لرواد ذلك الحلم
الحلـــــــــــــــــم الأمريــــــــــــــكى
أقدم لهم أمـريـكـا عن قرب
. .
....................................
.
....................................
.
.
مـن تـأمـل حـال أمـريـكـا مـن الـداخـل سـارع بـتـغـطـيـة وجـهـه بـكـفـيـه مـع عـضِّ شـفـتـه وعـقـدِ حـاجـبـيـه
وانـغـمـس فـي فـكـر عـمـيـق مـتـجـاذب بـيـن الإحـسـاس بـالـحـيـاء تـارة وأخـرى بـالـجـبـن
وانـطـلـق لـسـانـه بـقـول " أهـذه الـتـي تـتـحـكـم فـي الـعـالـم بـاسـم الـحـريـة والـعـلـم ؟!! ولربـمـا يـذهـب الـحـنـق
وتـحـل الـشـفـقـة عـلـى مـجـتـمـع مـتـهـالـك مـدمـر حـلَّ بـه كـل مـعـانـي الـعـذاب وألـوان الـعـقـاب
عـنـدمـا تـسـمـع عـن حـيـاة الـغـابـة الأمـريـكـيـة فـي صـور الاغـتـصـاب والـقـتـل والـسـطـو والـسـرقـة والـمـخـدرات
والانـتـحـار والإيـدز والاكـتـئـاب قـد تـسـتـسـيـغ بـعـضـاً مـن هـذا
ولـكـن الأمـر الـذي يُـصـوِّر لـك مَـن وإلـى وأيـن وصـلـت الـولايـات الأمـريـكـيـة مـا تـراه مـن انـتـحـار الأطـفـال
وبـصـورة مـخـيـفـة جـداً هـنـا نـقـول خـار الـجـمـل وغـرقـت
سـأحـمـلـك لأجـول بـك فـي عـصـب الـمـجـتـمـع الأمـريـكـي الـمـتـهـالـك
لـتـرى قـول الله
" الَّذِيـنَ طَـغَـوْا فِـي الْـبِـلَـادِ {} فَـأَكْـثَـرُوا فِـيـهَـا الْـفَـسَـادَ {} فَـصَـبَّ عَـلَـيْـهِـمْ رَبُّكَ سَـوْطَ عَـذَابٍ {} إِنَّ رَبَّكَ لَـبِـالْـمِـرْصَـادِ "
أمـريـكـا والانـتـحـار
يوجد هناك 130 ألـف شـخـص يـنـتـحـر سـنـويـا
وهـنـاك مـحـاولـة انـتـحـار كـل17دقـيـقـة
أكـثـر مـن 192 حالة انتحار بـيـن الأطـفـال الـذيـن تـتـراوح أعـمـارهـم بـيـن 10 و 14 سـنـة
وقـد يـتـضـاعـف الـعـدد مـرات
مـا يـزيـد عـلـى 250 طبيب وطـبـيـبـة يٌـقـدم عـلـى الانـتـحـار سـنـويـا فـي أمـريـكـا
وربـمـا تـضـاعـف الـعـدد
أمـريـكـا والـفـاحـشـة
قـال الله
" وَإِذَا أَرَدْنَـا أَن نُّهْـلِـكَ قَـرْيَـةً أَمَـرْنَـا مُـتْـرَفِـيـهَـا فَـفَـسَـقُـواْ فِـيـهَـا فَـحَـقَّ عَـلَـيْـهَـا الْـقَـوْلُ فَـدَمَّرْنَـاهَـا تَـدْمِـيـراً "
فـهـل يـريـد الله دمـار أمـريـكـا ؟
فـلـنـنـظـر .8 مـلـيـارات دولار رأس مـال تـجـارة الـدعـارة والإبـاحـيـة الـخـلـقـيـة
و900 سـيـنـمـا فـي أمـريـكـا مـتـخـصـصـة فـي عـرض الأفـلام الإبـاحـيـة و
و 15000مـحـل فـيـديـو تـتـاجـر بـأفـلام ومـجـلات إبـاحـيـة
و 150 مـجـلـة إبـاحـيـة تـصـدر فـي أمـريـكـا تقدم مئات الاااف الاعداد سنويا
و 700 مـلـيـون دولار قـيـمـة تـأجـيـر الأفـلام الإبـاحـيـة
الاااف مـن الـشـاذيـن جـنـسـيـاً فـي مـديـنـة لـوس أنـجـلـوس
جـامـعـة ( سـيـر جـورج ولـيـمـز ) تـشـتـرط فـي الـمـتـقـدم لهـا أن يـكـون لـوطـيـاً أو مـخـنـثـاً
يـوجـد فـي مـنـازل أمـريـكـا52 مـلـيـون كـلـب مـنـهـا الـمـلايـيـن مـن الـكـلاب الـمـدربـة عـلـى
مـمـارسـة الـجـنـس مـع الـنـسـاء والـرجـال
و48% هـي نـسـبـة الـحـمـل الـسـفـاح بـيـن تـلـمـيـذات الـمـدارس الـثـانـويـة فـي إحـدى الـمـدن الأمـريـكـيـة
و84% هـي نـسـبـة الـحـمـل الـسـفـاح بـيـن الـمـجـنـدات
و13% مـن الـمـوالـيـد فـي الـولايـات الـمـتـحـدة أطـفـال غـيـر شـرعـيـيـن مـن أمـهـات مـراهـقـات
و80% مـن الـفـتـيـات يـفـقـدن الـعـذريـة تـحـت سـن الـعـشـريـن
و11مـلـيـون شـخـص يـعـيـشـون مـعـاً بـدون زواج مـنـهـم 1.2 مـلـيـونـاً مـن نـفـس الـجـنـس
و2.5 مـلـيـون مـن الأزواج الأمـريـكـيـيـن مـارسـوا تـبـادل الـزوجـات بـانـتـظـام
و1.5 مـلـيـون جـنـيـن يـقـتـل سـنـويـا بـسـبـب عـمـلـيـة الإجـهـاض
وكـل 3 ثـوان تـغـتـصـب امـرأة
و23% مـن نـسـاء سـكـان الـمـدن فـي الـولايـات الـمـتـحـدة تـعـرضـن للاغـتـصـاب
و100.000 فـتـى وفـتـاة فـي الـولايـات الـمـتـحـدة يـمـثـلـون الأفـلام الـجـنـسـيـة
و3 مـلايـيـن ولـد مِـنَ الـجِـنـسَـيْـن يـعـمـلـون فـي الـدعـارة
أمـريـكـا والـقـتـل
قـال الله
" وَمَـنْ أَعْـرَضَ عَـن ذِكْـرِي فَـإِنَّ لَـهُ مَـعِـيـشَـةً ضَـنـكـاً"
[ 12]الأسـبـاب الـرئـيـسـيـة لـوفـيـات الـنـسـاء الـحـوامـل فـي هـذا الـبـلـد:
الـقـتـل **800 عـصـابـة قـتـل مـوجـودة فـي لـوس أنـجـلـوس وحـدهـا وتـضـم هـذه الـعـصـابـات
و90 ألـف عـضـو
و3مـلايـيـن عـمـل إجـرامـي مـن كـل الأنـواع يـقـتـرف سـنـويـاً فـي الـمـؤسـسـات الـمـدرسـيـة فـي أمـيـركـا
و38317 شـخـصـاً قـُتـل فـي الـولايـات الـمـتـحـدة فـي عـام واحـد بـالأسـلـحـة الـنـاريـة فـقـط أي قـتـيـل واحـد لـكـل ربـع سـاعـة
و105 قـتـيـل فـي الـيـوم الـواحـد
و1468طـفـلاً تـقـل أعـمـارهـم عـن 18عـامـاً يـقـتـلـون كـل شـهـر بـالأسـلـحـة الـنـاريـة فـي أمـيـركـا
و5500 عـصـابـة مـسـلـحـة مـنـتـشـرة فـي الـولايـات الـمـتـحـدة
وتـقـوم هـذه الـعـصـابـات أوالـمـيـلـيـشـيـات بـ25 ألـف عـمـلـيـة قـتـل فـي
والـقـتـلـى مـعـظـمـهـم مـن الـسـود
و4 آلاف زوجـة يُـقـتـلـن ضـربـا كـل عـام عـلـى أيـدي أزواجـهـن ]
أمـريـكـا والـخـمـور والـمـخـدرات والـتـشـريـد
فـي عـام 1983م مـلـيـون وثـلاث مـائـة ألـف طـفـل سـكـان الأزقـة والـشـوارع فـي أمـريـكـا
و76 مـلـيـون أمـيـركـي يـشـربـون الـكـحـول فـي أجـواء أسـريـة
و11مـلـيـون أمـيـركـي يـشـربـون الـكـحـول خـمـس مـرات أو أكـثـر فـي الـجـلـسـة الـواحـدة
وذلـك مـرة واحـدة عـلـى الأقـل فـي الأسـبـوع
و32 بـلـيـون دولارا سـنـويـا خـسـائـر بـسـبـب إدمـان الـخـمـور
و176بـلـيـون دولار أمـيـركـي إجـمـالـي تـكـلـفـة الإدمـان وتـعـاطـي الـكـحـول والـمـخـدرات فـي الـسـنـوات الأخـيـرة
وهـو مـا يـقـارب 55% مـن الـتـكـالـيـف الـصـحـيـة الـسـنـويـة
أمـريـكـا والأمـراض
قـال صـلـى الله عـلـيـه وسـلـم :
" لـم تـظـهـر الـفـاحـشـة فـي قـوم قـط حـتـى يـعـلـنـوا بـهـا إلا فـشـا فـيـهـم الـطـاعـون و الأوجـاع الـتـي لـم تـكـن مـضـت فـي أسـلافـهـم الـذيـن مـضـوا "
يوجد40 مـلـيـون أمـريـكـي مـصـاب بـفـيـروس الـبـابـيـللـومـا الـبـشـري أو مـا يـعـرف اخـتـصـارا بـ
HPV
هـو فـيـروس مـرضـي يـنـتـقـل جـنـسـيـا
و3 مـلايـيـن حـالـة نـفـسـيـة مـزمـنـة فـي أمـريـكـا
و17 مـلـيـون أمـريـكـي مـصـابـون بـمـرض الإكتئاب
و4 مـلـيـون عـائـلـة بـهـا شـخـص عـلـى الأقـل يـعـانـي مـن سـوء الـتـغـذيـة
و150بـلـيـون دولار تـكـلـفـة الأمـراض الـنـفـسـيـة
وواحـدا مـن كـل سـتـة جـنـود مـن الـذيـن خـدمـوا فـي الـعـراق ظـهـرت عـلـيـه أعـراض الاكـتـئـاب والـقـلـق
و تـلـك الـنـسـبـة مـرشـحـة لأن تـصـبـح واحـدا مـن كـل ثـلاثـة
أمـريـكـا والـدمـار الاقـتـصـادي
قـال الله
أَفَـلَـمْ يَـسِـيـرُوا فِـي الْـأَرْضِ فَـيَـنـظُـرُوا كَـيْـفَ كَـانَ عَـاقِـبَـةُ الَّذِيـنَ مِـن قَـبْـلِـهِـمْ دَمَّرَ اللَّهُ عَـلَـيْـهِـمْ وَلِـلْـكَـافِـرِيـنَ أَمْـثَـالُـهَـا "
أربـاب الـعـمـل الأمـريـكـيـيـن ألـغـوا مـلـيـون مـنـصـب شـغـل أثـنـاء سـنـة 2004. فقط
تـكـبـد الاقـتـصـاد الأمـريـكـي فـي عـام 1995م لـوحـده بـسـبـب الـكـحـول مـا كـلـفـتـه حـوالـي (150) بـلـيـون دولار أمـريـكـي
##44 تـريـلـيـون دولار هـو إجـمـالـي الـديـن
بـمـا فـيـه ديـن الـوكـالات الـمـحـلـيـة والـعـامـة وهـو يـزيـد عـن الـنـاتـج الـمـحـلـي الإجـمـالـي للـولايـات الـمـتـحـدة
بـمـقـدار 350% و162 مـلـيـار دولار هـو الـعـجـز الـتـجـاري الأمـريـكـي أمـام الـصـيـن
و68 مـلـيـار دولار هـو مـقـدار الـعـجـز فـي الـمـيـزان الـتـجـاري الأمـريـكـي فـي شـهـر يـولـيـو2006
و119مـلـيـار دولار هـو مـقـدار الـعـجـز الـحـكـومـي والـتـجـاري الأمـريـكـي فـي الـعـام 2006
و360 مـلـيـار دولار هـو مـقـدار الـعـجـز فـي الـمـيـزانـيـة الأمـريـكـيـة لـعـام 2006 وهناك مؤشرات تقول
أن 400 مليار -8000 مـلـيـار دولار هـو مـقـدار الـديـون الـخـارجـيـة الأمـريـكـيـة
أي نـحـو أربـعـة أضـعـاف الـمـيـزانـيـة الـفـدرالـيـة للـعـام 2006 فقط وإذا أدخـلـنـا الـعـواقـب الـمـتـعـلـقـة بـالـمـيـزانـيـة
فـي الـقـرارات الـتـي اتـخـذتـهـا مـؤخـراً إدارة بـوش والـمـتـعـلـقـة بـالـصـحـة
فـإنّ الـديـون الـحـقـيـقـيـة تـبـلـغ 42 ألـف مـلـيـار
أي 18 ضـعـف الـمـيـزانـيـة الـفـدرالـيـة وثـلاثـة أضـعـاف ونـصـف الـنـاتـج الـداخـلـي الإجـمـالـي الأمـريـكـي
و13 تـريـلـيـون دولار هـو مـقـدار الـديـون الـقـومـيـة الـتـراكـمـيـة
وقـيـمـة الـفـوائـد عـلـى هـذه الـديـون تـفـوق الـدخـل الـقـومـي الأمـريـكـي
و1.3 مـلـيـون مـنـصـب شـغـل، اسـتـحـوذ عـلـيـهـا الـصـيـنـيـون مـن أمـريـكـيـيـن
و780 ألـف هـو عـدد الـعـسـكـريـيـن الأمـريـكـيـيـن أثـنـاء حـرب الـخـلـيـج
أمـا الآن فـقـد انـخـفـض الـعـدد إلـى أقـل مـن480 ألـف جـنـدي
و20 مـلـيـار دولار هـي تـكـلـفـة الإجـراءات الأمـنـيـة فـي مـطـارات الـولايـات الـمـتـحـدة الأمـيـركـيـة
.........................
.........................
.
.
من أحب قوما حشر معهم، ومن احب عمل قوم شرك في عملهم
.
.
.................................................
...................
.
المصـــــــــادر .. تحديث بإيضاح أكثر مع وضع لينكات
من كتاب حـضـارة الـعـرب - موقع لإحصاءات سجن الأطفال
فـي كـتـابـه " ديـانـات الإنـسـان"
القرأن الكريم - هذا الموقع
العرب أون لاين - إسلام أون لاين
أمة من الغنم / مجدي إبراهيم محرم نقلا عن مجلة العرب على النت عن كتيبة الجهاد الإعلامي
معهد المرأة في اسبانيا نقلا عن مفكرة الإسلام
العرب أو لاين نقلا عن الكتيبة
عنف في أمريكا ـ ديمقراطية مدججة بالسلاح ، طرابلس ، السنة 1995لجيل ديلافون
ضحايا العنف في القوانين الأمريكية - ليونارد جيفري
كتاب معهد المرأة في اسبانيا - موقع غربى
كتاب أزمة الإنسان والحضارة في أمريكا قراءة سوسيولوجية - كتيبة الجهاد
بقلم الدكتور: جهاد جميل حمد ، باحث في القضايا الاجتماعية والسياسية و السلوكية
المجلة الطبية على النت - نقلا عن هذا الموقع
أزمة الإنسان والحضارة في أمريكا قراءة سوسيولوجية بقلم الدكتور: جهاد جميل حمد ، باحث في القضايا الاجتماعية والسياسية و السلوكية
عـن حـوارات مـع مـسـلـمـيـن أوربـيـيـن للـدكـتـور عـبـد الله الأهـدل ص75.
دراسة لسقوط 30 دولة إسلامية الدكتور عبد الحليم عويس
دراسة لسقوط 30 دولة إسلامية الدكتور عبد الحليم عويس
61 comments:
الحمد لله على نعمة الاسلام وكفى بها نعمة
فعلا
الحمد لله
ياه دا إنتي شركتيهم خالص
بس معروف ان سياسة بوش الإقتصادية و الخارجية زفت
كان مستلمها بفائض ميزانية من كلينتون و قلبه عجز متزايد كل سنه بسبب حروبه على الإسلام
اما باقي أرقام الجرائم فماذا تتوقعي من مجتمع مادي لا ديني أو متدين دين مظهري لايوجد به رحمة أو تكافل
أما الإنحلال فهما عاجبهم النجاسة و مستريحين كده و فخورين بكده
ميعاد دمارهم قرب كتير
السلام عليكم ورحمه الله وبركاته مش مصدقه نفسى ثالث تعليق!!!!!!!!!!!!!!يادى الهنا يادى الهنا
مروه بعد اللى كتبتيه حقا قطعتى جهيزه قول كل خطيب
امريكا اللى رايحين جايين يتفشخروا بيها عباره عن بيت دعاره اه والله هو كل القرف اللى بيجى للافساد الشباب بيجيى من عندهم اصلهم عمليين ذى بسكت زباله كل مايدوا حد يدولوا شويت زباله
اهو اللى عاوز امريكا يروح واللى عاوز يخلى امريكا مثله الاعلى يخلى بعد اللى قرأه دا دا يبقى لامؤخذه؟؟؟؟؟؟؟
اه نسيت اقولك انتى فين كل مكلمك على الشات مش لاقياكى ايه يابنتى القمر هيطلع امتى؟
من عاشقه الكلام
كلام جميل وكلام معقول مقدرش اقول حاجة عنة ـ ومن العجيب ان الامريكان انفسهم هما اللى بيطلعوا هذة الاحصائيات وبينشروها لكل العالم وطبعا علشان يعرفوا عيوبهم ويحاولوا يصلحوهاـ ياترى عندنا احصائيات زى كدة ولا احنا ناس مثاليين ـ ملايكة يعنى ـ ومجتماعات خالية من العيوب ووصلنا الى ارقى المستويات؟
واذا كانت امريكا بلد فاسد ويستاهل اهلها الحرق فى نار جهنم لية فية طوابير واقفة على كل سفارة عاوزين تاشيرة ولية المبعوثين بيرحوا وغالبيتهم مبيرجعوش؟
اعتقد ان احنا بدل مانتعب نفسنا ونفتش عن وساخة امريكا نتعب نفسنا احسن ونشوف لية هما عرفوا يركبوا على نفس كل الدنيا وان افقر بيت فى امريكا بياكل لحمة وفراخ كل يوم وبيركب عربية ملاكى وانهم معندهمش طوابير على العيش ولا ازمة مساكن لكن عندهم وفرة فى كل شئ لدرجة ان المحلات دائما بتخفض تخفيض كبير جدا فى السلع خاصة الملابس والاكل علشان تبيع وما خفى كان اعظم
غزة تستغيث فهل من مغيث
الحصيلة الأولية لانقطاع الكهرباء استشهاد (5)من المرضى خلاف شهداء القصف المتواصل
فاحذر الحذر من غضبة الجبار إن لم نفعل شيئا
للمتابعة
(إضراب)
بعد أن قرأت التدوينة في الريدر وضممتها لتدويناتي المفضلة دخلت هنا لأارى هل جدو علق أم لا وأقرأ تعليقه لأستطلع وجهة نظره في هذه التدوينة
:)
لأني أحب الرأي والرأي الآخر
هما وحشين وحالهم كدا
وحنا ملايكة وحالنا كدا
يبقى مين الأحسن
مش هقول مين الصح؟
أكيد هما مش صح...
بس الأصح إن حنا غلط، وداخلنا عيوب ونواقص وبلاوي مثلهم وأكثر
وعلى رأي جدو دول ناس بتشتغل وبتحاول تصلح بلاويها أما إحنا ناس لا بتشتغل ولا أصلا عارفة بلاويها
شكرا ليكي ع المجهود
ودمت بخير
السلام عليكم
طبعا طبعا طبعا
انا مع راي جدو
و ده مبدئيا
بس لية عودة تانية اللتعليق لاني دلوقتي رايحة انام
:)
تصبحي علي خير
مروه ازيك اسمحيلي بس اختلف مره معاكي.... من نفسي يعني
ماشي أمريكا زي ما بتقولي بلد زي الزفت وبلد بنت ستين في سبعين مش هي بس حالها كده ده الغرب معظمه نفس الحال
تفتكري ليه بقي بعد كل اللي ذكرتيه أمريكا والغرب راكبين علينا وسايقنا زي البهايم يعني المفروض ان احنا بلاد مسلمه وبلاد كلها أخلاق وعفه طب ليه ربنا ما ينصرناش عليهم
تعرفي ليه علشان هو مش بالكلام لأنه ما فيش أسهل من الكلام ومستحيل ربنا يستجيب لدعائنا اللهم أنصرنا علي أعدائنا وأحنا مرمين في حضن أمريكا واسرائيل والغرب عموما لأ ومستمتعين بكده وفرحانين بيه
و مش بس كده ده احنا اكتفينا بالدعاء بدون ما ناخد بالأسباب اقصد اسباب النهضه والتقدم علشان كده هانفضل متساقين وفي ديل العالم طول عمرنا
مش عاوزك تزعلي يا مروه بس بجد أنا شايف ان احنا ننشغل بحالنا أحسن علشان اللي بيتو من قزاز ما يحدفش الناس بالطوب زي ما بيقولوا
تحياتي ليكي واوعي تزعلي مني مره تانيه ده مجرد رأي ...سلاااااااام
بعد البوست الجميل ده والتعليقات الرائعة اللي عليه .. ما عنديش حاجة اقولها .. يارب امتنا تفوق من السبات الكبير
دوحة
الحمد لله فعلا على نعمة الإسلام
مهندس مصري
كلامك صح فعلا
......
اتمنى اشوف معادهم دة قبل ما اموت
يااااااااااارب
عاشقه الكلام
وحشااااااااانى اوى يا حبيبتى
انا اسفة انى معرفتش ادخل اون لاين
..............
كلامك مية مية وجبتى المفيد اللى انا عاوزة اقولة بين السطور
...............
على فكرة انتى اول تعليق اخر تعليق اللى فى القلب فى القلب ومنورانى
انى احبك فى الله
Gid-Do - جدو
جدووووووو حبيبى دايما منورنى وبتجيب التمام للكلام
كلامك الله ينور علية
ودة اللى انا ببحث عنة دلوقتى وبدور علية
نفسى اعرف ادام هيا وسخة كدة هيموتوا ويسافروا ليها لية وبيعملوا المستحيل
نفسى اعرف ازاى نعالج عيوبنا
استنى البوست الجاى
يمكن اعرف سبب واقول حاجة
.............
بتنورنى بجد ياجدو
:)
إضراب
مرسى لزيارتك
هكون عندك حالا
عصفور المدينة
طب انا معرفتش رأيك أنت؟
حائر في دنيا الله
دة اللى انا ببحث عنة دلوقتى وبدور علية
نفسى اعرف ادام هيا وسخة كدة هيموتوا ويسافروا ليها لية وبيعملوا المستحيل
نفسى اعرف ازاى نعالج عيوبنا
استنى البوست الجاى
يمكن اعرف سبب واقول حاجة
MerMaid
دة اللى انا ببحث عنة دلوقتى وبدور علية
نفسى اعرف ادام هيا وسخة كدة هيموتوا ويسافروا ليها لية وبيعملوا المستحيل
نفسى اعرف ازاى نعالج عيوبنا
استنى البوست الجاى
يمكن اعرف سبب واقول حاجة
mado80
لا يا مادو
انت تقول رأيك براحتك جدااااااااااا
.......
انا ببحث فى كدة دلوقتى يا مادو
كل اللى انت قولتة صح وبيحصل
انا بدور لية هو بيحصل
استنى البوست الجاى
UNIQUE
يارب يسمع منك وتفووووووووق بقىىىىىىىى
طيب الناس دى بتواجهه اخطائها احنا بقى بنعمل زيها ولا بنفضل نقول شعارات كدابه هااااااااااااا ردى بقى
وبعدين عندهم حاجات كويسه على فكرة كتير
بس الحلم مبقاش لامريكا انتى لسه معلوماتك متاخرة معلش ههههههههه
ده بقت كندا والمانيا وهولندا واستراليا واخيرا فرنسا
اخواننا فى غزه محاصرون ومعذبون لايجدون طعام ولا ماء ومشردون ويجب علينا ان نفعل لشىء لنصرتهم لذلك قرر مجموعه من المدونين الذهاب الى معبر رفح لكىيرفعوا المعاناه عن الشعب هناك لو تقدر تشارك او اى حد يحب المجيىء معك
يا ريت تبلغنى
بكل بساطة يا مروة اقولك ليه
ليه بيدوروا عليها و عاوزين يروحوها
لانها بلد حلوة-نظيفة-فيها فرص للي عاوز يعمل حاجة-بتشتغل فيها و بتديك علي قد شغلك-بتكبر فيها برضه-لما بتقول لا ممكن تاثر في النتايج الانتخابية-صوتك مسموع-بتتعامل كبني ادم مش كحيوان-بتلاقي تاكل وتشرب و تبقي انسان محترم-بتلاقي تعليم كويس و محترم ومعترف بيه-محدش بيوقلك انت مين ولا دي مش بلدك لانه كله في امريكا سواء هي اصلا بلد قامت علي اساس الهجرة و المهاجرين-قلة قليلة جدا هي اللي ممكن تتعرض لاصلك العربي و ده انا ارجع سببه للعرب نفسهم بس كل العرب اللي بيروحوا هناك هم من صفوة المجتمعات العربية و اكثرهم تحضرا و علما يعني امريكا مبتاخدش اي حد بتاخد ناس متعلمين كويس قوي-
انا اختلف مع سياسة امريكا الخارجية بس ده لانها بترعي مصالحها و اللي هي مؤمنة بيه كبلد...احنا بقي فين دورنا ؟؟
و زي ماقال جدو بدل مانفضل ندور علي وساخة امريكا نشوف هم بقوا كدة ازاي ؟؟
كل الادوية اللي بنستعملها ثلاث ارباعها جاي من مصانع امريكية
السيارات-الاجهزة الحديثة-الانترنت-وحاجات كتيــــــــــــــر قوي
انا مش قادرة اذكر دلوقتي
تحياتي ....:))
مروة
ياااااااااااااه
أرقام مفجعة
يا ريت تعدلي المصادر بحيث تكون لينكات
ارقام تخض
من كتر الوجع مش قادر اتكلم
انت معاكي حق
و مادو معاه حق
سلام
ازيك يا مروة خي مالك ماسكه فى امريكا والامريكان ليه
كنتى عايزه تسافرى ومعرفتيش
علشان كدا مش طيقاهم
هههههههههههه
( طبعا بهزر يا قمر انتى اى مكان تنوريه )
المهم يا جميل
امريكا اللى كلها مساؤي بنت ستين فى سبعين اللى مسحتى بكرامتها الأرض فى البوست ... دى مليانه بالعلماء ... يكفى ان واحد يكون مثلا واخد الدكتوراه من هناك وتلاقيه عامل يافطة طولها متين متر وكاتب عليها بالبنط العريض اوى اوى اللى يشوفه الاعمى المولود بعيب خلقى ... انه من امريكا ... ولا يوجد العلم فى مكان الا واصبح له مكانة ... بخلاف ان امركا بتعرف تتعامل مع الانسان كبنى آآآآآدم ... نموج صغنون اوى اد كدا ... جربى ادخلى اشترى تيشرت من محل وروحى رجعيه تانى لو البائع هيكرمك اوى اوى وهيتعامل بزوق هيقولك بدليه بحاجه تانية انما مفيش حاجه امسها تاخدى فلوس وده ممكن يكون بعد ما اشرتيته بساعه .. تعالى بقى اروح امريكا اشترى حاجه وخليها عندك اسبوع قولى اتنين يمكن كنتى مكسلة فى الاسبوع الاولانى ولا حاجه وروحى رجعيها ... للاسف سا ميرو اى مكان مهما فيه من وساخة والله جنبنا هنا لا شئئئئئئئئئئئ
هؤلاء ليسوا هم بل ان ما خفي كان اعظم
وما ظهر كان قاسما لنا محطما لنا
ولكن لي كلمتان لن ازيد عنهما فانا لم اعد اشعر برغبة في الكلام وخصوصا في موضوع موتنا
- ومن اعمالكم سلط عليكم
-حقيقي
بقت سلطة
انسه مروه
الحقيقه مش عارفه ايه الحكايه وكان نفسي المره دى منختلفش بس للاسف حنختلف برضه
اولا يامروه عاوزه اوضحلك ان رأيي ده بناءا على تجربه شخصيه انا سافرت كتير واتعاملت مع امريكان وجنسيات كتير عن قرب
عزيزتى بدايه الولايات المتحده تعداد سكانها رهيب فيها كم من التباين والاختلاف على مستوى العرق او الدين او اللون او الخلفيه الثقافيه مش موجود فى اى مكان تانى فى العالم فابالتالى مينفعش نقارنها باى مكان تانى
امريكا عزيزتى ليست جهنم كما توصفيها والحلم الامريكى ليس هو الكابوس المفزع اللى بتصوريه
الاحصائيات اللى انتى ذكرتيها ممكن جدا تكون صحيحه لكن لو دلت على شئ فا هى بتدل على ان الناس دى بتحصي عيوبها بتدور عليها عشان تعالجها احنا بقى فين احصائياتنا
ليه دايما بنتدارى ومش بنواجه عيوبنا وقرفنا وبنعتبر اى كلام عليهم اساءه لسمعه مصر ليه امريكا مش بتعتبر الاحصائيات دى اساءه وبتعتبرها خطوه على طريق الحل
تعرفى يا مروه قد ايه الشعب ده طيب اد ايه بيتقبل الاخر قد ايه انسانى ومشاعره مرهفه
شعب بيحب الشغل وجاد فى عمله وعادل فى توزيع الحقوق
مفيش فساد ادارى ولا كوسه من اللى انتى مش بتحبيها ولا محاباه
شعب واضح غير مدعى وشريحه عريضه منهم متدينيين على فكره
تعرفى ليست امريكا مجتمع متهالك كما تقولين بل هى ارض الحريه والعلم فعلا تقدر العلماء واللى بيشتغل بيعيش كويس مفيش حد بيطلع عين امه زى عندنا وفى الاخر ميقدرش يكمل الشهر
لا كله بياخد حقه على قد شغله
مجتمع يحاسب من يخطئ ويكافئ من يعمل
تعليم محترم ونظام صحى لو قارنتيه بدول منطقتنا حتلاقيه مثالى ومش عاجبهم برضه
الانسان هناك انسان ليه حقوق وعليه واجبات بمنتهى البساطه
والمثليه الجنسيه والمخدرات والقتل والجرائم موجوده عندنا ولكن احنا نلام لاننا ربنا كرمنا بالاسلام اللى بينظم كل ده بينظم الحياه الجنسيه والاجتماعيه
عزيزتى الشاب فى امريكا بيدرس ويشتغل ويعيش مع صديقته لوحده بعيد عن اهله وهو عنده عشرييييين سنه
تخيللى بقى لو عندهم ديننا الاسلام
يبقى شوفى الصوره كده
شاب وبنت مستقلين متعلمين كويس وبيشتغلو ومتجوزين وعندهم عشرين سنه
واخدين حقهم فى التعليم وفى التامين الصحى وحريه سياسيه وانتخابات نزيهه ومدارس كويسه لولادهم و و و
صوره حلوه مش كده
يبقى هما لا ينقصهم شئ الا الاسلام اللى ينظم الخلل اللى فى بعض جوانب حياتهم
شوفى بقى الصوره عندنا
شاب عنده 35 سنه وقاعد مع اهله بيصرفو عليه
بنت عندها 30 سنه مش لاقيه شغل ولا جواز مع انها متميزه فى مجالها وزكيه لكن لازم تقدم تنازلات معينه عشان تشتغل
موظف وموظفه بيضطرو يرتشو عشان يعيشو تعليم ولادهم سئ لا هو تعليم ولا هو مجانى تامين صحى سئ فتاوى سلطه وفتنه طائفيه ورجعيه وازمه مواصلات وازمه سحابه سودا و الخ الخ
امريكا ارض زى باقى ارض الله فيها عقليات مريضه وفيها فساد وفيها امراض زى باقى بلاد الله لكن بتتميز بحاجات كتير اوى لو بصينا للحاجات دى واتعلمنا منها حنكسب كتير
لكن النظره السطحيه للامور وامريكا دى بنت كلب والعلمانيين دول مش عارف ايه والكلاب مدربه على مش عارف مين مش حيفيدنا بشئ
والبوست الجاى نتفق ان شاء الله
مروه كمان اعترض على تصنيفك امريكا على انها بلد وسخه اسمحيللى صنفتيها كده على اساس ايه انتى كده عملتى زى الخليجى اللى شايف مصر رقاصات وازايز خمره فى شارع الهرم
لا يا مروه لازم تكونى موضوعيه وتنظرى للامور بدون شعارات
تعرفى الخليج فيه مثليين جنسيا قد ايه
تعرفى نسبه تدخين الحشيش فى مصر كام فى الميه
احنا مش مثاليين يا مروه لكن مامحش لحد يقول على مصر بلد وسخه
وامريكا فيها كتير كويس يكفى انك لو رحتى امريكا حتعيشي كويس حقوقك محفوظه وغير مهانه وادميتك محفوظه ومحترمه
مجهود رائع يا ميرو بجد
بس احب اقول حاجه صغيرة
صحيح امريكا فيها بلاوى كتير بس احنا لو طلعنا احصائيات عندنا هنطلع بلاوى برضه
فهى مش بالوحاشه هيا بحاجات تانيه يعنى زى ماقال كتيير لما هيا كده ازاى ممشيه العالم على العجين ميلغبطوش
وفى نفس الوقت موافقه ميرميد ان المعامله هناك حاجه تانيه حتى العرب والا كانو العرب والمصريين رجعو وقالو ابو امريكا
بس هيا الدماغ النضيفه الى بطلنا نحترمها هنا
سلامى يا قمر
ميرو هلا بالقمر
ايه اللام الحلو ده
بصي ومن الاخر بتجيبي مواضيع عسل وفي وقتها
معلش تسمحيلي ارد علي ناس علقت هنا
ايوه امكريكا زباله بكل مافيها
حياه قزره
بتوفر شغل بتوفر عماله ليه
علشان بلد كلها مصالح
ليس لها مكان للعواطف
حتي بين الازواج هههههه ازا كان في ناس متزوجه اساسا ودول طبعا بيتعدوا ع الصوابع
والجدع يناقض كلامي
انا كلامي واقعي ومن ناس عايشه هناك
في وهم امركيا
خرابك جاي ياامريكا
وبايد مسلم من امه محمد عليه السلام
عصر الديكتاتوريه والهنجعيه والتخلف والاباحيه
والتخريب والقتل والتشريد والتسلط هينتهي وقريبا بعون الله
مروه احبك في الله
جزاك الله خيرا أختي الفاضلة
فعلا جهد كبير في تجميع المعلومات
أسأل الله أن يجعله في ميزان حسناتك
مروة حبيبتي
بعد اذنك ارد علي الاخت عاشقة الفردوس :
حضرتك بتقولي ان امريكا بلد زبالة؟؟
ليه يا فندم؟؟والحياة قذرة بكل مافيها؟؟
طيب انتي عشتي هناك وشفتي وحكمتي ؟؟
ولا بتقولي كلام كدة من كلام المضللين اللي بيتبعوا اي كلام بيسمعوه وهم ولا شافوا و لا جربوا بنفسهم؟؟
بتقولي انها بتوفر فرص علشان المصالح؟؟
طيب وايه العيب في كدة؟؟
بتقولي انهم بلا عواطف؟؟
يبقي برضه لسة بتسمعي الكلام من غير ما تشوفي بنفسك
يا حبيبتي مجتمع عادي جدا زينا زيه..اه عندهم الست بتبوس الراجل عادي..بس برضه بتظل في قيود و في عيب و في غلط وفي حرام و في دين بشتي اشكاله
بتقولي العواطف؟؟
و احنا جابنا ورا الا العواطف ؟؟
مش عارفة ليه بنحب نتكلم في حاجة مشفنهاش ولا عشناها ..انا مثلا مقدرش احكم علي ايران ولا علي المانيا ولا علي الهند لاني معشتش هناك
لكن احكم علي امريكا لاني جربت العيشة هناك ...
بتقولي محدش فيها متجوز؟؟؟
بجد ضحكتيني
يتعدوا علي الصوابع؟؟؟
تقدري تعدي ميتين مليون علي الصوابع؟؟
الجدع يناقض كلامك؟؟
كلام ايه اصلا ....انت مش بتقولي كلام صحيح..بتقولي كلام مجرد وعاري من الصحة يا انستي...و انا مش جدعة بس بناقض كلامك
كلامك اصلا لو حد سمعه حتي من المناهضين لامريكا حكومة وشعب هيعرف ويقولك انك غلط غلط غلط
محدش ينكر ان امريكادولة متحضرة حضارية متقدمة علميا وتكنولوجيا و انسانيا
و فيها مسلمين كتير قوي ..بعضهم اكثر صلاحا وتقي من هنا
ايه بقي رايك في المسلمين اللي هناك؟؟
خونة و كفرة و سايبين ارض الدين؟
مش عارفة هيفيدك بايه دمار امريكا يعني ؟؟
حاجة غريبة
أظن أني لن أقول أكثر مما قال المعلقون
لكن
برغم كل هذه الأرقام هناك أرقام أخرى
من أولى دول العالم في العالم في
كمية الأبحاث العلمية
انتاج السلاح
انتاج الأدوية
انتاج الأجهزة الحديثة
تصنيع التكنولوجيا فائقة التطور
الرعاية الصحية
الدراسات الاستراتيجية
حجم شركات التنقيب عن البترول
انتاج الكتب سنويا في مختلف المجلات
عدد ساعات العمل بالنسبة لعدد المواطنين
حرية الصحافة
هيكل المؤسسات في نظام الحكم
..
وغيرها الكثير والكثير
ليس حباً أو كرهاً
لكن أعتقد بما أننا نتكلم بمنطق الدنيا - الدنيا فقط- فالموضوع يشبه الميزان الذي له كفتان
في واحدة ما عرضتيه مشكورة وأمثاله
وفي الأخرى ما ذكرته
ومادامت الثانية أثقل
يبقى الوضع على ماهو عليه
وتذكري أنا لست أدافع عن شئ لكنها طبيعة الأشياء بمنطق الدنيا
السلام عليكم ورحمة الله وبركاتة
كيف حالك يا مروة ؟عاملة اية يا جميل ؟
واية البوست الجااامد اووى دا يا قمر ربنا يجزيكى خير الجزاء على المجهود وجعل لكى من كل حرف منة بحسنة توضع فى ميزان حسناتك يا حبيبتى
اااااامين
مش عارفة لية اول ما قرأت البوست علق معايا اوى نسبة الزوجات المتوفيات نتيجة ضرب ازواجهن لهن بجد حمدت ربنا اوى على نعمة الاسلام اللى نهى عن الضرب وحسيت انى نفسى اروح ابوس ايد بابا وايد اخواتى الرجالة وايد خطيبى لما يكون زوجى يعنى لانهم كلهم مقتنعين ان الضرب مباح بس للحيوانات مش الادميين ولو مرة بابا نسى ولا حاجة وضربنى بيعتذرلى مليون مرة وهدايا وحاجات كدا جميلة ومع ذلك عمرة ما كان ضرب يسبب حتى جرح مش موت
عشان اللى بيقول ان الاسلام اهان المرأة وان امريكا او اوروبا مدينها كل الحقوق زيها زى الراجل هى فعلا بقت زيها زى الراجل فى انها فقدت انوثتها من كتر الشغل وتحمل مسئولية الاطفال السفاح لوحدها وطردها من سن ال15 سنة لتقيم مع البوى فرند بتاعها او حتى فى الشارع مش مهم وعادى يعنى
واللى كان بيقول طب لية ربنا مش بينصرنا فالسبب بسيط جدا وهو كما قال الله تعالى
إن الله لا يغير ما بقوم حتى يغيروا ما بأنفسهم
صدق الله العظيم
لما احنا نكون إيجابيين ونقاطعهم بجد ونصلح من انفسنا وندعوا غيرنا ونتمسك بديننا واسلامنا صدقنى هنكون افضل شعب فى العالم واقوى شعب مش بالسلاح لا بالإيمان بالاسلام هيكون ساعتها فينا عمر بن الخطاب والبراء بن مالك وعمرو بن العاص وقطز وصلاح الدين ونور الدين ...... وغيرهم ممن صدقوا الله فنصرهم وعزهم دنيا واخرة
اما بالنسبة للدعاء يا اخى الفاضل الدعاء مخ العبادة والقدر والدعاء يتصارعان ومن الممكن ان يرد قدر بسبب دعاء صادق ولا تنسى اخى الفاضل ما حل بشارون نتيجة دعائنا عليه او دعاء رجل صالح منا
غفر الله لنا ولكم تقصيرنا فى حق اخواننا فى فلسطين والعراق وكل بلاد المسلمين
اللهم اامين
يا جماعة اقل حاجة نعملها لغزة واخواننا فى كل مكان هى المقاطعة ومن ترك شىء لله ابدلة الله خيرا منة والدعاء بس باخلاص وصدق والتبرع لو فى والصوم لو ممكن يعنى ونشر القضية فى كل مكان
وجزاكم الله خيرا
من
توتا المسلمة
السلام عليكم ورحمة الله وبركاتة
اة يا جماعة انا فى قمة استغرابى دا فى ناس كتير اوى بدافع عن امريكا كدا لية واللى بتقول ان المسلمين هناك خونة ولا كفرة اسمحيلى اقولك يا حبيبتى ان احنا مش بنكفر حد بس احنا بنقول ان بلدهم اولى بيهم عارفة ان بلادنا فيها حاجات وحشة بس دا واقعنا ولازم نغيرة مش نروح نغير فى بلاد غيرنا وكفرة كمان
اما بالنسبة للعلماء فأغلبهم عرب ومسلمين مقدروش يخدوا فرصة هنا خدوها هناك يعنى هما متقدمين بينا احنا بدمغنا ولو حاول واحد من العلماء العرب دول انة يرجع ويفيد بلدة تعرفى يا سكر اية اللى بيحصل فية حاجة بسيطة خالص اما يمنع او اما يصفى او يقتل ...
هى دى بقة امريكا الجميلة وبعدين ما الشباب بيروح هناك بيشتغل اية فى الاول بيمسح البلاط ويغسل صحون وبعد كدا ممكن ربنا يفتح علية طب مش بلاط بلدة اولى بية ؟؟؟؟؟؟
ولا من قلة الاطباق فى البلد ؟
وبعدين مين اللى هيحى بلدنا ويغيرها للاحسن انا عارفة ان بلدنا فيها ظلام وليل ثقيل بس النور والنهار مش هيطلعوا غير بينا احنا احنا ابناء الامة دى والبلد دى انا معاكى ان امريكا فيها ولو حاجة كويسة تميزها عنا لكن احنا ممكن نخلى بلدنا احسن الف مرة لو بجد وضعنا النية واستعنا بالله واخلصنا فى عملنا او وظيفتنا اوحتى فى الدور المتاح لنا ممكن بجد تبقى بلادنا جنة ومسلمة ومحترمة زى ايام قطز وصلاح الدين وغيرهم ممن حاولوا اصلاح الدنيا وانصلحت بالايجابية بالتعب ولو منصلحتش دلوقتى بعد شوية هتنصلح واولادنا يستفيوا منها ويتذكروا قوم حاولوا ان يغيروا وكمان علشان نكون عملنا
معذزة الى ربنا
ولا نحاسب على التقصير او الاهمال او اننا معملناش حاجة ولا لبلدنا ولا لنفسنا حتى.
انا مش بهجمك
ابدا والله انا بس كنت مستغربة من كلامك بس انا اصلا معرفكيش علشان احاول اعاديكى صدقينى لو كنتى مسلمة فاحنا اخوات فى الله والاسلام ولو كنت مسيحية فاحنا بردوا اخوات فى الانسانية والمصرية بلدنا
ولكى جزيل الشكر
وبجد مش تزعلى خالص منى
غفر الله لنا ولكى
من
توتا المسلمة
ان صراع الانتخابات الامريكية الفيصل فيه هو الرفاهية للشعب الامريكى على حساب اى شىء
اوعوا تصدقوا ان الانسان الامريكى الماشى فى الشارع العادى مثقف ولا بيفهم حاجة من اللى حوله
فشخرة وخلاص
تحياتى
ياساتر يارب ايه القرف اللي هما عايشين فيه دا
انا اتصدمت لما قريت الاحصائيات دي
الحمد لله على نعمة الاسلام
مروة موضوع جميل جداً بارك الله فيكي
ولكن جاء الوقت لمساعدة اخواننا المحاصريين في غزة وتقديم ما نستطيع لهم فلنقيم نحن المدونيين حملةلمناصرتهم في مدوناتنا نحن المدونين بجميع اتجاهاتهم وطوائفهم
فاخواننا محاصرون ولكنهم صامدون
فك الله كربهم وثبت اقدامهم
برافو يا مروة على المجهود
وجميل انك تذكرى مصادر الارقام والاحصائيات
ولكن انااحب ابعد عن التعميم ما امكن
دى امريكا
طيب واحنا
!!!!
تغور امريكا بكل ما فيها
بس المهم تسيب العالم فى حاله
متعملشى نفسها الواصى على كل الدول
تضرب ده وتأدب ده وتعدم ده
اما حالها الداخلى هيه تاكله وحره فيه
مروه
اسمحيللى ارد على عاشقه الفردوس لانها علقت على تعليقى بعد اذنك
حكمتى على بلد طويله عريضه فيها كل الديانات السماويه فيها علماء وكتاب ومثقفين ومنادين بالحريات واصحاب قضيه
بتقولى زباله وقذاره على كل دول
زى ما قلت لمروه انتى عملتى زى الخليجى اللى بيقول على مصر بلد زباله وقذره عشان مشافش فيها غير الجانب القذر اللى زيه
وانا باعتب على مروه لان كلامها فى اتجاه واحد مش بتذكر الحقيقه كامله
هما مش مسلمين وميعرفوش الاسلام عشان نحاسبهم نحاسب نفسنا اللى وصلنا الاسلام وولدنا بيه ومش بنعمل بيه وصدقنينى منطقتنا العربيه فيها وساخات زى اللى فى امريكا بس احنا اللوم علينا اكتر لاننا مسلمين
يبقى منبصش لدينهم بقى ندعيلهم بالهدايه ونبص لعلمهم ولحرياتهم السياسيه ولاحترامهم للانسان والحيوان كمان
لو رحتى امريكا محدش حيقولك انحرفى انتى ليكى كامل الحريه فى انك تختارى طريقك
ودورى على الزباله اللى حواليكى قبل ما تدورى على الزباله والقذاره اللى بعيد عنك بمحيطات
ياريت بقى نبطل نبص للامريكان والاجانب عموما فى اوض نومهم ونبص لعلمهم ومتعلم منه حنتعلم ايه لما نعرف انهم بيمارسو الجنس مع سين وصاد ولا بيهببو ايه فى اوض نومهم عاوزين نبص للى حيفيدنا ولو بصينا فى اوض النوم فى المنطقه عندنا برضه حنلاقى بلاوى بس احنا برضه الحمدلله رب العالمين سترنا وامرنا بعدم الجهر بالذنب
وحضرتك قلتى كلمه غريبه توضح انك بتتكلمى من على كنبه الليفنج ومتعرفيش حاجه اساسا قلتى انهم معندهمش عواطف لا الامركيين شعب عاطفى جدا ومشاعرهم مرهفه جدا ومتستقيش معلوماتك من مسلسل الجرئ والجميلات والنبى
هما بس معندهمش عواطف فى الشغل معندهمش غير العدل والمساواه فى الشغل معندهمش كوسه من الاخر
والحمدلله على نعمه الاسلام لكن احنا لسه ينقصنا كتير اوى عشان نتكلم على دوله عظمى زى امريكا واحنا قاعدين على كنبه الليفنج ونقول دى ناس قذره وحيوانات عيب عيب عيب خلونا نكون بنى ادمين نحترم الانسان اللى زينا واللى ربنا بس هو اللى يحدد مين احسن من مين ننقد نفسنا وننضف زبالتنا وملناش دعوه بزباله الناس نتعلم الحاجات العدله اللى عندهم يمكن ربنا يصلح حالنا ومش معقول بقى حنقعد نقول الهى يجحم الامريكان القذرين الوسخين عيب لازم نكون عندنا تسامح وتقبل للاخر بقى عشان حالنا يتعدل
مروه حاولى تكونى موضوعيه فى كتاباتك وترسمى صوره واضحه تحدد كل الجوانب كان اختلافى معاكى فى الموضوع اللى فات انك برضه كنتى اخده اتجاه واحد بحده من غير موضوعيه والموضوع ده نفس الشئ برضه للاسف
ده مجرد اقتراح مش اكتر
دمتى بخير
وياريت يامروه لو ليكى توجه سلفى او اخوانى توضحى كده بس عشان اناقشك على اساس توجهك
تحياتى
بس فيها امكانيات
زويل لو كان قعد هنا كان زمانه بيدى دروس كميا لثانوى عشان يعرف يعيش
وبعدين اللى عنده ايمان ومبادىء حتى لو عاش فى بيت دعاره-لامؤاخذه يعنى- هيعرف ازاى يحافظ على نفسه
ثم ان فى مصر حاجات وحشه بردو
بس مش موثقه بقى زى عندهم
فعشان كده احنا نبان كويسين وهما وحشين
لكن فى مننا بيعمل زيهم مع العلم بيكونوا مسلمين او مسيحين عارفين ربنا
بس زى ماقولت وهقول تانى
هما بيعملوا كل حاجه فى النور
عندنا كل حاجه حتى لو صح بتتعمل فى الضلمه
والله انا نفسى اروح اثيوبيا او موزمبيق على الاقل فيها حريه عن بلدنا ولا ايه ده مش يأس ده اسمه انها بقت مملكه مباركه مش من ربنا بقت من الى حاكمها رفع الله قدلاه فى النار باذن الله
لو مشاكلنا وجدنا لها حل طبيعى مش هنفكر نسافر لا امريكا ولا الكويت ... طيب يا مرمر المصرى مذلول ومتهان من اشقائة العرب فى الكويت يا ريت نمتنع عن السفر للكويت ولا ذل الكفيل فى السعودية وكتيييييييير ...
الحمد لله على نعمه الاسلام وكفاء بها نعمه بجد يا مروه بوستاتك هائيله
يالهووووووووووووووووووي كل دي بلاوي
ربنا يزدهم اااااااامييييين
حسبنا الله ونعم الوكيل
الحمد لله يارب اننا مسلمين فعلا اسلمنا ده نعمه :)
موضوع رائع يامروه بجد تسلم ايدك :)
السلام عليكم ورحمة الله وبركاته
ازيك يامروة
بجد موضوع ومجهود هايل
حقيقى ربنا اعطاهم الدنيا بما فيها من تقدم واموال وتكنولوجيا
بس بموازاة هذا
جعلهم عبرة وعظة لمن لا يتقى الله ويؤمن به وبرسوله
طبعا
ما الاسلام حياة
دنيا ودين
هو اة همة متقدمين على حساب حضارتنا
احنا لهم البداية
بس معلش بكرة نفوق وشبابنا يفوق لما يتمسك تانى بدينه
جزاكى كل خير مروة
حقيقى خلتينا كلنا نقول
اللهم دم علينا نعمة الاسلام
اللهم اااااااااميييييين
سلااااااام
سبحان الله
هذه هى أمريكا ؟؟؟؟؟؟
الإسلام فينا هو اللى حامينا
و لو عدنا إليه سنصير أفضل حالا
و قد سرنا خلف أمريكا فأخذنا منها بعضا من سوءاتها
فهلا تركنا طريقها لتذهب عنا الفتن ؟؟
جزاكى الله أختنا مروة
على موضوعاتك المتميزة دائما
د.حمـــــاس
العزيزه مروه
طبعا مجهود تشكري عليه ياجميل
بس تفتكري يعني امريكا سيئه اوي للدرجه دي؟
مين اللي عمل مايكروسوفت و اصل ماكدونالدز و جميع سلاسل المطاعم الشهيره اللي اغلبيه ان لم يكن كل الشعوب العربيه بتحبها او بتستخدم المنتجات الأمريكيه في مجالات مختلفه زي الكومبيوتر مثلا؟
كل بلد يامروه فيها الجوانب السيئه و الجوانب المشرقه
دكتور احمد زويل لو ماكانش سافر امريكا تفتكري كان بقه له اسم و شهره و تقدم علمي؟
الأمراض موجوده في جميع بلدان العالم يامروه ربنا مابتلاش بيها امريكا دي بتكون لأسباب كتيره صعب اننا نحصرها
لو فيه حد مش عاجبه امريكا و بيطالب بالمقاطعه يبقي من باب اولي يبطل ياكل المنتجات الأمريكيه و يبطل يستخدم البرامج الأمريكيه الصنع
لكن للأسف بتلاقي ناس بتقول ايوه امريكا كذا و كذا و انشاء الله نهايتهم قربت و بيضيعوا وقتهم مستنيين اليوم ده و حتي مش بيحاولوا يحسنوا من نفسهم تفتكري اللي زي دول نقول عليهم ايه؟عشان نتقدم يامروه لازم اننا نبص لنفسنا و نتقدم نشوف نقاط الضعف اللي عندنا و نحاول نقويها و نتقدم
اسفه للاطاله و تقبلي تحياتي و احترامي لكي
الله واكبر
يارب زيدهم كمان وكمان
عشان يبطلوا افترا
وبلطجة علي خلق الله
تعالي زورينى يامروة
مدونتى هاتعجبك ان شاء الله
لى لى
فعلا للاسف كل الي قولتية صح يا مروة
كل دة وان كنت بنستعجب عليه الا انها ماساه كبيرة
بوست هايل
ااااااه سبقتيني يا مروة
اولا انا مش جاي ارد الزيارة
لان مدونتك بجد اكتشاف
دي مش بقت سلطة وبس دي كمان بقت محشي
انا كنت بفكر في سلسلة بوستات عن نفس الموضوع ... عن موضوع التبعية
american dream
حاخد حته كده من تعليق عمنا جدو العزيز واكمل عليها
واذا كانت امريكا بلد فاسد ويستاهل اهلها الحرق فى نار جهنم لية فية طوابير واقفة على كل سفارة عاوزين تاشيرة ولية المبعوثين بيرحوا وغالبيتهم مبيرجعوش؟
كلام سليم جدا
امريكا تتبع سياسة الابهار بمجتمعها
حلم كل مواطن حاليا انه يسافر وياخد الفيزا ويعيش في الشوارع النضيفة والحياة السهلة والناس الحلوة و و و
لا يهمني اللي يسافر بس مشكلتنا في اللي عايش الحلم الامريكي في بلده ومازال يقلد الحياة الامريكاني ويكره كل ما هوه مصري
اعرف نماذج كتيييير كده
فاكرة فيلم ليلة سقوط بغداد والراجل اللي دايما ماسك النيوزويك ويقول
خلي الامريكان يدخلو والله حينضفونا
المشكلة في الانسان اللي اصبح تابع
عايز يسافر امريكا علشان يعيش في شارع نضيف ومش عايز ينضف الشارع بتاعه في مصر
للاسف هناك الكثيرين انبهروا وكفروا بالواقع
.......
انا تعبت من الكتابة
في انتظار الجزء التاني ايتها المدونة الاكتشاف
تحيات معطرة وتمنياتي بالصحة والسلامة
The american dream
خدعه بيقع فيها كل الناس
و أسئل المكسيكيين الى بيهربوا للوليات المتحده بطرق غير شرعيه و بينخدعوا فيها و بيبقوا افقر من ما هما فى بلادهم
على العموم هى داول تنهار اخلاقياً
شكراً يا مروه يا ريت تكملى عشان فعلاً هتبقى سلسله مقالات جامده موت
موضوع متميز كالعاده
و جامد موووووووت و منور النت
تحياتى
Look to the positive and leave the bad things. In USA there is complete separation between the public life and private behavior
ردي حيكون من واقع تجربة في المجتمع الامريكي بعد إعصار كاترينا عام 2005 لما فيه بلد كاملة إسمها نيوأورليانز كانت تحت المية وحوالي نصف مليون اتشردوا وخسروا بيوتهم وممتلكاتهم يا تري الدولة عملت إيه ؟ ادت كل شخص حتي لو مش امريكي 2000 دولار بمجردما يتصل بالتليفون ويقول ان كنت هناك وبعد كمان شهر ادوا 2500 ولاحظواإحنا بنتكلم علي بلد مش عمارة 12 دور في لوران واتحملوا مصاريف اقامة معظمهم في الفنادق ودفعوا ايجارات الشقق لاخرين لمدة تزيد عن 6 شهور وادوههم معونات غذائية فاخرة مرتين في الاسبوع وكل جامعات ومدارس امريكاحتي الخاصة منها استقبلوا طلبة البلد دي بدون مصاريف والاسر فتحت بيوتها لاستضافة الناس وشاركوهم منازلهم وجت شركات التأمين وعوضت الناس عن سيارتهم بل book price اللي هواضعاف سعر السوق وعن بيوتهم بمئات الألاف والله اعرف مصري هناك خد 150000دولار والاهم ان البلد رجعت بعد 4 شهور بس ودفعوا للناس تذاكر الطيران علشان يرجعواـ قصدي من الحكاية الطويلة دي إن ده اللي الانسان عايزه من بلده وأهل بلده في الشدة مش مجرد ترميه في مركز شباب لمدة اسبوع لمابيته يضيع ولا 5000 جنيه لاهله لمايموت بسبب الاهمال. اما بخصوص القتل والسرقة والجنس فده في كل دول العالم واكيد بتشوفو الانتاج المصري والخليجي من افلام البلوتووث عالية الجودة علي الاقل التانيين ممثلين مش عرب مسلمين وساعات يبقوا ولاد ناس كمان. هناك فيه كل حاجة والانسان مخير علشان كده ربنا بيجي يحاسبنا يوم القيامة
The american dream is to live in peace in a nice house, having a nice car, spending an annual vaccation in a different place in the world. Most of the Americans can do this by working hard, but Egyptians can only do this (( rashawa, serka, nasab )).
عارفه يا مروة
زمان ايام الجامعه والحوارات دي كنت اعرف بتاع عشرميت واحد كلهم عايزين يروحو امريكا
ولما اقولهم اشمعنا امريكا يعني يقولولي منطق غريب قوي
يقولولي دي اعظم واقوى دوله في العالم
ولما كانو يسألوني انت عايز تروح فين بقى بره مصر والوطن العربي .. كنت بقولهم نفسي اروح ايطاليا
عشان دي اعظم دوله واقوى دوله في العالم .. في الفنون
ولا في مشاكل في ايطاليا؟؟؟
طمنيني الله يكرمك .. عشان المركب هتطلع قريب وانا يادوبك الحق اتشعبط فيها عشان اغرق بدري بدري ويجيبو جثتي من ليبيا
سلامووووووووووووووووز
عزيزتى مروه:
بجد موضوعاتك هايله فعلا
ومدونتك بتتطور تطور ملحوظ
بتمنالك التوفيق
امريكا و الفقر
انا عارف من زمان ان نبسة الفقراء فى امريكا كبيره وهذا بفعل النظام الارسمالى الجشع الذى تنتهجه امريكا
انا بحييكى بجد وبتمنالك التوفيق
جـامـعـة ( سـيـر جـورج ولـيـمـز ) تـشـتـرط فـي الـمـتـقـدم لهـا أن يـكـون لـوطـيـاً أو مـخـنـثـاً "
مفيش جامعة أصلا اسمها كده في امريكا, والاسم ده اسم جامعه في مونتريال كندا وممكن تدوري بنفسك في جوجل وده معناه ان في احصائيات بتخلط بين امريكا الدولة وامريكا القاره.
ثانيا ـ امريكا دولة تعدادها اكثر من 300 مليون يعني لما تقولي ان "130 ألـف شـخـص يـنـتـحـر سـنـويـا" ده نص الربع في الالف مثلا وانا متاكد لو فيه احصائية حقيقيه عن 80 مليون مصري حتكون النسبه قريبة لكن الاهم دول كفره عاشوا ولا انتحروا في النار الموضوع اللي يستحق الكلام ان عندنا بيموتوا علشان مش لاقيين يأكلوا ولادهم او يجيبولهم لبس جديد في العيد يعني ياستي قولي هدمة جديدة كل سنة وطبعا متنسوش انتحار الغير لائق اجتماعيا ـ عبد الحميد شتا ،لسه فاكر اسمه ـ
ثالثا: "يـوجـد فـي مـنـازل أمـريـكـا52 مـلـيـون كـلـب مـنـهـا الـمـلايـيـن مـن الـكـلاب الـمـدربـة عـلـى مـمـارسـة الـجـنـس مـع الـنـسـاء والـرجـال" فكرتيني بمدرس الجغرافيا بتاع اعدادي لما كان يقول تعداد السكان في دولة ما غلط وحد يصلحله من الكتاب ،يرد عليه ويقوله كلامي صح وابقي روح عدهم بنفسك. علي العموم لو الامريكان عملوا تعداد لكلابهم وكمان للكلا ب اللي لها القدرة علي ممارسة البغاء مع البشر،احنا مش عارفين نعمل تعداد موثوق فيه لاهالينا اوحتي نعرف تعداد اقباط مصر كام.
رابعا:"و900 سـيـنـمـا فـي أمـريـكـا مـتـخـصـصـة فـي عـرض الأفـلام الإبـاحـيـة" عشت سنين هناك وعمري مسمعت عن سينمات ـ عامة ـ بالشكل ده ابدا.
خامسا: "أمـريـكـا والـدمـار الاقـتـصـادي" دمار مرة واحدة ، طب احنايبقي عندنا ايه بأه. ده كفاية " 8 مـلـيـارات دولار رأس مـال تـجـارة الـدعـارة والإبـاحـيـة الـخـلـقـيـة"او " مـلـيـون دولار قـيـمـة تـأجـيـر الأفـلام الإبـاحـيـة "((حسب كلامك)) لإنعاش اي اقتصاد.وللعلم الامريكان بيصرفوا ليلة راس السنة اكثر من مليار دولار في ليلة واحدة علي الشوبنج.
سادسا:"وكـل 3 ثـوان تـغـتـصـب امـرأة" (حتي لو كانت نسبة) بالقياس بعدد السكان،دول يبقوا عايشين فياادغال القبائل الافريقية والمفروض نلاقيهم طوابيرعلي ابواب سفارتنا علشان يجيوا بلدالامن والامان اللى مفيهاش اغتصاب لدرجة انهم عملوله مسلسل.
سابعاوالاهم: وممكن نقعد نعد للصبح، المسلمين في امريكا حوالي 4% وفي زيادة والمساجد بتكتر والتأثير بأه أوضح .العيد اللي فات مثلا في احدي مدن نيوجيرسي ادوا طلبة المدارس كلها مسلمين وغيرهم اجازة والامبايرستيت بلدينج اعلي مبني في نيو يورك حاليا)(نيو يورك مسيطر عليها اليهود) نوروه باللون الاخضر مخصوص اول يوم العيد ولا في رمضان لما يحطوا بالنور رسمة الفانوس وجملة هابي رمضان علي المبني الرئيسي لمدينة كليف سايد بارك في نيوجيرسي. ((وبفرض)) ان كلامك في البلوج سليم فده ميساويش لحظة متشوفي واحد امريكي بعد صلاة الجمعة في المسجد وهو بيعلن اسلامه وبيتلعثم في نطق الشهادة بالعربي ،لكن بينطقها والناس حوالية بتكبر ودموعها نازلة من روعة الموقف وده شئ بيحصل مرة او مرتين شهريا. ادعوا للناس بالهداية وان ربنا يزيح عنهم بوش الفقر النحس علي خير، وإدعولنا يجي يوم قبل ما نموت ننتخب فيى ريسنا.
From a Muslim who lives in the US,
Please read this article http://www.asharqalawsat.com/details.asp?section=17&article=458436&feature=1&issueno=10670
Regardless of all what you mentioned in your post that's what people, and I'm one of them, like about these countries.
Post a Comment