خليكى فرى يابت
مش عليكى ياختى منك ليها
غير انك تروحى عند الراجل بتاع القماش
وتشترى حتة قماش 10 سم متلونة بكل الاألوان
وياريت تكون بترتر وإن شالة ما حوشنا
بس خدى بالك وأنتى بتلفيها
لحسن تيجى عند رقبتك ولا حاجة وأوعى تيجى عند ودانك
لفيها كدة سبانش زى ما بيقولوا
ويستحسن لو لبستى فى ودانك
حلق طويــــــــــــــــــــــــــــــــــــــــــــــــــــــــــــــل
خلى عبيد الله ينبسطوا
مش أحسن ما تلفية زى الهبلة كدة
خليكي بنت عصرية وماشية على الموضة
أية رأيكم بقى فى حجاب الأيام دى ؟؟؟
مش بقولكم سلطة محدش مصدقنى
أفوتكم بخير ورايا غسيل
4 comments:
تحياااااااااااااااتى
اللي يعرف مروة عمره ما يندهش من اصرارها علي الوجود و حبها للحياة ... بجد يشرفني اني عرفتك .. و عايز اقول سر انك كنت السبب الرئيسي لغلاء سعر الليمون ... و انت عارفة ازاي ... انا اتنيلت علي عيني و زرتك و اتمني انك تشرفيني اكتر و اكتر بزيارة موقعي و مدونتي www.al7oda.jeeran.com
www.al7oda.blogspot.com
و ربنا يصبرك علي ابتلاءه ... و ده معناه انه بيحبك ... ادام الله عليكي محبته و ثبتك علي ايمانك و وفقك كمان و كمان
محمود فاروق
رنرونه؟
هههههههه
تعرفي انا والله في حرب بسبب الحوار ده ناس تقولي فكي وخليكي بنوته لذيذه وكده واتغيري والبسي ومش بالمظهر والله
والمهم اللي في القلب
ربنا يعني ويثبتني ويهديهم
اقلعية طيب
لية تشوهي منظروا
انتي مش عايزاة اقلعية
that's it
مناطر مؤذية و الله
ربنا يهدينا و يهديهم امين
Post a Comment