هابى نيو ير عليكم
كل سنة وأنتوا طيبين يعنى
عشان تعرفوا أنى بعرف (عنجليزى) أهووووة نياااههههااااااا
معلش بس بقالى شوية مكتبتش .. كنت مأنتخة حبة يعنى وكنت مشغولة بأنى أتعرف على عالم المدونات حبة
قولت النهاردة أكتب لكم موضوع جديد
أحترت والله عشان المواضيع مالية دماغى جامد
المواضيع كتير متقلقوش
قررت الحمد لله أنى أكتب لكم الموضوع دة
لاقيتة رومانسى مووووووووووت ومناسب جدا للسنة الجديدة
lol
.............................
أنا فى البوست دة برضة هحكى تجربة برضة حصلت معايا فعلا
شايفة واحد دلوقتى بيقول يا تجاااااربك يا مروة يا زارع
والله يابنى نصيبى بقى .. أصبر بس أنت التجارب كتير والحمد لله
وفى رأييى حياة مليئة بالتجارب والأخطاء أفضل من حياة خاوية
المهم عشان مطولش عليكوا وعشان أنا جعانة وعاوزة أقوم أضرب علبتين كشرى عالسريع
نخش فى الموضوع
..............................
طبعا كنت لفت نظر حضارتكم قبل كدة فى البوست قبل إللى فات أنى عملت حادثة كبيرة
راجع بوست : تجربتى فى وكر ال لا أدميين
المهم أنا النهاردة هتكلم عن الموضوع دة .. مش هقول الحادثة حصلت إزاى لأن دى ليها بوست تانى خاااااالص
خلينا دلوقتى فيما بعد الحادثة
الوضع : قطع غائر باليد اليسرى فوق الكف مباشرة قطرة 7 سم أدى إللى قطع حاد بالشرايين والأوتار وتهشم العظام
من الأخر أيدى أتدمرررررررت يعنى
هحكيلكم من الأول
ركزوا معايا بس وإللى مش هيركز يقوم ويسيب كرسية لحد تانى ويروح يجيب لى كشرى
المهم
حصلت الحادثة وكنت ساعتها فى عين شمس لوحدى
نقلونى ولاد الحلال لأقرب مستوصف فى عين شمس على أدة كدة
رفـــــــــــضـــــــــــــوا يـــــســــــتـــــلـــــمــــــونــــــى
تخيلوا واحدة رايحلهم بتموت فعلا ونزيف حاد وكنت فاقدة الوعى كمان
ورفضوا يستلمونى وعلى أساس إن دة شروع فى قتل ومسؤلية وكلام من دة
بعد الغمز وتوزيع الشاى بكام (خمسيناية) .. أستلمونى
كتر خيرهم والله بيتعبوا .. ونقلوا لى دم لأنى طبعا كنت أتصفيت وكنت مغمى عليا يعنى
وطبعا قصة نقل الدم ليها قصة تانية خااااااااااالص
عشان حضرتك تاخد دم لازم 5 من أهلك على الأقل يتبرعوا وتدفع تمن الدم كمان وتوزع شاى
معادلة معروفة جدا فى جميع مستشفيات مصر ولا بد منها
كل دة عشان حبة أسعافات أولية عقبال ما أروح مستشفى كبير
خيطولى أيدى (كروكى) كدة لحد ما أروح المستشفى التانى
الدكاترة فى المستوصف الله يكرمهم بعد ما عملوا وخدوا الواجب قالولى لازم تروحى مستشفى كبير
أنتى محتاجة عمليات خطيرة ولازم تتم فى خلال 12 ساعة بالكتير
لأن عندك عصب مقطوع أسمة (مديين نيرف) ولازم يتخيط بسرعة وإلا هيجيلة تليف ومينفعش بعد كدة
جرينا طبعا أنا وبعض من أهلى وقرايبى على مستشفى كبير خاص
وروحنلها لما عرفنا إن أنواع العمليات دى مش بتتم ألا فى مستشفيات قلائل ومنهم المستشفى دى
الوقت بيجرى ولازم أنقاذ لأيدى وإلا بتر
أنا كنت ميتة .. شبة عايشة
نزفت كتير .. قوايا خارت
غارقانة دم من شعر راسى لصباع رجلى الصغير
مقطعين هدومى من على دراعى
عارفين أبطال أفلام الرعب لما الوحش الشرير بيجرى ورا البطلة وبتبقى متغرقة دم كدة ووهدومها متقطعة
أنا كنت كدة بالظبط
كنت أصعب على الكافر
المهم
روحنا مستشفى كبير وحالتى يرثى لها ودراعى متخيط وبينزف
تصوروا خياطة وبينزف
عادى بقى
دخلنا المستشفى دى وفكوا الغرز وقعدوا يفعصوا ويبهدلوا وبعد ساعتين من التفعيص ببنج موضعى مالوش لزمة فقط
أسفين يا جماعة دى عملية مش موجودة عندنا
بعد ما صرفونا مئاااات ومعظم الفلوس إللى فى جيبنا
بعد ما ضيعوا أكتر من 3 ساعات من الوقت إللى بيجرى
وخيطولى أيدى كروكى تانى
وقالولى مفيش غير القصر العينى بس هو إللى عندة الأمكانيات دى
جرينا عالقصر العينى المجانى الأول
بجد مش ممكن أنسى اليوم دة
كل دة وأنا غرقانة دم وهدومى متقطعة أعتقد إنى كنت حافية كمان وكنت شبة عايشة بجد
وكان ممنوع أكل أو أشرب شئ طبعا لأنى أحتمال أخش عمليات حالا
مع أنى كنت تعباااااااااااانة وضعيييييييييفة أوى بس مش ممكن أنسى منظر المستشفى دى
العيانيين مرمين فى كل حتة فى قسم الأستقبال والطوارئ
وإللى مرمى عالأرض بينزف وإللى على السرير مغرق الدنيا دم
وإللى ماسك أيدة وإللى ماسك رجلة
وأكتر موقف أثر فيا ومش ممكن أنساة
راجل كبير بنتة صغيرة جدا شكلها عاملة حادثة وغرقانة دم وفاقدة الوعى وماسكها على ايدة وعمال يجرى هنا وهناك زى المجنون
ويقول ألحقونى يا عاااااااااالم هتروح منى ... هتروح منى
ولا حد سأل فية كأنة بيدن فى مالطةةةةة
والدكاترة بقى قاعدين يشربوا الشاى ويهزروا ورايقين عالأخر ولا كأنهم شايفين حاجة
مووووووووووووووولد مالوش صاحب
مفيييييييييييييييييييش أدنى أحساس بالرحمة
ربنا كرمنى ولاقيت دكتور مع العلم أن معظمهم ويكادوا يكونوا كلهم دكاترة أستقبال أمتياز وممكن يكونوا طلبة أصلا
راح الدكتور قالى بلا مبالاة كدة ممكن نربط ليك أيدك وهنبص عليكى بكرة عشان فية ضغط ولو فية عملية هتاخد دورها
وسألة أخويا : ودورها دة أمتى يادكتور ؟
بعد شهر أو شهرين على حسب الجدول
حرررررااااااااااااامممممم عليك أنا لازم أعمل العملية فى خلال 12 ساعة وفات أكتر من نصهم
بسلامتة قال : خلاص مفيش قدامك غير القصر العينى الفرنساوى أبو فلوس يعنى
جرينا على هناك
كنت بجد حاسة أنى على مشارف الموت وساعتها توقعت إن دى نهايتى
وقعدت أدعى ربنا أنة يسامحنى على أى خطأ عملتة طول عمرى ويدخلنى الجنة
جرحى بينزف
ماشية أنقط دم والله
روحنا الأستقبال للقصر العينى (الفرنساوى) الخاص أبو فلوس يعنى
ربنا يكرمهم دخلونى ولاقيت أدامى أكتر من 20 دكتور لابسيين بالطو أبيض بيشف ويرف ماشاء الله عليهم و أتلفوا حواليا
أرتحت وقولت أحمدك يارب
دخلونى أوضة كدة ومسكوا أيدى من غير بنج موضعى حتى
وشوية كتفونى وفكولى الغرز( الكروكى) ونزلوا تفعيص وكل دة أدام عنييا
وقاعدوا يتكلموا بالأنجليزى ومفهمتش حاجة لأنة غالبا لاتينى مش أنجليزى
وصوت صوييييييييييييت
محدش كان متخيل مدى الألم إللى كنت فية
كان بيلعبوا فى لحمى الحى .. بدون بنج
وفى الأخر أكتشفت أنهم طلبة ومعاهم أستاذهم وبيشرحلهم عليا
الله ةةةةةةة .... كنت أنا ضفدعة تجارب على الترابيزة يعنى
حد حس قبل كدة الأحساس دة
وقاموا مخيطينى كركوى تانى أو رابع يعنى وجة (البيج بوص) بتاعم أو رئيس العصابة
وقالى أنتى محتاجة عملية كبيرة أسمها أستكشاف حالا وإلا هنبتر
صرخت والنبى بلاش بتر يا دكتور أعملى العملية أرجوووووووووك
قالى طب لازم تدفعى 4 ألاف جنية تحت الحساب
أدفع 4 ألاف جنية ومين بيخرج وفى جيبة 4 ألاف جنية
أنا وأخويا ساعتها كان معانا كل الفلوس إللى فى البيت كلهااااااااا وكانوا 1200 ج وأتصرفوا كلهم
أنا بنزف ولازم أعمل العملية ومفيش معانا كدة دلوقتى
دكتور طب من فضلك دخلنى العمليات لحد ما أخويا يروح يتصرف ويرجع
لا مينفعش ياماما
خرجوها برررررة
ورمونى على كرسى فى الأستقبال بنززززززززف وجرحى متخيط كرووووووووكى
ميتة بمعنى الكلمة
حالتى يرثى لها بجد وأصعب عالكافر
وأخويا سابنى وراح يتصرف فى فلوس ضرورى
وقعدت أنا على الكرسى بموت
طلبت بوهن سرير يرمونى علية لحد ما الفلوس تيجى
رفضوووووووووووووووووووا
والله صعبت على العاملة إللى كانت بتيجى تمسح نقط الدم من تحتى
قالتلى نامى على الكراسى كدة وجابت لى ملاية غطتنى بيها
كانت حالتى صعبة بجد
وقعدت على الحال دة حوالى ساعتين كدة
أخويا معرفش يتصرف غير فى 3 ألاف جنية بعد ما شحت من المسيحى والمسلم ساعتها وكانت مسألة حياة أو موت
رفضوااااااا .. لازم 4 ألاف جنية تحت الحساب حضرتك
كنت لابسة سلسة وخاتم ساعتها أديتها لهم
رفضوااااااااااااااااااااااا
بعد محايلة وبعد كلام كتير برضة رفضواااااااااااا
كنت بموت قدامهم بجد والله العظيم كنت بمووووووووت ورفضوا
جة واحد لا أعرفة ولا يعرفنى وتقريبا شكلة مش مصرى وجاى لزيارة حد فى المستشفى
دفع لى الألف جنية وأدانا عنوانة فى مصر
بجد صعبت علية ... الله يكرمة
ودخلت العمليات وعملولى أول عملية
وكانت بنج كلى طبعا .. عملية كبيرة يعنى وكانت أسمها عملية أستكشاف
وكان من المتوقع أنى هعمل عملية تانية وبس وكدة وخلاص
يعنى كانوا هيعملولى العملية الأولى ويظبتوا فيها كل حاجة من أعصاب وأوتار وشريحة ومسامير وشرايين
والعملية التانية عشان يفكوا مسامير العضم بس
بس الدكتور الله يكرمة عمل حاجة لذيذة موت خلاهم 3 عمليات
أية يعنى نسى بس يوصل العصب المقطوع
كلنا بننسى عادى يعنى هيا كانت أيدة ولا أيد إللى خلفوة
بسببة لحد اليوم مش بحس بكف أيدى
بسببة العصب مرجعش زى الأول خالص ومش هيرجع بعد ما صرفت اللى ورايا واللى قدامى كلةةةةةةةةة وبعت الحديدة كمان
بسببة لحد اليوم بخاف لأنجرح وأنا مش واخدة بالى وأحساس تنمييل فظيييييع بس بحس بية لحد اليوم
بسببة قعدت 6 شهور معرفش أنام ولا أكل ولا أشرب بسبب سريان تيار كهربائى فى دراعى كلة
ما العصبب بيسبب كل دة .. بيسبب حاجة زى الكهربا فى الجسم .. كأنك حطيت أيدك فى كوبس النور
بس برضة بقول الحمد لله إن أيدى لسة فى مكانها
الحمد لله بقدر أشيل بيها والوتر رجع سليم والعضم كمان
عصب أية بقى مش مهم بلااااا كلااااام فااااارغ .. على رأى الدكتور العظيم بتاع القصر العينى الفرنساوى ما أنتى عندك أيد غيرها
أة والله قال كدة وبسببة قعدت فترة كبيرة حالتى النفسية سيئة جدا لأنة خلانى أحس مفيش أمل وبدل ما كان يرفع من روحى المعنوية خلانى فى الصفر ويمكن تحت الصفر
عالعموم الحمد لله
نطلع من حكياتى دى بقى بمعلومة قيمة جدا
إللى معهوش فلوس فى البلد دى بيموت ومحدش بيمشى فى جنازتة دة لو عملولة جنازة أصلا
يامستشفياتك يامصر
ياحنية قلب ولادك يامصر
جرحى بينزف
ماشية أنقط دم والله
روحنا الأستقبال للقصر العينى (الفرنساوى) الخاص أبو فلوس يعنى
ربنا يكرمهم دخلونى ولاقيت أدامى أكتر من 20 دكتور لابسيين بالطو أبيض بيشف ويرف ماشاء الله عليهم و أتلفوا حواليا
أرتحت وقولت أحمدك يارب
دخلونى أوضة كدة ومسكوا أيدى من غير بنج موضعى حتى
وشوية كتفونى وفكولى الغرز( الكروكى) ونزلوا تفعيص وكل دة أدام عنييا
وقاعدوا يتكلموا بالأنجليزى ومفهمتش حاجة لأنة غالبا لاتينى مش أنجليزى
وصوت صوييييييييييييت
محدش كان متخيل مدى الألم إللى كنت فية
كان بيلعبوا فى لحمى الحى .. بدون بنج
وفى الأخر أكتشفت أنهم طلبة ومعاهم أستاذهم وبيشرحلهم عليا
الله ةةةةةةة .... كنت أنا ضفدعة تجارب على الترابيزة يعنى
حد حس قبل كدة الأحساس دة
وقاموا مخيطينى كركوى تانى أو رابع يعنى وجة (البيج بوص) بتاعم أو رئيس العصابة
وقالى أنتى محتاجة عملية كبيرة أسمها أستكشاف حالا وإلا هنبتر
صرخت والنبى بلاش بتر يا دكتور أعملى العملية أرجوووووووووك
قالى طب لازم تدفعى 4 ألاف جنية تحت الحساب
أدفع 4 ألاف جنية ومين بيخرج وفى جيبة 4 ألاف جنية
أنا وأخويا ساعتها كان معانا كل الفلوس إللى فى البيت كلهااااااااا وكانوا 1200 ج وأتصرفوا كلهم
أنا بنزف ولازم أعمل العملية ومفيش معانا كدة دلوقتى
دكتور طب من فضلك دخلنى العمليات لحد ما أخويا يروح يتصرف ويرجع
لا مينفعش ياماما
خرجوها برررررة
ورمونى على كرسى فى الأستقبال بنززززززززف وجرحى متخيط كرووووووووكى
ميتة بمعنى الكلمة
حالتى يرثى لها بجد وأصعب عالكافر
وأخويا سابنى وراح يتصرف فى فلوس ضرورى
وقعدت أنا على الكرسى بموت
طلبت بوهن سرير يرمونى علية لحد ما الفلوس تيجى
رفضوووووووووووووووووووا
والله صعبت على العاملة إللى كانت بتيجى تمسح نقط الدم من تحتى
قالتلى نامى على الكراسى كدة وجابت لى ملاية غطتنى بيها
كانت حالتى صعبة بجد
وقعدت على الحال دة حوالى ساعتين كدة
أخويا معرفش يتصرف غير فى 3 ألاف جنية بعد ما شحت من المسيحى والمسلم ساعتها وكانت مسألة حياة أو موت
رفضوااااااا .. لازم 4 ألاف جنية تحت الحساب حضرتك
كنت لابسة سلسة وخاتم ساعتها أديتها لهم
رفضوااااااااااااااااااااااا
بعد محايلة وبعد كلام كتير برضة رفضواااااااااااا
كنت بموت قدامهم بجد والله العظيم كنت بمووووووووت ورفضوا
جة واحد لا أعرفة ولا يعرفنى وتقريبا شكلة مش مصرى وجاى لزيارة حد فى المستشفى
دفع لى الألف جنية وأدانا عنوانة فى مصر
بجد صعبت علية ... الله يكرمة
ودخلت العمليات وعملولى أول عملية
وكانت بنج كلى طبعا .. عملية كبيرة يعنى وكانت أسمها عملية أستكشاف
وكان من المتوقع أنى هعمل عملية تانية وبس وكدة وخلاص
يعنى كانوا هيعملولى العملية الأولى ويظبتوا فيها كل حاجة من أعصاب وأوتار وشريحة ومسامير وشرايين
والعملية التانية عشان يفكوا مسامير العضم بس
بس الدكتور الله يكرمة عمل حاجة لذيذة موت خلاهم 3 عمليات
أية يعنى نسى بس يوصل العصب المقطوع
كلنا بننسى عادى يعنى هيا كانت أيدة ولا أيد إللى خلفوة
بسببة لحد اليوم مش بحس بكف أيدى
بسببة العصب مرجعش زى الأول خالص ومش هيرجع بعد ما صرفت اللى ورايا واللى قدامى كلةةةةةةةةة وبعت الحديدة كمان
بسببة لحد اليوم بخاف لأنجرح وأنا مش واخدة بالى وأحساس تنمييل فظيييييع بس بحس بية لحد اليوم
بسببة قعدت 6 شهور معرفش أنام ولا أكل ولا أشرب بسبب سريان تيار كهربائى فى دراعى كلة
ما العصبب بيسبب كل دة .. بيسبب حاجة زى الكهربا فى الجسم .. كأنك حطيت أيدك فى كوبس النور
بس برضة بقول الحمد لله إن أيدى لسة فى مكانها
الحمد لله بقدر أشيل بيها والوتر رجع سليم والعضم كمان
عصب أية بقى مش مهم بلااااا كلااااام فااااارغ .. على رأى الدكتور العظيم بتاع القصر العينى الفرنساوى ما أنتى عندك أيد غيرها
أة والله قال كدة وبسببة قعدت فترة كبيرة حالتى النفسية سيئة جدا لأنة خلانى أحس مفيش أمل وبدل ما كان يرفع من روحى المعنوية خلانى فى الصفر ويمكن تحت الصفر
عالعموم الحمد لله
نطلع من حكياتى دى بقى بمعلومة قيمة جدا
إللى معهوش فلوس فى البلد دى بيموت ومحدش بيمشى فى جنازتة دة لو عملولة جنازة أصلا
يامستشفياتك يامصر
ياحنية قلب ولادك يامصر
105 comments:
السلام عليكم
ازيك يا مروه
انا مش عارف ابدا كلامى بايه ولا ازاى
بس بجد ربنا معاكى ويحفظ ويعينك
انا قريت الكلام الحلو قوى عن بابا علاء
وقريت كمان تجربتك مع هيثم وملك الواطيين ودعيت عليهم قوى قوى
وكنت متوقع من اول البوست ان فى اغتصاب بس حمدت ربنا قوى انه سبحانه نجاكى
وقريت بقه تجربتك مع الحادثه والعلاج وخلتينى اكره الطب اللى انا بدرسه بس فى بجد نماذج حلوه مش كلهم ماديين كده
احنا بنعمل حاجات خير كتير وفى مستوصفات بالمجان
بس طبعا قسم الحروق والطوارئ والحوادث دوول بيبقوا مشكله
بس الحمد لله ان انتى قمتى بالسلامه
بجد انتى طيبه قوى والدنيا جت عليكى
بس استحملى
طب اخوكى راح فين دوقتى ..انا قريت انكى بتقولى ماعدشى لى حد وحيده وكده
ربنا يحفظك
انا لى الشرف انى اقرا تجاربك ولى شرف انى اعرف انسانه مكافحه زيك
انتى على فكره بتكتبى بتلقائيه جدا
ربنا يحفظك
سلام
وانتى بتحكى رجعتينى لشريط وفاة والدى والتنقل بين المستشفيات الخاصة والعامة
لدرجة انى بفكر اكتب وصية لو تعبت انى لا ادخل مستشفيات
الحمد لله على نعمته
سلمك الله من كل سوء
انا عجبني اوي البلوج بتاعك
حلو اوي البوست !!!
حمد لله على سامتك وعموما مش كل الدكاترة وحشين ومش كل المستشفيات مبتقبلش الناس يعنى تجربة وعدت بمشاكلها وربنا هو اللى بيعين الشخص على اللى هو فيه ووقف لكى واحد كويس وقف جنبك
ya3ni ad3y 3aleeki delwa2ty? mayhonshy 3alaya.. 7'osoosan ba3d elli garalek. bas 7aram 3aleeki, waga3ti 2albi.
ana shoft elli ma7adesh shafoh 3ala 2eed eldakatrah w elmostashfayat. begad elli ye3ya aw te7salo 7adsah f masr yeb2a yesalem amroh lellah, maloosh 7al tani.
ya marwa eldakatrah f masr mashyeen b baraket do3a elwaldeen. koloh sha3'al ta7'meen. ma7adesh bykalef 7'atroh w ye3mel tash7'ees begad lel7alah elli 2odamoh. da 3'eer el3amalyat w balaweeha. ana 3amalt 3 3amalyat bardo.. w shoft feehom elweel. w eltamreed ba2a ma2olekeesh!! koloh koom w elmomaredat koom.
ana kaza marra 7alti tedahawar bshakl fazee3 lmogarad en eldoktor bysha7'as 7alti b elshabah. mahi el3eyada malyana zabayen.. howa 7'asran eih?
2ella ba2a lama ro7t elta2meen else77y!! la3ant elyoum elli geet feeh eldonya begad.. da 3alashan a7gez door lelkashf bas ma2saaaaaaaaaaaaaah. mafeesh mwazaf f elshebak tab3an. w lama yeegi yeboselek b 2araf ka2enek kalti 3ayel mn 3eyaloh. w ba3deen ydeeki wara2ah ad soba3ek elso3'ayar w y2olek 7afzy 3aleeha ya emma malkeesh door w teegi te7gez mn tani.. ye7'reb beet el3eesha begad.
elmohem 7ateet om elwara2ah fi nen 3eeni l7ad ma3ad elkashf.. w ro7t 2abl ma3adi la7san yestahbelo w y2oolo enni ro7t mt2a7'ar. la2eet 7'eer allahom ag3aloh 7'eer 2omam mestanyah f salet el2entezar.. w feeh nas nayma, shaklohom bayteen mn elyoum elli 2abloh ta2reeban. fedelt 4 sa3at b7alhom 3amalah 2alef zy elna7la f elsalah elmnayelah di.. 2ella ma feeha ay 7aga elwa7ed ye3melha l3'ayet doroh m yetnayel yeegi. elmohem la2etlek wa7da set shaklaha bta3et nadafa, l7ad delwa2ty ma3rafshy hya bteshta3'al eih henak bzabt.. gatli w 2aletli enti shaklek bent nas w mesh wesh bahdala (2al ya3ni ana lessa mtbahdeltesh). aywa ya set, tayeb a3mel eih? sa2aletni ana geet leeh, 2oltelha kashf shamel 3alashan atala3 shehadah. 2aletli tayeb ta3ali 2ableeni f el7amam mn sokat ba3d m amshi b 7'amas da2aye2. ana elsera7a 7'oft.. bas 2olt ana 7'asrana eih.. ana 7ata law mot henna wala 7ad h ye7es aslan.
elmohem ro7t ya setty la2et elset di ma3aha elsharayet bta3et elta7aleel kolaha.. elli elmafrood byet7at 3aleeha el3ayenah. ana 2oltelha 3ala goseti law da7'alt el7amam dah.. ra7et b montaha elbasatah 7atahom ta7t el7anafyah. w da7'alet beehom elma3mal.. ba3d kedda 7'adetni f 3ashar da2aye2 kont lafeet 3ala kol eldakatrak.. batnah, w 3yoon, w koloh.
tab3an masta7'sartesh feeha ay 7aga. edetlaha aktar mn elli kanet te7lam beeh.. maho ana shoft b3eeni maseery kan hyeb2a 3amel ezay. laken begad 2ereft. begad e7taqart kol elli byshta3'alo f elmakan dah.
elmoshkella f elmasryeen ya marwa mesh fi masr. elfa2r 3omoroh m ye2tel eldameer. di elkelma eltayeba sada2ah, w mesh htkalef 7ad 7aga. eldakatrah dol mahom 2a3deen 2a3deen tool elnahar, sawa2an eshta3'alo aw mashta3'aloosh. w eldakatrah elli bya7'do 3ala 2albohom ad kedda bardo ma3edhomshy re7t eldameer. byet3amlo ma3a elmareed ka2enoh zboon f ma7al b2alah. tela2y doktoor kbeer awi, w 3ando kaza 3eyada, w elkashf 3ando b elshee2 elfolani, tela2i 3eyadtoh te3ayi elsaleem mn manzarha elmo2ref.
elmohem 7amdella 3ala salamtek. ya rab mye7salekeesh ay 7aga we7sha tani.
مارو
كل ده يحصل ومتقوليش؟؟
الف سلامة عليكي يا جميلة
بس اسم المدونة غيرتيه ليه؟؟
لا الاول كان احلي بكتير
اسمحيلي يعني اتدخل و اقولك رااي
الف سلامة عليكي
وكلام فانتازيا صح
اللي يعيا في مصر يسلم امره لله
:))
منورة
متنسيناش يا حاجة
sagittarus
أولا أنت منور أول تعليق عندى بجد
وثانيا مش عارفة أشكرك إزاى على الكلام الجامد دة فى حقى
أنا مستهلش كل دة
أنت ذوق فعلا فعلا
أتمنى تنورنى على طول وليا الشرف تكون
من أصدقائى
على فكرة فعلا بقت نماذج كتير من المستشفيات والدكاترة مينفعش حتى أعلق عليها
روح أستقبال القصر العينى العام اتفرج ولا الدمرداش
بجد حاجات مؤلمة
تحياتى العطرة ليك وتمنياتى ليك بسنة جديدة سعيدة
الطائر الحزين
حسيت بمأساة وفاة والدك الله يرحمة
لأنى مريت بنفس التجربة لكن ربنا كتب ليا أعيش
عندك حق الواحد يموت فى بيتة بكرامتة أحسن
Boba
مرسى ياجميل
وياريت اشوفك على طول
مع انى فعلا حصلتلى نفسى التجربه تقريبا مع ماما وشوفت تعامل الدكاتره وكأنهم آلهه استغفر الله العظيم..وبتشخيص غلط غير حياتنا كلهااا.. بس الحمدلله على كل حال.. وشوفت مستشفى الجامعه والطوارىء اللى عندنا وكنت عاوزه اعيط واصرخ واقولهم حراام العيانين دول بنى ادمين زيكم يادكاتره
بس بردو مش قادره اتخيل ان فى دكتور يعمل كده ويبقى قاسى كده
هو احنا مش بشر زى بعض؟؟
مع انى شوفت بس مش قادره اتخيل بردو
بس عارفه فى دكاترة كويسين بردو بيعملوا كل اللى عليهم وممكن يشتروا حاجات على حسابهم والله ..بس وصفك للى حصل يامروه خلى جسمى يقشعر والله.. انا مبحبش المناظر دى ومعرفش هبقى دكتوره ازاى مع ان احنا بتوع سنان بس و مش بنشوف مناظر صعبه اوى بس بردو منظر الدم واحد
حمدالله على سلامتك
وبطلى كل بوست تقطعى قلبى كده يابت
appy
نورتينى ياقمررررررررر بجددددددددد
عارفة انا ربنا دايما بيوقف ليا ولاد الحلال ودى حاجة بتخلينى اتكسف من نفسى وبحس انى مقصرة فى حقة جامد
بس بجد انا بحب ربنا أوى أوى وربنا دايما جميل اوى معايا
عارفة لو رحتى استقبال القصر العينى ولا الدمرداش هتعرفى إن نسبة كبيرة جدا من المستشفيات والدكاترة والممرضين معندهمش أدنى معنى لكلمة ضمير بجد
Fantasia
حبيبتىىىىىىىىى واحشانى والله
كل كلمة قولتيها فعلا واقعية مية مية ومسألة التأمين الصحى دى قصة تااااااانية خااااااااااالص
دة التأمين الصحى اللى عندنا لما اتجننت مرة زمان ورحت لة وسيبك من الانتظار والوقفة وكدة المصيبة انى لاقيتهم بيدوا كل العيانيين دوا واحد
يعنى الرجل زى الراس زى السنان زى العينيين عندهم
اة والله العظيم كلة دوا واحد بجد
عبارة عن برشام كدة ومحدش عارف برشام اية بالظبط ولا بيعمل اية
يالا كلة عند العرب صااااااااابون
عندك حق اللى يعيى فى البلد دى ولا يجرى لة حاجة يسلم امرة لله وحدة
MerMaid
ازيك وحشااااااااانى موووووت
الله يسلمك وربنا يخليكى
انا مغيرتش اسم المدونة ولا حاجة
هيا سلطة وهتفضل طول عمرها سلطة
انا بس وضحت اسمها
يعنى انا مكنتش اقصد انها سلطة يعنى كوكتيل حاجات
انا كنت اقصد ان الدنيا بقت سلطة
وبحاول برضة اعمل نيو لوك يعنى
فهمتينى يا قمر
انا عمرى ما نسيتك
دا انا يابت حطاكى فى المفضلات منورة عندى
نوسه
نوووووووووووووووووووووسة
وحشااااااااااااااااااانى مووووووووووووووووت
ماعااااش اللى يقطع قلبك يا حبيبتى
انا متأكدة انك هتطلعى دكتورة طيبة وحنينة وعسل مش زى الدكاترة الوحشين دول .. مش كدة يابت
على فكرة انا حطيت اللينك بتاعك فى المفضلات عندى
اية خدمة ياستى عشان تعرفى بس
لينك بحط
خناق بتخانق لك
عشان تعرف بس غلاوتك عنددددىىىىى
لا حول ولا قوة الا بالله
دي مآساة اسمها العلاج في مصر يامروة
اللى معاه يتعالج واللى مش معاه يموت ولا يروح في ستين داهية ولا عزاء للشغب المصري
بجد بجد كنت حاسة انى بنزف معاكِ
بس كنتي اشتكتي الدكتور ده في نقابة الاطباء متأكده انه الناس هناك كانت هاتسمعك
شرف مهنة ايه بقى وبتاع ايه لو المريض اتساب يموت لحد ما يجيب حق عملية او علاج
حسبنا الله ونعم الوكيل
حقيقة حتى اللي معاه فلوس وبيتعالج برضه بالفلوس بيعاني نفس المعاناة القضية قضية إتقان قضية إحساس بالمسئولية
يا مروه حرام عليكي انا عندي فوبيا دم و اتبهدلت في البوست ده
انتي كنتي عند دكتور ولا ميكانيكي
و ايه عندك ايد تانيه هو مالو يعني اي حاجه موجود منها اتنين يبوظ واحده فيهم
بوست جميل جدا و مؤثر جدا
ماتغبيش عننا يا قمر
كل سنه و انتي طيبه
يا حبيبتى يا مره
الف سلامه عليكى يارب تكونى احسن دلوقتى
والله ان هقولك زى ما البشمهندس عصفور قال
الحكايه مش فلوس وبس
دى مساله ضمائر
للاسف منعدمه فى وظائف كتير مش فى الطب بس
ولاسف الطب لما بينعدم فيه الضمير بيكون اكثر الما
ربنا يعافينا واياكى يارب
ادعيلى يا مروه بالله عليكى ان ربنا يثبتنى واصلح قد ما يقدرنى فى الشغلانه دى لان بجد شىء مؤلم سواء كان المريض قريب او غريب
كل سنه وانتى طيبه
لاحول ولاقوة الابالله
حكايه صعبه جدا فعلا
صدقيني ارخص حاجه في البلد دي البني آدم والناس دي ربنا ينتقم منهم فعلا
وربنا ينجيكي دايما يااستاذه مروه علشان انتي المواقف بتاعتيك صعبه جدا
ربنا يرزقيك العفو والعافيه في الدنيا والاخره
السلام عليكم ورحمه الله وبركاته......اولا انا زعلانه من نفسى عشان كنت عاوزه اكون اول تعليق..المهم شفاكى الله وعفاكى
وبالنسبه لتكريم الاطباء لك واهتمامهم المفرطبك فهذا شىء مش جديد على البلد التى اصبح العدل كلمه مبهمه واصبح من ياخذوا حق الناس هم الذين يظلمون فاى قانون هيجيب لك حقك..احيانا الاطباء يكونوا متجمدين المشاعر والله اختى كانت عمله حادثه هى ووالدتى وزهقت على اثرها روح والدتى
ورفضت جميع المستشفيات استقبال اختى
التى كانت اصابتها بسيطه جدا 15 غرزه فى رأسها +تهشم ساقها+نزيف
اى من الاخر معرفنهاش لما شوفناها
+ان جلها صدمه من الحادثه فلم تعرفنا لمده6شهوربس ووقتها المستشفى الوحيده الللى قبلتها هى القصر العينى اى الخرابة العينى والله الدكتور كان بيضربهاعلى رجلها لما كانت تتالم والله ولما قلتله لية كدا ؟قالى مش همد ايدى فيها غير لما تخرجى بره!!!!هو دا اللى بيحصل من اصحاب الضمائر
معذرتا على الاطاله
انتى اللى اتكلمتى وفتحتينى....الف سلامه يا قمر
من
عاشقه الكلام
السلام عليكم ورحمه الله وبركاته......اولا انا زعلانه من نفسى عشان كنت عاوزه اكون اول تعليق..المهم شفاكى الله وعفاكى
وبالنسبه لتكريم الاطباء لك واهتمامهم المفرطبك فهذا شىء مش جديد على البلد التى اصبح العدل كلمه مبهمه واصبح من ياخذوا حق الناس هم الذين يظلمون فاى قانون هيجيب لك حقك..احيانا الاطباء يكونوا متجمدين المشاعر والله اختى كانت عمله حادثه هى ووالدتى وزهقت على اثرها روح والدتى
ورفضت جميع المستشفيات استقبال اختى
التى كانت اصابتها بسيطه جدا 15 غرزه فى رأسها +تهشم ساقها+نزيف
اى من الاخر معرفنهاش لما شوفناها
+ان جلها صدمه من الحادثه فلم تعرفنا لمده6شهوربس ووقتها المستشفى الوحيده الللى قبلتها هى القصر العينى اى الخرابة العينى والله الدكتور كان بيضربهاعلى رجلها لما كانت تتالم والله ولما قلتله لية كدا ؟قالى مش همد ايدى فيها غير لما تخرجى بره!!!!هو دا اللى بيحصل من اصحاب الضمائر
معذرتا على الاطاله
انتى اللى اتكلمتى وفتحتينى....الف سلامه يا قمر
من
عاشقه الكلام
إبتسم أنت الآن ف مصر
يخرب عقلك يامروة
انتي بقا كل مرة ها توجعي قلبنا كده
الواحد مش ناقص يشوف ويسمع الحاجات اللي توجع القلب كده
وتحزن الواحد على الغلابة في بلدنا
تحزن الواحد على ولادها واللي بيعملوه فيها ساعات بحس انهم مش ولادها وساعات بقول لا ولادها بس أولاد عاق لما بيعملوا عمايلهم دي في أخوانهم دون أي ذنب من الغلابة تجاههم سوى فقط أنهم غلابة والعين بصيرة والأيد قصيرة
لا حول ولا قوة الا بالله
ولكن عاوز اقولك وعلى سبيل تجربتك بياخدوا اللي هما عايزينه اللي مايعرفوش ربنا دول وبرضة لا يؤدون واجبهم على أكمل وجه ويستنزفونك ماديا لأخر مليم ويشقطوكي لبعض
ولكن الله دائما بالمرصا لمن لايرحم خلقه يأتي عليه يوم يتجرع من نفس الكأس وأشد بكثير
والنبي كفاية وجع قلب بقا
ازيك يا مروة
وعلى راى جمعاوى ابتسم انت الان فى مصر
الموت مجانى والحياة غالية
ايه اللى انتى كاتباه ده يابنتى؟؟؟
بقى ده كله يحصلك؟؟
ولسه مؤدبة قوى فى الكلام...
وانا مفروس..
اكمل فى القراية ..
واقول هتشتم دلوقتى ..
خلاص هتسب لكل الدكاترة..
هتعلن كرهها للبلد..
بس بالامانة .. احبطتينى
ايه ده ؟؟
ولا شتيمة ولا حاجة كدة؟؟
هقولك ايه ولا ايه؟؟
مصر ما بقاش نافع فيها حاجة..
فساد ..وغباء.. وقسوة
مثلث جديد بيسيطر علينا
لكن حقيقى ..
بالاصالة عن نفسى وبالنيابة عن كل الاطباء المحترمين..
بعتذرلك عن اللى حصل معاكى..
وحقيقى انا حسيت انه حصل معايا بالظبط..
واتمنى ان ربنا يبارك ليكى فى عمرك وفى عقلك المنور ده ..
شفتى انا رديتلك الزيارة فى ثوانى ..
قبل حتى ما ترجعى مدونتك..
تحياتى على مدونتك الرائعة ..
واسلوب كتابتك المذهل..
وبوستاتك الطويلة الجميلة..
ولآخر مرة .. ألف سلامة عليكى
مروة أنا لسة قارى موضوع القصر الفرنساوى , وأحب اقولك ان الاتى-1-اولا الف مليون سلامة عليكى وربنا يحفظك أنتى يا بنت بلدى -2- تعليقى على الدكاترةالى شفتيهم أنهم مش دكاترة ولا حتى جزارين ولا حتى يفهموا فى الطب لأن الطب أخلاق وأنسانية ويظهر معدتش على بيت واحد فيهم من قريب او من بعيد-3- اما عن رأى فبقول نبعتهم بعثة لأى دولة محترمة علشان يتعلموا وبأذن اللة تعالى نبقى نجيب لهم عيش وحلاوة فى سجون الدولة دى لان دة المكان الى ينسبهم وعلى مقاسهم تمام-4- هبقى اتابع البلوج بتاعك لان من الواضح انك دمك خفيفوشايف الدنيا بسخرية زى أنا وأهديك أغنية سعد زغلول المفضلة ( مفيش فايدة مفيش فايدة) سلام ياقمر
يبقى انا بقى اشغل العجله اسعاف
ازيك يا مروه
عامله ايه ؟؟
وحشانى جدا
مشوار مكوكى
موجود للاسف فى كل محافظات مصر
وعندنا فى السويس بهدله
وبهدله دى كلمه بسيطه
لكن
الحمدلله ان ربنا نجاكى
وكل سنه وانتى طيبه
mana aslan mesh na2sa narfaza
la 7awl wala kowat ella bellah begad
7asbeya allah wa ne3ma el wakeel fehom walahi
kollo fe mezan 7asanatek
ana hanzel aroo7 el mostashfa deh w hakasarha 3ala dema3'ethom
ايه ده يا مروة
الله يسامحك على كل بوست
على العموم حال يبكي أكتر على المستشفيات في مصر
وأكتر على الدكاترة
وأكتر على حالنا اللي عمال يجيب لورا
كان الله لنا
ألف سلامة
زعلنا كتير
وانت عاملة إيه دلوقت
اسأل الله ان تكوني بخير حال
ده حال كل شئ في مصر
مستشفيات تعليم وزارات مصالح ....
وغيرها
ربنا يستر علينا
محطات من حياتي
الجزء الثاني
ياااااه يا مروه دا انت كلك معناه ومأساه كل ده يحصلك على العموم الف حمدلله على السلامه
بس اداه ده قد كده المواطن المصرى ليه اهميه كبيره كده طبعا ما احنا 80 مليون نسمه فهما عايزين يخففوا العدد شويه فاللى يموت يموت
علشان يقدرو ينهبوا البلد براحتهم
كل عام وانت الى الله اقرب
تحياتى لك ولاء
ميرو
طبعا انا عرفت الحكاية دى لما قابلتك
وبالتالى اى تعليق هيكون مكرر
ولحد هذه اللحظة انا مش قادرة افهم ايه سبب الاستهتار بارواح البشر عندنا هنا فى مصر
يعنى لو كل واحد من الدكاترة الكبار اللى شافوكى يوميها حطوا فى دماغهم ان ممكن اللى ايديها بتشر دم دى تكون امهم ولا بنتهم ولا اى حد هما يعرفوه كانوا هيتصرفوا نفس التصرف
مش قادرة احدد مين الغلطان هل هى حكومة فاسدة ولا اخلاق معدومة عند بعض البشر ولا ايه بالظبط
بس ارجع اقولك قولى الحمد الله
انتى احسن من غيرك
وكل الالام اللى انتى حسيتى بيها يومها دى اعتقد انها هتكون فى ميزان حسناتك
ربنا يحفظك يارب يا ميرو
ويبعد عنك ولاد الحرام وولاد الكلب وولاد الست اللى مش نضيفة
اختك خيخة
ايه يا بنتي انا كل ما اجيلك الاقيكي في افلام الرعب دي اعصابي باظت
بس بامانه انتي عانيتي كتير يا مروه
واللي يعيش في مصر ياما يشوف اهانات
وعدم احترام الادميه دا يمكن ميكونوش عارفين فعلا معني الادميه
وبعدين خدي بالك من نفسك
وان شاء الله عمرك مع يجرالك حاجه تاني ولا تشوفي وش مستشفيات مصر تاني
السلام عليكم ورحمة الله وبركاته
الف حمد لله علي السلامه والحمد لله انها جت علي اد كده
عارفه بحكم شغلي واحتكاكي مع الدكاتره من جهه والعيانين من جهة تانيه
اقدر اقولك فعلا احمدي ربنا انهم ماخربولكيش دراعك اكتر من كده
مجال الطب عندنا فيه بلاوي وكوارث وبحكم عملي باشوف منها كتير اوي اوي
ونادر اليومين دول انك تلاقي طبيب بيراعي ضميره في اي مستشفي حكومي حتي لو كان بفلوس زي القصر العيني الفرنساوي
ولسان حالهم بيقول علي اد فلوسكم ( خدي بالك ال 4 الاف جنيه تعتبر ملاليم بالنسبه لو هاتعمليها في مستشفي خاص استثماري )
الحمد لله ربنا ستر
كل سنة وانت طيب
همسة قلم
هشتكى مين ولا مين
دا انا على كدة هشتكى اكتر من 98 % من داكترة مصر
على رأيك حتى اللى معاة فلوس مش بيسلم
بس اللى ممعهوش بيموووووووووت لا محالة
عصفور المدينة
كل حاجة ماشية فى البلد اليومين دول بالفلوس
لو معاك ممكن تعيش وميمنعش من البهدلة لكن هتعيش
لو مش معاك هتموت ويمكن يموتوك ويسرقوا كليتك ولا قرنيتك كمان
EmY
والله العظيم بسبب كلامة خلى نفسيتى زفت
كان يقعد يقولى ما اانتى عندك واحدة تانية هتعملى اية بيها يعنى
بكل استهتار ولا مبالاة
حسبى الله ونعم الوكيل
معلش على بهدلة الدم دى
مكنتش اعرف موضوع الفوبيا
lol
لماضة
يارب ياختى اشوفك احسن دكتورة وتغيرى الفكرة المنيلة دى عن الدكاترة
بس اوعى تتغيرى يابت ادام
متغيبيش عليا كدة
وحشتيينىىىى
الفاتح الجعفري
عندك حق البنى ادميين بقوا ارخص حاجة فى البلد
ما فية غيرهم كتير
عاوزيين يقللوا العدد
بلاش استاذة دى احنا اخوات فى الله
خلى البساط احمدى
lol
عاشقه الكلام
عندك حق فعلا .. الخرابة العينى كلمة معبرة جدااااااااااا
مش مستغربة من قصتك دة انا شوفت بعينى محدش قالى
مفيش قدمنا غير اننا نسلم امرنا لله
...................
كلمة على جمب فى ودنك
لية مش بتعملى ليكى مدونة نخش نقرفك فيها
واضح جدا انك انسانة عندك قدرة لمدونة هايلة
بجد مش تهريج
ولو عندك فعلا ادينى اللينك اخش اقرفك فيها
تحييياتى ليكى يا قمر
عاشقة الكلام
نسيت اقولك انتى اول تعليق اخر تعليق
منورانى بجد
جمعاوى روش طحن
عندك حق
كنت ناسية اننا فى مصر ولازم يكون كدة
حسن ارابيسك
ما عاش اللى يوجع قلبك يا أبوعلى
كان لازم أحكى بدا ما أطق
يرضيك أطق وأمووووووت
محمود الدوح
هما شكلهم كدة فعلا عاوزيين يقللوا من العدد حبة
حلوة فعلا الموت مجانى
مجانى اية دا انت برضة عشان تروح تموت بيدفعوك فلوس
بعد الشر عليك طبعا
مفيش حاجة مجانية فى البلد دى حتى الموت
مطرح ما ترسى....دقلها
مشكلتى انى مش بعرف اشتم
بحط فى قلبى وبصر
كنت بدفن احزانى فى الاكل
وبما انى عملت رجيم قاسى
قولت ارجع احزانى فى المدونة دى
شكرا على الزيارة الجامدة دى
وياريت تكررها
mohamed
معتقدش ان برة هيرضوا يدخلوهم السجن اصلا
هى السجون هناك بتلم
بجد سعيدة بزيارتك جدا
يارب اشوفك على طول
فرنسا هانم
فرنسا العسسسسسسسل
مش عارفة بجد اخبار مستشفيات السويس اية
هروح اعمل حادثة هناك وهبقى اقولك
نورتينى ياقمررررر
emos
لا والنبى هدى اعصابك
احنا عاوزيينك
يارب متتكتبش ليكى تروحى هناك ابدا
هناك طريق اللى يروح ميرجعش
بعد الشر عليكى
صاحب المضيفة
والله بحاول انقل صور حقيقية من اللى بيحصل
انا مريت بتجارب كتير بجد
وعاوزة انقل خبرات كتير بجد
بجد
يارب قدرنى واقدر اوصل حاجة
صريح أوي
انا الحمد لله بقيت احسن ما عادا العصب طبعا زى ما شرحت فى البوست
بجد الحمد لله
انا هكون عندك حالا واشوف محطاطك يابطل
walaa
عندك حق انا بقول كدة من الصبح
ربنا عالظالم والمفترى يارب
ويارب يحفظنا وميوريش حد تجربة زى دى
بت خيخة وأى كلام
منوررررانىىىى يا حبيبتى
انا قاعدة مستنية نتيجة امتحانك ليا على نار
يارب اطلع بمادة حتى ومسقطش
مرسى موت على الشتيمة اللى فى الاخر والدعوة الحلوة
من الصبح كان نفسى اشتم ومعرفتش
ربنا يخليكى ليا على طول ياعسل
coca
معلش بقى استحملينى ياجميل
انا اترعبت كتير ولازم اطلعوا عليكوا
نييياااااهههااااا
يارب يسمع منك وميبقاش عندى احزان تانى يارب
خمسة فضفضة
انا مصرفتش 4 الاف جنية بس
دول كانوا تحت الحساب بس تأمين يعنى
انا صرفت عليها كل اللى ورايا واللى ادامى وبعنا الحديدة كمان والله
مش هقدر اقولك بقيت عالحديدة يعنى
وياريتها رجعت زى الاول
يالا الحمد لله
كويس على رايك انها جت لحد كدة
الحمد لله
الف سلامه ليكي
تجربه صعبه ربنا يعافى اى حد منها
احساس الحوجه لحد ده من اسوأ المشاعر اللى ممكن تمر على الواحد
مع انى مشروع دكتور على وجه التخرج
بس بجد فيه دكاتره محترمه ولسه محتفظين بآدميتهم وده ما ينفيش وجود اللى شفتيهم دول
بس الخطأ حتى لو باين دلوقتى انه من دكتور معندوش رحمه او ذوق فهو خطأ نظام وسيستم وبلد تهتم بروح البنى آدم لان صحة الناس منظومه مش اجتهاد شخصى
مع الف السلامات ليكي
وماتنسيش ان ربنا ارحم بيكي من اى حد
والدكتور الحيوان اللى قالك عندك ايد تانيه ربنا مش هينساه
اما فى حكاية الفلوس دى
فعندك حق
على رايك
هى بقت سلطه
عارفه يا مروه
كلامك ده فكرني بالمستشفيات اللي رحنالها لما والدتي الله يرحمها كانت عيانه
بس هنقول ايه
قضاء ربنا وقدره
واحمدي ربنا انه وقعكم في ابن حلال ساعدك ساعتها
وصدقيني .. ده ابتلاء من ربنا عشان يشوفك هتعملي ايه
والحمدلله على كل شيء
وبعدين انا نفسي افهم حاجه
انتي يابنتي الدنيا متكحرته معاكي كده ليه؟؟؟
ادخل اول مره الاقي محاولة اغتصاب
تاني مره الاقيكي بتشكري شخص لانه وقف جنبك والناس كلها اتخلت عنك
دلوقتي حادثه وحوار
خبر ايه يا مروه
انا بهزر اوعي تكوني قفشتي
حاكم انتي لو قفشتي ممكن تدعي علي ولا حاجه وانتي شكلك ربنا بيحبك عشان كده كل شويه بيحطك في اختبار
كل سنه وانتي طيبه
وربنا يجعل السنه دي والسنين الجايه كلها سعد عليكي يارب
سلامووووز
مروه
الحمد لله انك قومتى بالسلامه
بجد ناس معندهاش دم فعلا ولا احساس ولا ضمير ولا رحمه
عجبنى قوى جمله انتى كاتبها فى بدايه البوست
وفى رأييى حياة مليئة بالتجارب والأخطاء أفضل من حياة خاوية
انا كمان ده من مبادئى فى الحياه
تحياتى
الأخت الفاضلة : مروة
السلام عليكم ورحمة الله وبركاته
للأسف هذا واقع مرير عشناه ومررنا به
وإنه لشئ قاس أن يلجأ الإنسان وهو فى قمة حالات ضعفه وعجزه إلى من يظنهم ( ملائكة الرحمة) ويجد هناك كل هذه المعاناة
أحيي أسلوبك الرائع
ونسأل الله الهدايا
أخوك
محمد
اولا
اعتذر عن الفرانكو اللي في التعليق اللي فات
ولسا شايفه حالا وانا بحط بوست جديد عندي
ترجمته للعلم كالتالي وان اصبحت متاخرة
يبدو ان الكلام من نسج الجمال فقد اخترق القلب مباشرة واصابه بحالة غير طبيعية لا اعرف ماهيتها
و بماانه اخترق القلب فهو صادر عن قلب صافي و ملئ بالمشاعر الطيبة والانسانية وكذلك يبدو بعد تصفح سريع للمدونة انك مش بس كاتبة رائعة بل وشاعرة واديبة علي اعلي مستوي من درجات الحس الجمالي
نعود لموضوع اليوم فهو يدل علي حالة ماساوية تصيب مجتمعنا وهي
موت يا حمار
والله معاك فلوس كل حاجة تمام
معاكش وهتموت ولا اعرفك
وربنا يستر علي عباده
وباين انك مليئة بالتجارب التي لا تحصي عددا
ولعلنا نستفيد اكثر واكثر
تحياتي
لا تعليق
مفيش تعليق ممكن اعلقه بعد اللى قلتيه
منتهى كل حاجة
قول بقى تسيب
قول بقى مفيش عنده ضمير
قول حسبنا الله ونعم الوكيل
معلش يا مروة الحمد لله انها جت على قد كده
المؤمن مصاب
ربنا بيحبك وعايز يخلصك من بعض ذنوبك
واخيرا الحمد لله الذى لا يحمد على مكروه سواه
صديقتى الجميلة مروة
الحقيقة مش عارف أقولك ايه
أهنيكى على سلامتك ولا اخبطك بماوس فى وشك على العكننة اللى بتعكننيهالنا على السنة الجديدة دى
ياستى انتى ما سمعتيش عن الراجل اللى راح مستشفى خاص وما كنش معاه فلوس وكان الراجل عيان بيموت قام بتوع الأمن شالو بالنقالة ورموه فى قلب الشارع
قام الراجل مات
فاكرة الموضوع ده كان بقالو بتاع ست شهور
يعنى عارفين الوضع المأساوى للطب والصحة فى مصر
والله يا مروة انا بعد كام بوست كتبتيهم كدة مش عارف عايز اقولك عايز اشتغل لك بودى جارد عشان احميكى من المخاطر دى
قوليلى أجرى احمى نفسك يا خويا
ههههههههه
بس معرفناش سبب الحادث ده ايه
بس من وصفك للحادث اقدر استنتج
ممكن يكون كنتى واقفة مش واخدة بالك على شريط قطر
وبعدين فى قطرين رايح جاى على نفس القضيب جم
وانتى كنتى فى النص
وكانو ماشيين بسرعة 4000000كيلو متر
فى الثانية
وراحو ادخلين فى بعض وانتى فى النص
امممم
بس متهيألى لأ
لو كان كدة كنتى خرجتى فيكى صحة عن كدة
هههههههههههه
تسلمى لنا يارب
وما نتحرمنش منك ابدا
وخلى بالك من نفسك
تحياتى
بوست مرعب فعلا يامروه
من المفترض ان الدكاتره ينقذوكي الأول قبل مايفكروا في الفلوس لكن نعمل ايه بقه في حال البلد و الناس اللي بتشتغل فيه ممكن المصاب يموت و ماحدش يسأل فيه طالما مامعهوش فلوس و الللي مامعهوش مايلزموش
:(
ألف حمدلله علي سلامتك و جت سليمه و ربنا يبعد عنك اي حاجه وحشه و ماتلجأيش للدكاتره تاني
كل سنه و انتي طيبه ياجميله و انشاء الله السنه دي تبقي سنه جايبه معاها كل حاجه حلوه ليكي و ربنا يمتعك بالصحه و السعاده
ماهو بصى بقى
أنا طلبت منك سلسلة بوستات عن تجاربك الحياتية....ده حصل
لكن ماطلبتش يبقى كلها نكد كده....حرام عليكى
مرة شم وهيروين ليلة العيد...ومرة محاولة سيكو سيكو والعياذ بالله....ودلوقتى شروع فى قتل
الرحمة.................
يعنى مرةحصل حاجة حلوة ومرة حاجة وحشة..
هو كله ضرب ضرب مافيش شتيمة؟
...................................
بطلتى تبعتى ايميلات ليه يا مروة؟
.................................
مبروك النيولوك
...................................
يا خبر أبيض....لنك عشتى المتواضعة محطوط فى مفضلات مروة الزارع شخصيا....يافرحتك يا أم محمد....أول مرة تحصل معايا...يارب المزيد من المجانين الذين يفعلون ذلك
...............................
تحياتى
الاول
حمدا لله علي السلامه
ثانيا
المشكله في مصر بمنتهى البساطه مشكلة غياب الضمير
لو كل واحد عمل الشغل اللي عليه بضمير اكيد هانكون افضل من كده بكتير
حقيقي مدونتك رائعه و الاسم كمان رائع
هي فعلا بقت سلطه
السلام عليكم
انا كنت هنا من فترة هيه مش كبيره قوي ودخلت دلوقتي بيتهيألي فاتني حاجات كتيرة قوي هنقراها ان شاء الله انا جبت لك الكشري اللي طلبتيه اصلي فعلا في البداية مكنتش مركز اصلي بعيد عنك عندي امتحان بكره المهم خدي الكشري كليه على مااتكلم
اولا انتي جيتي على نفسك اوي واستحملتي الانسان الدكتور ده انسان ايه هوه محصلش اي حاجة ولا يستاهل اي حاجة غير بس ان جزمة واحد زبال تطرقع فوق قفاه وصدقيني هتسمعي الطرقعه قريب ربنا مبينساش حد
بصي انا ليا ملحوظه على الدكاترة ان كلهم هاديين بزياده قوي هدوء يستفز اللي قدامه ولو انا كنت قدامه وهوه بيقول مااهو انتي عندك ايد تانية بيتهيألي انا كنت كسرت دماغي وملحقهوش حتى الدكاترة اللي جنبه
كنت عند دكتور عيون من يومين بالظبط وعيني كانت واجعاني الدكتور بيقول لي انته لازم نضاره قلتله يادكتور انا كنت عند حضرتك السنة اللي فاتت كان نظري كويس قوي وبقوها بطلقائية جدا بصلي بصة احتقار وقال لي بس السنة دي 2008
السنة اللي فاتت 2007 ال يعني انا جاي من ورا الجموسه مثلا ومعرفش
انا حاسس ان انا رغيت بس على ماكنتي تخلصي الكشري اصلي جايبه من محل البغل اللي ورا القصر العيني الفرنساوي
كل سنة وانتي طيبة
ومتزعليش ابدا
حمد لله على سلامتك يا حبة عينى
الحمد لله من قلبى من جوة
يابنتى انتى كدة مشفتيش حاجة
امال لو رحتى مستشفيات القرى والمحافظات هتعملى اية
احنااا فى مصر
ودة الطبيعى
عالعموم حمد لله على سلامتك تانى
ويالا بقى الحقى كلى الكشرى اللى انا جايبهولك قبل ما اكلة انا
أول ما بدأت أقرأ إللي كتبتيه معرفتش أقف لحد ما وصلي الأخر, قشعرت و حسيت إنك قد إيه جامدة, غيرك كان ممكن من موقف الدكاترة يغمى عليا, سيبك بقى من الدم الكلام ده. بجد ألف سلامة و ربنا ما يوقعك في الموقف ده تاني
metkazy
مرسى لزيارتك الجامدة دى
لايمنى والنبى على دكتور من الطيبين دول
محدش بيشوفهم لية مش عارفة
قولى بس هما فين عشان اروح اتفرج عليهم واخد صورة للذكرى
والله هيا سلطة ومحدش مصدق
Soooo
انا مقدرش ادعى عليك ابدا ياجميل خااااااااالص
انا مش بقفش على فكرة خالص
:D
أخنقنى انت براحتك ولا يهمك
اوعى تقفش انت بس
انت بتورنى والله بجد
ra7eel
الحمد لله لاقيت حد مبدأة زىى
أحمدك ياربببببببببب
ايوة كدة ارفعى من روحى المعنوية
ربنا يخليكى ياعسل
محمد الجرايحى
انا لا اسلوبى رائع ولا حاجة
مرسى لمجاملتك الرقيقة دى يا جميل
انا بكتب والله اللى جوايا بتلقائية بس
فعلا اصعب حاجة انك تلاقى مبقاش فية رحمة
بعد اما كتبت تعليق طويل عريض جت النت و عملتها و فصلت و انا ببعته
اصل الحكاية نقصاها
المهم كنت بقولك يعني
ان لو حيوان اتصرف بالشكل اللي بيقول على نفسه دكتور ده اتصرفه هانقول معذور ده اصله حيوان ماعندوش مخ يفكر به كويس
لكن البني ادم دي نديه عذر ازاي بس يعني
ربنا يدي له على اد اعماله دي و بهدلتك و بهدلة غيرك على ايدين ناس مابترحمش زي الجزارين دول
لأ و بكل بجاحة جايبينك يجربوا عليكي طب على الاقل كانوا ساعدوكي عشان التجربة العلمية اللي قدمتيها دي للطلبة
ربنا يسترها معاكي يارب
mohaawad8
الله كويس انك ترجمتلى
كلمات جامدة بجد
معلش اختك تعانى من جهل فطرى باللغات الحديثة
lol
ما تعلمنى والنبى اللغة العجيبة دى تكسب فيا ثوااااااااب
انت بتنورنى على فكرة حتى لو كتبت يابانى
Ali-7ob
فعلا والله بحمد ربنا ان ايدى مكانها ومش بتروها
الحمد لله 10000000 مرة
ما انت عارف دكاترة مصر
Ahmed Al-Sabbagh
أىىىىىىىى الماوس عملى بوقليلة فى راسى يا خالوووو عجبك كدة
أعمل أية دلوقتى أنا عاوزة أتجوز كدة هبور
مش مهم دى مسؤليتك بقى تجوزنى بعاهتى دى
............
الحادثة اللى انت بتوصفها دى بسيطة وعادية وبتحصل لأى حد عادى
انا يابنى حاجة سبيشيال
مش هقولك برضة خليك كدة على نار
متقلقش هتعرف قريب جدااا عشان تبطل عياط
سلطة مروة الزارع
مش هتقدر تغمض عنيينك
نياااهههااااااااا
هارت بييت و اجندا حمرا
فعلا بقى اللى معهوش ميلزموش
والله ما احنا عارفين السنيين الجاية الدنيا هتبقى ازاى
ارحمنا يارب
m5m
أنت لسة شفت حاجة
التقل كلة ورا
أيامك الجاية مش معدية على فكرة وكلها حاجات فظيعة بلاش أحرقها
عشان تعرف بس أنى متواضعة وحطيت اللينك بتاعك
نيااااااااااااهههاااااااا
mraghy
الله يخليك على الكلمتين الحلوين دول فى حقى
هيا فعلا بقت سلطة من زماااااااااااااان
وربنا يستر على اللى جاى
WhItE HeArT
أية دةةةةةةةةةة جايب لى الكشرى حضرتك من غير شطة زياااادة ينفع الكلام دة
هسامحك المرة دة لكن المرة الجاية انت عارف
عالعموم انا كلتة برضة نياااااااهههههاااااا
.....................
بالنسبة لبرود الدكاترة دة بقى الطبيعى اساسا جداااا
المشكلة انى ساعتها مكنش فيا حيل اضرب حد
اة لو كان قدامى دلوقتى
ااااخ
يالا نفد منى
د/ غادة
ياااااااااة انتى كمان كشرى
دى ظاتت
............
ياريت تحكى لنا اكتر عن مستشفيات القرى والمحافظات
مستنية
Adam
مرسى للدعوة الحلوة دى ويارب تفضل تزورنى على طول
نورتنى
يا ربنا !!!!
ايه اللى بيحصل ده ؟؟
هو الصراحة انا حافظ القصر العينى العادى و القصر العينى الفرنساوى
و كنت عايش القصة بصورة ثلاثية الأبعاد
و الله مش عارف أكره ايه بالظبط و لا مين؟
أنا بس بكره اللى تسببوا فى كدة
اللى مش موفرين الحياة الكريمة لأبناء بلدهم
و اللى مش فى بالهم اللى الفلوس و بس
بصراحة انتى كرهتينى فى الطب و الأطباء
خصوصا ان انا طالب قى كلية الطب
صراحة انتى اتحطيتى فى موقف
لعله كفر كل ذنوبك
و كتبك كمان من أهل الفردوس الأعلى من الجنة
يا رب يا رب تكونى كدة
لأن فيه ذنوب لا يكفرها إلا الابتلاء
فأكيد ده حب من ربنا ليكى
لكن بالتأكيد جيلنا ده و أنا شخصيا
لن نسمح بأن تستمر الاوضاع بهذا السوء
و أنا مصمم أن يدخل الجانب الإنسانى مع المادى و الطبى
أتمنى من ربنا يعيننى على كدة
أنا لأول مرة أدخل مدونتك
بصراحة نفسيتى تعبت
ربنا يكرمك
هههههههههههه
بس أمال هتحكى لمين
احنا كلنا اخواتك
و أتمنى لو أقدر أساعدك طبيا
لكن لما أخلص هبقى فى ايدى حاجات كتير ممكن أخدم بيها غيرى
ربنا يعيننى يا رب
على العموم
شفاكى الله و عافاكى
و يا بختك على الثواب العظيم اللى خدتيه
جزاكم الله خيرا
د.حمــــاس
شكرا علي اطرائك
ولو عايزة تتعلمي الفرانكو من عينيا
وهو مش محتاج حاجة وممكن تتعلميه علي الشات
وانا في الخدمة في اي وقت
mohaawad8@hotmail.com
طبعاً ، دا هيكون الشيء الطبيعي في الدكاترة لما نعرف إن أهم درس في امتياز إنك ما تتعلقش عاطفياً أبداً بمريضك
بعد كدة، يمكنك تخيل ما شئت
بصى يا مروة انا مش هتكسف انى اقولك انى مش عارف اكتب ولا كلمة من كتر العياط وبالرغم من انى معرفكيش بس يارب تكونى أحسن دلوقتى
عزيزتى
كل سنه وانتى طيبة وبخير
ايه ده انا كنت على اعصابى بجد عاوز اصرخ واقول حرام عليكم وعلى اخلاقكم ممكن انسان يضيع بسبب لحظه زى دى ليه الاستهتار ده يعنى لو مفيش فلوس كانت ايديكى راحت يرضى ميين ده
حسبى الله ونعم الوكيل
وسبيبى حقك وحق غيرك عند ربنا
فى يوم حساب
الحمد الله على كل شئ
سلام
انتى كل مرة تقطعى قلبنا اكتر من المرة اللى فاتت
حرام والله اللى بتعملية فينا دة
عااااااااااا عاااااااااااااااا
عاااااااااااااااا
احنا بنخاف عليكى وبنتخيل كل اللى بيحصل دة
الحمد لله انها جات سليمة
طب خلى حد يقربك تانى كدة واحنا ناكلة بسنانا هم هم هم هم
عزيزتي مروة الزارع
انا عايز اعرف بقى اية حكاية تجاربك المؤلمة دية وعايز اعرف انت بعد دة كله لسة عايشة
انتى عارفة المشكلة فاية يا مروة الجشع اللي بقى عند الناس وعدم الرقابة
الغريب ان اللي بيعمل كدة المفروض دكتور يعني اول انسان لازم نلاقي عندة الرحمة والمستشفيات اللي فعلا في كتير منها عبارةعن مقابر شكلها جميل بس من لكن من جواها الله الاعلم بيها
واللي حصلك دة بيعكس بجد قد اية احنا بنغرق فعلا
مين يقول ان الواحد بتلخبط بين الدكتور والجزار بس اهو فعلا مش بادينا حاجة لأن ساعة المرض او الحاجة فعلا لوجود الطب بضرورة ملحة بنكون عرضة للنوعيات اللي زي انت قابلتيها
ما احترامي لطبقى المحترمة من الاطباء واصحاب المستشفيات التى مازال يوجد بقلوبهم رحمة وشرف للمهنة
المهم ربنا يستر عليكي لحسن واضح كدة انك بتعملى كل كارسة والتانية بتبقى مشكلة
تحياتي ومودتى
بسم الله ما شاء الله كل دى ردود ده مش حسد لا ده قر
المهم الف سلامه ليكى الاول والحمد لله انك كويسه وبخير دلوقتى اما بقه مسألة المستشفيات واللى فيها فده هو حال كل حاجه فى مصر عنوانا بقه الاهمال وعدم الاهتمام فى كل قطاع واداره حكوميه لان للاسف مفيش رقابه نسيو حديث رسول الله (كلكم راع وكلكم مسؤل عن رعيته)صدق الرسول الكريم
حسبنا الله ونعم الوكيل
أولا حمدا لله على سلامتك
والنماذج دي كتييييييييير جدا
ربنا يجعله في موازين حسناتك ويؤجرك على كل ده
انا اول مره ادخل مدونتك وعجبني اسلوبك جدا
وقطعتي قلبي ياختي
قومي بقى اضربي الكشري
قبل ماتمنه يغلى وماتعرفيش تاكليه هو كمان
:)
ينهااااااااااار
بجد و ربنا؟
انا فضلت متنح طول مانا بقرأ
انا حروح اقرا الحادثة نفسها
مروة
بجد سلامتك ..و احتسبي البلاء عند ربنا
و تأكدي ان ربنا ما بيسبش حق حد
و عمار يا مصر
الف سلامة عليكي يامروة
وحسبي الله ونعم الوكيل فيهم بجد
كله سلف ودين
انتي شفتي مرار يا بنتي محدش شافه و لسه فيكي حيل تضحكي
ربنا يصبرك و يكرمك و يسهل لك الخير دايماً
أما الدكاترة فأنا كان ليا واحد صاحبي دفعتي بيحكي لي على الطب لما كان طالب في كلية طب اسكندرية
و شفت بنفسي بلاوي لما كنت بأقعد معاه في السنة الإمتياز اللي خدها في مستشفى دمنهور العام
مفيش طب في مصر من أصله و لا علاج و تشخيص و لا ذمة و لا ضمير إلا فيما ندر و ربنا يستر عليكي و علينا كلنا
DR.HAMAS
نورت مدونتى بجد
ويارب تكون عندى على طول يا جميل
انت فعلا اسمك حماس؟
انت مصر؟
هيا دى صورتك؟
اتمنى تجاوبنى
mohaawad8
والله بحاول اتعلم الفرانكو دة عشان خاطر عيونك يا جميل
محمد فوزي آل ربيع
معقولة بيعلموا الدكاترة كدة بجد
حسبى الله ونعم الوكيل
فيها اية ما يعلموهم الرحمة والحب
maged stephen
مرسى لمشاعرك الجميلة دى
انا الحمد لله احسن كتير اوى
ربنا يخليك
احساس لسه حى
فعلا اللى معاة فلوس دلوقتى هو اللى ممكن يتنقذ حبة
مع انة برضة اللى معاة فلوس مش بيترحم من الاهال بتاع معدومين الرحمة
عارفة ان مش كلهم كدة
بس نسبة كبيرة اوى كدة
Anonymous
خلاص متعيطش ياعم
كفاية
مش هقطع قلبك تانى
توبة
مرسى انك هتدافع عنى يا جميل
ابقى اكتب اسمك عشان اعرفك
MKSARAT SAYED SAAD
اخبارك اية يا جميل
..........
نفسى الاقى طبقة محترمة من اللى انت بتقول عليها دى
مش بلاقيها خالص مش عارفة لية
بحبك يامصر
ياعم قر براحتك
...........
فعلا يمكن ضياع الرقابة هو السبب
يمكن
WOWWWW, in USA where there's no free hospitalization at all you can sue any hospital if they didn't take care of you from A to Z even if you don't have any type of health care insurance in case of emergency, but in Egypt the country where people ARE SUPPOSED to have free medical care is doing this!
صاحب المولد مش غايب
صاحبه مش فاضي
مشغول هناك في المصيف بتاعه
المصيف الخصوصي
واحنا لينا ربنا
احساس لا ادمي انك تحس انك فار تجارب
بس مصر بقت كلها فران
واهي العيشه بقت تجارب
انا مش عاوز احكي يامروه عن تجاربي مع المستشفيات عشان انت زي ما انت عارف اني مبحبش الدموع ولا مناديل و الحاجات دي
الف مليون حمد الله على سلامتك
ربنا يطلعنا منها على خير
وطبعا هفكركم بكلمتي الشهيرة غياب الضمير اللي من تبعيات انعدام الدين وغيابه هوة اللي عمل فينا كدة وللاسف لي برده تجارب مع ابني من سنة ونص كدة الددكاترة كانوا بيعدلوا على بعض ودكتور يكتب جلسات تنفس ملهاش لازمة بس عشان المستشفى تعملها ولازم تيجي تعمليها هنا وادوية من غير لازمة بتتباع في صيدلية المستشفى بقى وحسبي الله ونعم الوكيل
Post a Comment