياتي
كل حاجة خربطة بس دايما اسئل مين سبب الخربطة اعتقد انة الاجابة احنا لاننا نقبل ما يحصل فينا والكل غفلان
تحياتى
وايه فى حياتنا مش كوسة هى جت على الموت
هما ليه مش مفتنعين ان الحكاية كلها متر فى مترين
ربنا يرحمنا برحمته
زى ما عودينا الرسم معبر للموضوع وكلمات جميلة معبرة لواقع أليم وكوسة عايشين فيها ومهماش عارفين ان الجسم هيبقى تراب
سلامى لمحمود وياريت يعمل مدونة زيك
جامده جدا يا مروه
خليهم يعملوا فى العزا سيما
بس عند ربك هيتاخدوا على جهنم ان شاء الله
تعرفي ان الكوسة دلوقتي بقت بعشرة ريال في الرياض
طبعا بسبب ارتفاع السوق العالمي للكوسة
طبعا بسبب اصحاب المقامات محتكري الكوسة عندنا في مصر
خاصة ان الكوسة عندنا
original
و أدعوكم لدقيقة حداد
على البمبوطي اللي دمه ساح في القناة
طبعا قناة السويس مش قناة بنما
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً
يا ستي يعني جت على دي خليها في سرك بقى
اعتذر عن التاخر في الزيارة
كوسة ..
حياتنا بقت محصورة فى الكوسة
الكاريكاير معبر وخطوطه بسيطة وحلو
الموضوع كويس وجميل وجرئ
الموت مش بيفرق بين الناس ..
الغنى زى الفقير والفقير زى الغنى وكله رايح بعمله مش بحجم قبره
على فكرة حلوة قوى يا بتاعت الكوسه يا ملحوسه وفعلا الفساد بقى للركب
بس انتى بقيتى سكر وسلمى على محمود بجد
حلوة يا كوسه يا ملحوسه انتى انا كتبت كومنت معرفش وصل ولا لا
عموما بلدنا اتملت بالفساد يا مروة بجد وربنا يستر ونتحرك قبل ما تقع اكتر
تحياتى لمحمود كلماته حلوة
مروه
انا دوقتى بشوف الصوره اللى بترسميها ببقى كأنى قريت الموضوع
موضوع واقعى وموجود فعلا
بس زى ما الكل قال كلنا قدام ربنا سواسيه الفرق هيكون بالعمل وبس
تحياتى
رااااااااااائع
دخلت المدونة صدفة ... فوجدتها مدونة خفيفة ظريفة ورائعة .... تحياتي علي أسلوبك الساخر ...
حلوه بجد يا مروه
انتى موتى الراجل ليه بس
ده بيرفه عن الغلابة المطحونين باغنيتين
عايزين الناس تروح فين يعنى
مش كفاية الهم الى عايشين فيه
اهم يسمعو العنب ولا البلح ..فاكهة مش هيقدرو يشتروها اهم يسمعوها ويشوفوها فى التى فى
بس حلوة الكلمات
كلمات رائعة فعلا
والكوسة بقت موجودة فى كل مكان
دا احنا لو عملنا الطماطم اللى فى البلد كلها صلصة مش هتكفى الكوسة اللى فى البلد
تحياتى ليكى ولاستاذ محمود
احمد فلا
كوسه
ههههههههههههه
عليكى حاجات يامروة بجد جميله جدا
واسلوبك رائع
تحياتى
ريهام
كوسه
هههههههههههههههه
وبتقولى يعمر بيتهم
الله يخرب بيت ابوهم وامهم وخالتهم والنبى
جميله جدا
واحشانى قوى
تحياتى
ريهام
كلمات رائعة فعلا
والكوسة بقت موجودة فى كل مكان
دا احنا لو عملنا الطماطم اللى فى البلد كلها صلصة مش هتكفى الكوسة اللى فى البلد
تحياتى ليكى ولاستاذ محمود
احمد فلا
صباحو عسل يامروه
اشطه يا عسل
انا بقى من كتر الخنفقه كرهت الكوسه
ذلك الخضار المسالم البسيط الى معملناش حاجه واتظلم اونطه بس برضه مش هاكلها تسجيل موقف
السلام عليكم ورحمة الله وبركاتة
عامل اية يا قمر ؟
اية الجمال والحقيقة العارية دى
لا بجد كلمات جميلة واسلوب رائع وصورة مميزة
جزيت خير انت واخيك على اظها الحقيقة المرة فى طبق من العسل الاسود ههههههههه انا بهزر وحشتينى والله ادعيلى اوى ان ربنا ييسر بقة واتزوج وافضى لك يا جميل اوك يا قمر دومتى بالف ود وخير وجمال وحلاوة يا شكولاتة
اختك فى الله
توتا المسلمة
أختي الغالية مروة ...
تشرفت وسعدت بزيارة مدونتك المميزة والقيمة ...
أرجوا دوام التواصل والمودة بيننا
محبتي ..
أختك زهرة النسرين
الله يرحمه كانت راسه زي الاتوه وابوه من خيار الناس وعزاه كوسة
ما لها الكوسه
بكرها ومالوا
حتى بطيقش اقلها ومالوا
فى كل مكان ماشاء الله
فى المقابر كمان الحمد لله
انا لو ملقتش كوسه اقلق
بصراحه من غيرها
مش عارف اقول ايه
يلا السلامه عليك يا.........يلا السلامه
و فى النهايه بعيدا عن الكوسه وحياتنا الموكوسه
الموضوع جميل
واسلوبك جامد
تقبلى مرورى
السلام عليكم
حلو قوى موضوع الكوسه ده
made in egypt
صحيح
و انادى معاكى ....يخرب بيت ابوة
ههههههههه
تحياتى ابو مفراح
مين محمود الزارع؟
ايه يا مرة الابداع دة
لا جامدة بجد
احنا بقينا بتوع مظهره حتى في الموت
جميله قوي يامروة
بس ايه
رسم وشعر كمان
ربنا يكرمك
تصدقى يامروة
انك كرهتينى فى نعمة ربنا الكوسة
سلامى ليكى
ولمحمود
اول زياره
بس بجد عجبنى جدا البوست
والكوسه جامده جدا
على فكره على رأى احمد فؤاد نجم
كان بيقول الكوسه عارف الكوسه ممكن اقولك فيها مواويل
تحياتى
علاء
انا معاكى ان الوجاهه وصلت حتى فى الموت وفى الصيوان اللى بياخد من اول لاخر الشارع
انما قدام رب العباد ايه اللى ممكن يحصل ؟؟
الله وحده اعلى واعلم
تسلمى يا مروه انتى و محمود
جميييييييل و بسيييييييط و سهل ممتنع
شكراً على الغنيوه الجميله دى
تحياتى
همممممم
مش عارف ليه حسيت الموضوع ده قوي
يمكن عشان انا باعمل ديكورات لمقبرة احد اباطرة اللحوم وفعلا كل اللي يشوف الشغل اللي باعملو يقولي مش حرام المصاريف دي في مقبره
؟؟؟
بصراحه بالاقي نفسي ساكت ومش عارف اقول ايه
ربنا يسترها علينا
سلامووووووووووووز
Post a Comment