قول ألووو والنبى متدوسش نووو

ألو أيوة يا حياتى أنا أهوة كلها عشر دقايق وهبقى عندك أنا فى محطة المعادى أهوة

أةةةةةةةةةةةةةةة يااااااااااااااااااااااااانى

أبص أنا لمحطة عين شمس اللى أحنا فيها وأبصلة بإستغراب وأستعجاب مستعجب وأبقى على أخرى

يبصلى هو بنظرة بلهاء ويستمر

والله أنا يا حبيبتى كلها عشر دقايق وأبقى عندك خلاص أهوة

ويمر الوقت وأنا مخنوقة منة

الحلفان بالله بقى عادى جدا جدا

وقلت لنفسى مش قادرة افهم الناس دى بتكدب عادى كدة عينى عينك ازاى قدام كل الناس

سبحان الله

وبعد شوية بقينا فى محطة رمسيس والمزة اتصلت بية تانى

اة ياحبيبتى معلش المترو عطل فى رمسيس وواقف بينا كتيير والله العظيم واقف

وقفل معاها وبقة مفشوخ ولا كأنة عمل حاجة خالص

وطبعا مكنتش دى أول كدباية موبيلية على الصبح بشوفها

خد عندك كل يوم من دة عاااااااااااااادى جدااااااااااا أدام الناس

فقعدت فكرت ياترى الناس زمان من غير موبيل كانت بتقابل بعض ازاى

انا طبعا موعاش انى قابلت حد قبل الموبيل لأنى كنت صغيرة جدااااا

ومكنتش فقدت زى دلوقتى يعنى ولا وعيت عالدنيا

:))))

بس بجد ياترى الناس كانت بتقابل بعض ازاى

اكيد كانت ملتزمة اكتر من كدة وبتحترم مواعيدها اكتر من كدة

وتلاقى الواحد رايح قبل معادة بربع ساعة

وسرحت وتخيلت نفسى من العصر دة

الله ةةةة كل حاجة هتبقى مية فل وعشرة

وهنوفر كل اللى بندفعة على مسخرة التليفونات دى

صحيح هو ساعات بيبقى حلو لكن كتير بيبقى من غير لزمة وبيخلينا نكدب

يااااااااااااااااااااااااا الحياة هتبقى هادية ومش هتحس ان حد مراقبك

لما كل شوية حد يقولك انت فين دلوقتى

وفوقت من حلمى على جرس موبيلى

تررررررررررررررررررن

الووووووووووو ايوة يا بشمهندس

معلشى اتأخرت غصبن عنى والله

اصل المترو عطل فى رمسيس ووقف كتير

والله العظيم واقف اهووووة

انا كلها خمس دقايق واكون فى الشركة

!!!!!!!!!!!!!!!!