إذا كنت تخاف علي صحتك من مياه الشرب العادية وتفضل المياه المعدنية ذات الاصول الجوفية
فاسمح لي ان اصدمك ... فهي ايضا مياه من الحنفية
اعترفت شركة بيبسي كولا التي تنتج مياه اكوافينا ان تلك المياه مصدرها عام
اي من الحنفية وذلك بعد تشديد مجموعة تسمي المسائلة الدولية المشتركة
علي توضيح المعلومات المكتوبة علي العبوات
حتي لا تخدع المشترين كما انها اتهمتها بوضع صور جبال جليدية توحي للمشتري انها ذات اصول جوفية بعيدة
وحتي تخرج من هذا المأزق سوف تضع الشركة حروف
P.W.S وهي اختصار Puplic water source
أي مصدر مياه عام
لم تكن تلك هي الشركة الوحيده التي تستخدم مياه الحنفيه
حيث ضغطت نفس المجموعة علي شركتي كوكاكولا صاحبة مياه داساني وشركة نسله
بالاعتراف ان جزء من مصدرها هو مياه الحنفية ايضا
وتعزم شركة نسله بوضع معلومات تفيد وجود مياه عامه في عملية التعبئة خلال الاشهر القادمة
قد يكون هذا الخبر صادما خصوصا لاهل مصر او للسياح العرب في مصر
اللذين يعتبرون مياه النيل ترعة من حيث صلاحيته للشرب
فضلا عن كميات الكلور الرهيبة التي توضع في مياه الشرب العادية التي تحول لون المياه من الشفاف الي الابيض
الملفت ان شركات المياه الجديدة انتشرت بسرعة كبيرة
فتخيل ان مهمه هذه المصانع هي تعبئة المياه من الحنفية وتغليفها .. فقط
والجدير بالذكر ان شركات المياه حققت مكاسب خيالية في فترة لا تقل عن اسبوع
بعد انتشار إشاعة كاذبه بالقاء الفراخ الميتة في النيل وقت انتشار انفلونزا الطيور في مصر
اما عن مؤسسة او مجموعة "المسائلة الدولية المشتركة" فقد تلعب دورا كبيرا في الفترة القادمة
بالمسائلة عن العديد من مصادر بعض المنتجات نتمني ان نعرف مكوناتها
مثل مكونات المادة السرية للكولا التي تأتي في براميل مغلقة من امريكا
او مدي وجود المواد الحافظة في المنتجات المكتوب علها خالية من المواد
او الكشف عن المنتجات التي تحتوي مشتقات الخنزير
الذي يكتفي بكتابة كود لها حتي لا يفهمها المشتري
55 comments:
سمعت حديث لراجل عجوز
بيقول طول عمرنا بنشرب من ماية الترعة شرب شرب لحد ما تلوثت بالمخلفات الصناعية
لو حد جاب فلتر ووضعه على الحنفية مش هيقدر يشرب من الحنفية تانى
حتى الماية بقت بفلوس
الا قولى لى صحيح
هى الماية مدعمة ولا هتتشال من الدعم
تحياتى
ههههههههههه
انا مبسوطة اوى بمدونتك
بجد تحفة
وانتى زى السكر
بس ياترى سكر سايب ولا معدنى
ههههههههههههههه
لا بجد مدونة متميزة
على فكرة انا متصدمتش عشان كنت متوقعة حاجة كده
الصدمة الافكس بقى
وكلمة افكس مشتقة من افتكاسة
الصدمة ياسيدتى ان ياريتنا حتى بنشرب من مية النيل
دا احنا بنشرب مياة صرف محلاة
يعنى محطة تنقية المياة من حلوان وغيرها وغيرها
عشان كده بتبقى المية عليها كلوربكمية بشعة
روحى جربى كده اشربى بق مية من الطلمبات اللى فى الفلاحين وانتى تعرفى الفرق بين المية اللى بنشربها والمية الجوفية اللى على حق ربنا
عشان كده الناس بقت تجيلها امراض وحشة كتير وفشل كلوى
دا غير انه لما اجروا فحوصات على المية اللى بنشربها اقروا انها غير صالحة للاستخدام الادمى
:D
كده انا اخليت مسؤوليتى
:D
يعنى النيل اللى مش عاجبهم دا يارتنا حتى طالينه
وبنشرب مية بضمان م.م.ق
مجارى مصر القديمة
ودقى يا مزيكا وسمعنى احلى سلام وتحية
:)
تحياااتى
ياااا صدف المحاسن:))
انا حالااااا كان جايلى ايميل من موقع طبى مشتركة فيه بيقول هل المياة المعدنية افضل من اللى فى الحنفية واللا العكس
طبعا على مااعتقد ان الموقع دا مش مصرى
لانه لو مصرى اكيد كان هايقول له يابنى انت تشرب مالبحر
لا الحنفية تنفع
ولا المعدنية تنفع
عالأصل داااواااار:))
يامية يامعدنية ياللى طلعتى ملوخية
وانتى ياحنفية يامسكينة ظلمناكى وجينا عليكى كتير
عالاقل عارفين اللى فيها
انما ازايز المية دى صحيح ايش عرفنا اللى فيها
مش يمكن حاطين بودرة العفريت فى الخباثة
وانا اقول ياربى هو العبط المصرى السائد اليومين دول من ايه
اتاريهم عفرتو المعدنية
وكالوارو الحنفية:))
اه بالمناسبة بقى دا رابط الموضوع اللى بقلك عليه بس مش عارفه هينفع تقريه على طول واللا لازم تسجيل دخول:)
http://www.your-doctor.net/Post.aspx?PostID=207
وبالهنا والشفا:)
بقولك ايه يا بنت يا سلطه انتى عامله ايه
بقولك ايه متعرفيش جابوا سيرة مياه صافى فى الموضوع وانها صالحه ولا لا علشان انا بشربها هى بسسسسسسسسس الله يخليكى حد يقولى اصل هعيط
مروه ... ازيك ... اتمنى تكونى بخير
موضوع هايل وتمنياتى بالتوفيق
ممكن استغل المساحه للاعلان عن موضوع غايه ف الاهميه
ادعوكم لزيارة مدونة
السيد شبل ... بلا اسم
www.bela-esm.blogspot.com
للتعرف على اهم مبادره للتقريب بين الاخوان والناصريين وايضاح صوره كامله حول الاشتراكيه الاسلاميه
لكم خالص تحياتى وتمنياتى بالتوفيق
السيد شبل
كل ده متوقع وعادي بس اللي مش عادي ان جهاز حماية المستقبل يقفل كام مصنع تعبءة مياه معدنية من اكبر الاسماء
!!!!!!!!!!!!!!!!!!!!
والله انت فكرتيني لما الريس كان جاي المنصورة
طلعت اشاعة او حقيقة ان المياه ملوثة وفيها حاجات مسرطنة لدرجة ان اكل االناس بجد كانوا ماشيين بكراتين الميه
لما رحت المدرسة مدرس قالنا جملة مش هانساها ابدا
يا اولاد احنا مصريين مصريين
الحاجات دي ما تحواش فينا وبعدين طول عمرنا واحنا بنشرب ميه متنيلة بنيلة هنستعبط دلوقتي وانقول الميه اتلوثت ما هي ملوثة اصلا
ولا تعليق
تحياتي
يانهااااااااااااار دا انا كنت فاكرة انى بكدة بحافظ على صحتى بالمية المعدنية
على اية بقى بندفع فلوس زيادة
سبحان الله حتى المية
ناقص اية تانى
مروه موضوع حلو بجد
بس احنا اتعودنا على كده خلاص جتتنا نحست من كتر الصدمات اللى خدناها مينفعش نتصدم تانى زى ما ورى الشمس اتملت برده المكان اللى بيتصدم عندنا اتملى
السلام عليكم ورحمه الله وبركاته
حبيبتى مروه
الخضروات مسرطنه والماشيه اصيبت بالحمه القلاعيه والالبان فيها جبس ابيض كانه قشطه والفاكهه محقونه بهرمونات والسمك بياكل ويشرب من النيل والنيل منيل بنيله
من الاخر
عماااااااااااااااار يا مصر
من عاشقه الكلام
هي بقت سلطة من زمان اوي
خلليني بس كاتمة في نفسي
تحياتي ليكي
والواحد ياخويا يخش المطعم من دول ولا الكافية الشيك وتلاقيهم حطين لك ازازة المية المعدنية ظلما وعدوانا من غير ما تطلبها ويحسبوها عليك بالشئ الفولانى وكأنهم عملوا العملة وجايبين لك أحسن حاجة .. ماهى طلعت أهية كلها مية من الحنفية .. ربنا يستر بقى على باقى المنتجات فعلا .. مفيش حاجة فى البلد دى مش مغشوشة خالص ولا أية .. نعمل أية بس عرفونى
أنا بقى سمعت أنها مش مية من الحنفية بس
لادى فيها بكتريا كمان
أوسخ من الحنفية يعنى
:(
لا حول و لا قوة الا بالله
حتى المعدنية طلعت حنفية ؟؟
امال نشرب ايه بس ؟؟
و بعدين ده اعتراف خطير جدا
يعرضها للمساءلة القانونية
اللى غايظنى
اننا يتضحك علينا بالصورة دى
دايما يا أختنا مروة مواضيعك
مؤذية للنفساوية بتاعتنا
ايه مصلحتك عاوز افهم ؟
هههههههههههههههه
شكرا للبوست و المعلومات الجديدة المتعبة
جزاكم الله خيرا
د.حمـــــاس
يا نهار اثود يا نهار اثود
اية دة ؟؟؟
لية كدة بس
دي فعلا صدمة حقيقية
لا حول ولا قوة الا بالله
بس في شركات زي حياة دي انا متاكد من ان مياهها جووفية
انتي جيتي في ملعبي
أنا الدبلوما بتاعتي كانت هندسة صحية
مياه الشرب و الصرف الصحي
بصي يا ستي كل النيل و الترع و المسطحات المائية كلها ملوثة
و مهمة محطات تنقية مياه الشرب انها تشيل التلوث ده و توصل لك مياه نضيفة في الحنفية
بس المحطة لو شغالة مظبوط بتنقي الملوثات الفيزيائية و البيولوجية و ما بتنقيش الكيميائية
يعني الشبة بترسب العكارة و التراب و كل الأجسام العالقة
و مرشحات الرمل و الزلط بتفلتر المياه من كل الأجسام الدقيقة المتبقية فيها و بعدها الكلور بجرعة مناسبة محسوبة بدقة حسب درجة تلوث المياه يقوم بقتل البكتريا و تنقية المياه من أي تلوث بكتريولوجي و بعدها المياه تضخ في المواسير لحد حنفيتك في البيت و اشربي براحتك
بس مفيش في المحطة أي معالجة للتلوث الكيميائي بكل أنواعه و أبسط مثال له المخلفات المتبقية من السماد الكيماوي الموجودة في مياه الصرف الزراعي و الذي ينتهي في النيل أو إحدى الترع لنشرب نحن الصرف الزراعي بدون معالجة
دا غير ان لو فيه عدم دقة في نسب الشبة و الكلور المضافين في المحطة ممكن لو زيادة نشرب مياه متلوثة بيهم و ممكن لو أقل نشرب مياه لم تتم معالجتها بشكل كامل و لسه فيها تلوث
و لو كل حاجة تمت صح في المحطة لسه فاضل شبكة التوزيع بتاعة المواسير اللي مدفونة في بطن الرض و نسبة المتهالك فيها عالية و تصل نسبة المياه المفقودة من انتاج محطات الشرب على مستوى الجمهورية عن طريق التسرب من المواسير إلى 50% من الإنتاج
يعني نص المياه بيروح في بطن الأرض و أي خلل في الشبكة زي ما بيسمح بتسرب لبره ممكن يسمح بتسرب لجوه الشبكة و من هنا تيجي مشكلة إختلاط مياه الشرب بمياه الصرف الصحي المتسربة من شبكة الصرف الصحي المتهالكة برضه
:)
أحسن حل لتنقية المياه هو وحدات
RO
أو الضغط الإسموزي المعكوس و دي الواحدة بتتباع بألفين جنيه في كارفور جنبنا في اسكندريه بس بتضمن لك إن المار من أغشية التنقية بتاعتها هو
H2o
يعني مياه بس
أنا عن نفسي بأشرب من الحنفية و ربك هو الستار
و لو درستي هندسة صحية زيي و حاولتي تنفذي كلامها
حتبطلي تأكلي و تشربي و تتنفسي لأن كله ملوث
فيه مثل بيقول من عاش بالحكمة مات بالمرض
:)
ياااااااااااحلاااااوة
ده ايه ده دول خلوها خل خااااااالص
لا انا فاكرة كويس موضوع لما الفراخ اترمت فى النيل ده
عشان انا كعيت فيه كتير
:)))))))
حسبنا الله ونعم الوكيل
اهو كله كوم ومنتجات من مشتقات الخنزير دى كووووووووم
ربنا يسترها معانا جميييييعا
قريت الخبر ده فى مصراوى وقعدت اضحك واضحك واضحكككككككككككك
اصل انا هههههههههههههههههههههههههههههههههههههههههههههههههه يادى النيله هضحك تانى
احم
اصل انا مكنتش برضى اشرب من الميه اللى فى الكليه وكنت لازم اشترى ميه معدنيه
كنت بقرف من مية الكليه على اساس ان كليتنا مستشفى اساسا وبحس انهم بيعبوا البكتيريا فى الحنفيات
وللاسف عرفت الحقيقه المره بعد 5 سنين فى الكليه اهو
5 سنين بشرب ميه معدينه ملوثةةةةةةة
نيهاهاهاهاهاهاهاهاااااااا
عاااااااااااااااا
غطينى وصوتى يامامااااااا
ايه المدونة الجميلة دى
بجد
دمها خفيف جدا
الحقيقة والله هى فعلا سلطة
مفيش حاجة غشوها
حتى المية المعدنية
غطينى وصوتى عليا
احنا عدينا الشركات الاجنبية
وبقت زينا حرامية
بيبس وكوكاكولا
وستأتى البقية
منى ليكى اجمل وارق تحية
سلام
السلام عليكم ورحمة الله وبركاته
بما ان كل حاجه فيالبلد بقت ملوثه يبق احسن حاجه الواحد يبطل ياكل ويشرب ويتنفس
يا ستى ولا تزعلى نفسك ما احنا طول عمرنا بنضحك علينا
وبعدين هى المية هتيجى ايه جنب الزرع المسرطن ولا اكياس الدم الفاسدة
وحشتينى عارفة انى مقصرة فى حقك بس انتى عارفة البيت والعيال والامتحانات سامحينى معلش بقى ومتاخديش على خاطرك منى خالص اوك
الموضوع دة هايل انتى دايما بوستاتك رائعة كدة
مش هقول غير حسبى الله ونعم الوكيل
يعنى هيا جت على المية
ما كلة متنيل بستين نيلة
بقت سلطة صحيح
الطائر الحزين
فعلا الراجل العجوز دة كلامة مية مية
لو الواحد عمل كدة مش هيشرب تانى اصلا وهيفضل يموت مالعطش
انت متعرفش ان مأساة المية دى مأساة تانية
دى أول شئ شلوة من الدعم
دة أحنا فى عمارتنا بيدفع كل واحد لشقتة فى الشهر 40 ج مية بس
والسنة اللى فاتت كوموا الفلوس دى علينا ولاقينا جاى للعمارة مية ب 8 الاف جنية ويا أما الدفع يا قطع المية
ولمينا ودفعنا طبعا
مش عارفة اقول اية بجد
Hadota .. حـدوتة
مرسى لذوقك يا عسالاية
انتى اللى عسل والله بجد وزى السكر
.............
لية بس كدة
لية الحقيقة المرة دى
كنتى سيبينى فاكراها مية نيل ملوثة
مجااااارررررى
أوععععععععع
حسبى الله ونعم الوكيل فيهم
šØяšΛяΛ
هههههههه
أسلوبك عسل جدااااااا
عندك حق فى كل كلمة قولتيها
فية ناس قالتلى انهم سمعوا ان المعدنية أسوأ كمان من الحنفية
بس تفتكرى هو الحنفية مش سيئة أصلا
ولا أسوأ من الأسوأ
إذا كان السئ فية أسوأ منة
إزاى الأسوأ أسوأ
أيةةة دةةةة
أأنا باين عليا أتجننت وهيست
appy
لما ترد لدينا أى معلومات بخصوص مياة صافى يا أفندم
إلا يعنى أشمعنا مية صافى دى هيا إللى هتطلع بنت حلال وكويسة ومش زى أخواتها
أنا أشك والله أعلم أنها ضمن منتجات نسلة ونسلة ضمن الجماعة يا أفندم
السـيد شبـل
أستغل براحتك يا سيدى وأعلن برااااااحتك على الأخر المدونة مدونتك يا عسل
وأنا هكون عندك حالا
mohaawad8
والله أستاذك دة عندة حق
أحنا خلاص جتتنا نحست من كتر التلوث
دة مافيش حاجة زى ما هيا خلاص
كلة شكرا فى الباى باى
د/غادة
كلنا كنا فاكرين ان المعندية احسن
انضحك علينا تانى
تانى اية قصدى مليون
استرها يارب
بحبك يامصر
يااااااا وانا بقول احنا شعب متنح لية ومش بيأثر فية حاجة
طلع مركز الصدامات اتملى خلاص
مش كان حد يقولى
عااااااااااااا
عندنا حق يحصل اكتر من كدة والله
عاشقه الكلام
يانهاااااااااااااار
كل دةةةة
انا مش اول مرة اسمع الكلام دة
بس انتى حطيتى ادامى كوكتيل مصايب
عماااااااااااار فعلا يامصر
UNIQUE
لا أوعى تسكتى وتكتمى فى قلبك
قولى كل اللى فى نفسك
هيا صحيح بقت سلطة وخل كمان
بس لازززززززززززززم نتكلم
وهنتكلللللللللللللللللم
خالد الجزار
شكلك كدة من عشاق الأماكن دى زيى
بس أنا خلاص حرمت
مش عشان المية المعدنية المبكترة الإجبارى
عشان كمان حاجة تانية
هقولها بعدين
أحمد الجزار
وانا كمان سمعت كدة
وقريت صحف كتير كاتبة كدة
بس هيا الحنفية العدلة يعنى
الواحد مش عارف يشرب ايةةةةةةة
DR.HAMAS
الله يخليك من ذوقك مواضيعى جامدة بتشريفكم بس
............
انا هقولك السر
اصل انا جاسوسةةةةة
نيااااهههههاااا
بشتغل لحساب شعب مصر
:)
..............
مجاوبتنيش عالسؤالين اللى بسألهوملك كل مرة
هو انت اسمك حماس؟
هى دة صورتك؟
جاوب بقىىىىىىىى
Dr-Online
اهلا بيك
نورتينى
سؤال بس
انت لية متأكد يعنى إن شركة حياة كويسة وبنت حلال
أوعى تكون صاحب الشركة
:)
مهندس مصري
أيةةةةةةةةةةةةةةة
مش قادرة اتخيل
بعد كل اللى بتعرفة دة ولسة عايش وبتاكل وبتشرب
اووووووووووع
عااااااااااااا
كنت سبنا على عمانا
هنعمل اية دلوقتى
الواحد ياكل اية ويشرب ايةةةة
عاااااااااااااا
عااااااااااااا
...............
ولا اقولك خليها على الله وخلاص
هنعمل اية يعنى
shayma
عارفة انا عندى واحد قريبى شغال فى محلات مترو
بيقولى انهم ساعة اشاعة تلوث المية دى
باعوا كل المخزون من المية بمبلغ مش هقدر اقولة لحسن يجرى لكم حاجة
اقطع دراعى اما كنتش شركات المية هما اللى مطلعين الاشاعة دى
نوسه
انضحك عليكى يا نوسة زينا
هعهعهعهعهعهع
والله يابنتى بكتريا الكلية احسن
على الاقل منا وعلينا
lol
doha
حاضر
استنى
ح غطيكى وأصوت
يالهوتىىىىىىىى
هعهعهعهعهعهع
نياااااااهههههاااااا
خمسة فضفضة
ما انا بقول كدة من الصبح
دى ابادة جماعية يا بشرررررر
Desert cat
احلى كلمة قولتيها
طول عمرنا بينضحك علينا
عندك حق
شبعانة جوع
مقدرة والله مشاغلك
انتى نورتينى بجد
فعلا كلة منيل بستين نيلة
طب والله الموضوع ده جابلي فكرة لوز لوز لوز
هي دي المشاريع والاستثمارات ولا بلاش
بفكر اعمل مشروع العلاج بالهوا
وهو كلو استثمارات
بالنسبة لسؤالك يا أختنا مروة
الصورة صورة الأستاذ خالد مشعل
رئيس المكتب السياسى لحركة حماس
أما اسمى
فحماس ده مش اسمى طبعا
انا اسمى على النت د.حماس من 6 سنوات تقريبا
انا اخترت الاسم ده لنفسى
لحبى فى شعور الحماس و القوة
و لحبى لحركة حماس و وثوقى أنهم ممن فيهم الأمل لأمتنا
بس كدة
أتمنى أكون جاوبت على سؤالك زى ما انتى عاوزة
د.حمــــــــاس
هي باقيت فارقة
ربنا معانا ويحفظنا من تلوث كل حاجه حوالينا
كان الله لنا
دمت بخير
فيه مثل بيقول ابن الهبلة يعيش اكتر
لما كانت امى الله يرحمها بتشوفنى باحافظ على اولادى كدة كانت بتقولهولى
وتفكرنى بابن بتاعة الخضار العريان اللى ما شاء الله عنده مناعة طبيعية تهضم الزلط
كلامك مضبوط طبعا..لسه الدكتور قايللى كدة نتيجة لكشفه على اولادى بعد نزلة معوية
السبب المياه المعدنية اللى مش معدنية
ولو سألتى ممكن تطلع لك مارى انطوانيت تانية تقول
ما يشربوا شامباين
دى اول زيارة ليكى
معلش لو كنت عكيت
:)
موز موز موز ... علي رأي عمرو أديب
لفيت تاني في مدونتك ورأيت نشاطك المحوظ وقريت أبله عطيات ودي قصة شديده جدا عرفتنا اللينك الموجود بين الجازبيه وكليوباترا
والبوست اللي قبله اللي حكيتي فيه عن ايدك وما بعد الحادثه أحزنني جدا
أتمني ربنا يتم شفائك .. ويزيل عنك كل همك
وأتمني أشوف التميز بتاعك ده علي طول
الحمدلله احنا مركبين فلتر تنقيه ومحطة تحليه لمية الشرب عندنا في العماره كلها
والغريب يا مروه اني لما بابقى مع مهندس الصيانه بالقي الفلاتر طالعه لونها طين .. والله العظيم طييييييييين
مع انه لما ركب الطقم ده قبل كده كان لونه ابيض لؤلؤي
ربنا يسترها علينا
ولا يحوجناش للميه المعدنيه
سلامووووووووووووز
صديقتي العزيزة جدا
معلش اعذريني على التأخير لظروف خارجة عن ارادتي بجد
المهم
انا تابعت موضوع المياه المعدنية ده من اول ما اعلنوا عن ان بعض شركات التعبئة و اللي منها شويبس و اللي اعلنوا انها فعلا غير صالحة للاستخدام
و كمان لما كنت في الاجازة لاحظت ان مياه الحنفية لونها بقى غريب كده و لازم تستني شوية عشان اللون يرجع طبيعي و بعدين تستخدميها خاصة لغسيل الوجه او الايدين مثلا
الحقيقة مش عارفه احنا هانعمل ايه بالظبط لما كل حاجه كده بقى غير صحية و ملوثة و قريب جدا قاتلة كمان
ربنا يسترها معنا يارب
الله ينور عليكى يا مروة
انتى جبتى كلام فى الصميم الله ينور عليكى مرة تانية
كلامك مظبوط 100% وكلة كان نفسى اقولة
احلى حاجة انك جبتى ايات واحاديث صحيحة
بوست دسم ومكتمل ورائع
والله على رأى الطائر الحزين هو يساوى خمس تدوينات فى بعض وجميل جدا
يارب يوصل للناس كلها ويقروة
انا سعيدة بيكى جدا
الكومنت الاخير دة قصدى احطة فى البوست الاخير
اسفة هروح هناك حالا احطة
السلام عليكم
ازيك يامروة
كل دى ميه حنفية
انا تعبت
وانا اقول الميه بتقطع لية كتير
يبقى بيملوا الازايز ويبعوها لنا
مااااااااااااااشىىىىىىى
المهم ناوية على اية تانى
بس نستعد
لاءة وكلامك ثقة
بس ما شاء الله عليكى
سلاااااااااااام
هو يعني جت عاى دي ما فيه حاجات كتير مغشوشغ كويس انها بيغشوها من الحنفية مش من حتة تانية
عااااااااااااااااااااااااااااااااااعاااااعاااااعااااا
جزاك الله خير
تدعوكم مدونة اطيار السنونو snono@maktoobblog.com ومدونة الطريق الى الفردوس doaa910@maktoobblog.com للاطلاع على حملة رفع الحصار عن غزة والتى تبدا فعالياتها فى 15 فبراير 2008...ندعوكم لزيارة المدونتين للاطلاع...ويمكن التنسيق للمشاركة عبر مدونة اطيار
Post a Comment