2008/08/18

صور زفافى وعقبال عندكم

فات النهاردة على جوازى شهر تمام

.

ولسة راجعة من شهر العسل وفات كأنة حلم

.

وبجد سعيدة أوى وعايشة أجمل أيام عمرى مع حودة حبيبى

.

فدخلت أوريكم صورى

.

مع أنى زعلانة من اللى مجاش الفرح

.

























40 comments:

مهيج الجماهير said...

الف الف الف مبروك و يشرفن ان انا أكون أول واحد يعلق
و عقبالى ان شاء الله
:D
سلام

مصر يا موكوسه .....يا مزارع الكوسه said...

مبروك يا مروة على الجواز
بس عايزة اسال سؤال
فى صورة انتو الاتنين مشاورين فيها على الارض
هو كان فيه صرصار معدى وانتو بتتصورو؟
هههههههههههههههه
الف مبروك
انا شروق على فكره

عبدالله said...

الف مبروك علي الجواز ربنا يهنيكوا ببعض
اما الصور هي جميله جدا واكيد وجودك فيها الي مخليها رائعه
بس
مش عارف شايف انها صعبه الصور دي في جزء كبير منك ظاهر هل عادي مش بتتكسفي انك تمشي كده في الشارع
اما لو انتي محجه اتمني تحسي ان فعلا غلط ان الناس تشوف جسمك المفروض انه اغلي من كده واكيد ربنا مش يرضي بكده
اتمني انك تتوبي لربنا انك عصيتيه في وقت انعم عليكي بنعمة الجواز علشان يباركلك فيه واتمني برضه تشيلي الصور مش لازم تفرحي بمعصيه

تحياتي

خمسة فضفضة said...

السلام عليكم ورحمة الله وبركاته

الف الف مبروك

ماشاء الله الصور جميله اوي اوي

وماشاء الله احلويتي اوي يا مرمر وكمان خسيتي عن الخطوبه كتير

ربنا يوفقكم يارب ويسعدكم ويهنيكوا

سلام يا قمر

لماضة said...

يارب يجعل ايامكم كلها حب وفرح يا جميله
كنتي زي القمر ما شاء الله عليكي

أحمد سعيد said...

الف مبروك يا مروة

زي القمر أنتِ والعريس

معلش مجتش والله ما كنت أعرف

ربنا يجعلها حياة سعيدة


نيجووووووووووووور

Anonymous said...

السلام عليكم ورحمه الله وبركاته
والله اول مبلغتينى بزفافك وصوره علميل بتاعى فرحت جدااااا
بسسسسسسسسسسسسسسسسسسس
كنت متوقعه انك بالزينه الايمانيه بمروه الحقيقيه اللى صوتها كل ايمان وتقوى
الاسلام مبيمنعشى الناس من الفرح
بس الفرح بيبقى فرح فى طاعه الله
عشان ربنا يباركلك فى زوجك وفيك وتكون اول خطوه فى بدايه زواجك الطاعه لله
والله يامروه الحياه احلى بطاعه الله وعى فكره فى ناس كتيره اوى مفكرين ان الانسانه الملتزمه مش بدلع زوجها
بالعكس هى دى اللى عرفت دينها فعرفها دينها ازاى تعامل زوجها وازاى تجعله اسعد راجل والعكس صحيح الزوج الملتزم هو اللى بيعطى زوجته كل حقوها وازاى يسعدها
اللى بيمشى فى طاعه ربنا ربنا بيسعده فى الدنيا والاخره بجد
انا فرحانه وزعلانه فرحانه لزواجك وياريتنى مشوفتش الصور
وبعدين كان ينفع تلبسى البس دا بس تعملى فرح اسلامى الرجال مع بعض والبنات مع بعض والبسى برحتك الاسلام مش بيحرم اللبس بيحرم مين اللى بيتفرج على اللى جوا اللبس وعامه استغفرى الله

صباح الصباح said...

يا سلام
اول زيارة للمدونة والاقى فرح
يعنى تورت جاتوهات
ديوك رومممممى
احمد يا رب
مبروك الزواج السعيد

Gelaan said...

حلوووووة اوى بجد
ربنا يهنيكي دايما والف مبرووووووك
متاخرة عارفه
تحياتى

مهندس مصري said...

ألف مبروك مرة تانية
:)
ربنا يكرمكم و يوفقكم

هانى نظير عزيز said...

مبروك وربنا يسعدكم

بحبك يامصر said...

الف مبرووووك
الصور جميله
عقبال ما نشوف صور البيبى
مبرووووووووووووووووووك

Hope said...

Congratulations :)
3o2bal el baby in sha Allah.
Alf Alf Mabroooooooooook

انا من اهوى ومن اهوى انا said...

مروة :


ألف ألف مليون مبروك

ويارب يجعل ايامكوا كلها فرح وسعادة

وانشاء الله اكون من اول الناس اللى تهنى لما البيبى ييجى انشاء الله

تحياتى

ومبرووووووووك

ana ga3an said...

اية يا مدام
امال حودة فين
مش معترض علي محل الجزارة اللي مفتوح في المدونة لية

حسن ارابيسك said...

الحمدلله
أو واحد يبارك لكم كمان بعد شهر العسل ان شاء الله ربنا يجعل أيامكم كلها عسل في عسل وعسل على عسل أتنمى من الله ان يديم عليكم هذا الفرح وأن يكلله ببنوته أو بولد او الاتنين مع بعض ان شاء الله يملوا عليكم البيت كده وتخشوا بقا في معمعة الحياة ومواويل المدارس والدروس الخصوصية ورمضان ولأعياد وهدوم العيد والعيد الكبير وكل المواسم والعيال عايزه والعيال خدت
ويرجع ابوهم بقا كل يوم شايل في إيد البطيخة وكيس العيش وكيلو اللبن وشوية الجبن على شوية بقسماط وتحت باطه الجرنان وينده عليكي من تحت نزلي السبت الحاجه تقيله عليا وهلما جرا
ربنا يوفقكم ان شاء الله وتكوني اسرة سعيدة جدا
تكوني باره بزوجك كذلك هو
ان توني له ستر وغطا وأن يكون لكي خير سند في معترك الحياة
الف مبروك مرة تانية

همسة said...

ألف مبروك.وبارك اللة لكما وبارك عليكما وجمع بينكما فى خير.ياريت تشرفينا بزيارة للمدونة

Anonymous said...

السلام عليكم معشر المسلمين

يقول الحكيم الحميد في محكم ءايات الكتاب المجيد في عَجُزِ سورة الكهف: "قل هل ننبئكم بالأخسرين أعمالا. الذين ضل سعيهم في الحياة الدنيا و هم يحسبون أنهم يحسنون صنعا"..
و الله الذي لا إلاه غيره لا أجد ما أقول - بعد أن جفت حلوقنا معك يا أمة الله يا مروة - و قد ءاذيتنا أنت و بعلك - سامحه الله و هداه و غفر له - بصور عرسكما أشد الإيذاء و ءاذيت أنت نفسك مع خالقك عز و جل أكثر و أكثر .. فهكذا أردتما..

تالله إن الكلمات لا تسعفني بعد ما قلت
مرارا و بعد ما نصحت تكرارا - غير قول: "حسبنا الله و نعم الوكيل و لا حول و لا قوة إلا بالله العلي العظيم"..

و جزى الله الأخ / عبد الله و الأخ (أو ربما الأخت)/أنونيماس (Anonymous)على مقاليهما الطيبين..

و لكن هيهات هيهات هيهات..
"..
و أفوض أمري إلى الله إن الله بصير بالعباد"..

مسلم ضارع

حسن محمد توفيق said...

الف مليار مبروك .....لولولولولو

وعقبال انتهاء الشهر المليون مش الاول

وياريت تعرفينى ييجوا كام سنه المليون شهر دول ...مبرووووووووووووووك

مصطفى محمد said...

بارك الله لكما و بارك عليكما و جمع بينكما في خير

و عؤبال ما نشوف مدونات زارعيات ضغننات

رمضان كريم

:))

osama said...

الف الف مبروك من اليمن السعيد

بجد انا فرحت اوي من فرحتك انتي بس

وفرحت اكثر انكو بتحبو بعض اوي

يالله ربنا يهنيكو دنيا وآخرة

وتعيشوا في تبات ونبات وتخلفو صبيان وبنات


اسامه الذبحاني من اليمن

osama1454@gmail.com

كلام حسام said...

الف الف مبروك
ولو انها متأخرة بس اهو يمكن الحق البونبون ولا حاجة

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

الفقيرة إلى الله أم البنات said...

زعلانه منك يا مروة
ليه يا مروة يا حبيبتى

خلى بالك يا مروة انت فى شهر كريم
وكل حسنه تتضاعف
ليه تخلى حسناتك تضيع
ليه تاخد وزر حد شاف الصور
انا مرضيتش اعلق على صور الخطوبه لما كان شعر بس اللى مكشوف
يا ابنتى الغاليه
اسأل الله ان تستجيبى وتحذفى صورك فانت غاليه ولا يجب ان يراك سوى زوجك فقط
لا تجعلى احدهم ينظر إلى ما ليس له بحق
اسأل الله فى هذا الشهر وهذه الساعه ان تستجيبى
ووالله يا مروة اذا فعلتيها احتساب لوجه الله سيكون خير افعلى هذا مرضاة لله
ولا يهم ان تفعليه من اجل ان فلان قال لك افعلى
استغفرى الله وافعليه فى رمضان ليضاعف لك ثواب الرجوع
ارجو ان لا تفهميه على إنه تدخل ولكن والله خوفا فأنت مثل ابنتى
امك المحبه لك أم البنات

simple girl.. ..simple dream said...

الف مبروك يا مروة
انا والله بئالى فترة بعيد عن النت وماعرفش
لو كنت اعرف كنت جيت وشاركتك فرحتك

بس سيبك انت
كنت زى القمر يوم فرحك


الف مبروك يا عروسة

desert cat said...

بيئة بيئة يعني
اية دة فستان
ولا شوال لحمة
ما جمع الا ما وفق

Anonymous said...

1000 مليون مبرووووووك وعقبال البكارى ان شاء الله

أبو أمك said...

مبروك يا مدام
يا خوفي بعد كده مواضيع المدونة تبقى من نوعية طريقة البامية باللحمة الضاني وإزاي تليفي ابنك في عشر دقايق

دمعاتي said...

الف مبروك
ان شاء الله سعادتكم تكمل بالزرية الصالحه

مروة الزارع said...

معلش يا جماعة

انا مش بقدر اتابع المدونة عشان الحمل تاعبنى جداااااااااا

قريب هقدر اكون معاكم

معلشى بس عاوزة ارد على قليلة الذوق قطة الصحراء اللة اتكلمت بطريقة سافلة ومنصحتش زى غيرها من المحترمين بأدب

وبقولها

بكرة نشوف فستان فرحك ياختى

هيييييييييييييية يدينا طولة العمر بقى

تحياتى ليكم

كيكى said...

بجد بجد
بجد
انتى زى القمر ماشاء الله عليكى وعسولة اوى اوى..والله بتفكرنى بواحدة صاحبتى زى العسل كدة زيك
والف سلامة عليكى من تعب الحمل..معلش استحملى علشان عباس
مبروووووووووك ياقمر
عووووووووووووووووووووووووو

كيارا said...

الف الف مبروك ياقمر

وربنا يرزقكم الزريه الصالحه

عاشقه الفردوس said...

مروة

خلاص تجوزتي

مش عارفه

بس كل بنت بتحلم تلبس فستان وتبقي ملكه

لكن

اللي مش قادره افهمه

انتي مين بالظبط

اانتي مروه صاحبه مدونه تائبه الي الله ؟؟؟ وصاحبه المواضيع الهايله

ممممممممم

مروة اللي كانت تقول ان طريق ربنا حلو اوي
وان مينفعش نعصيه

مروة اللي قالت ان خطيبها كان بيزعقلها اما خصله من شعرها بتبان وهي راكبه العربيه معاه

بجد مستغربه
ولا مروه اللي كل جسها باين للكل

الغريب قبل القريب

مروة اللي لابسه فستان بيكشف اكتر مابيستر

طيب خطيبك كان بيزعقلك علي خصله من شعرك

يعني خصله من شعرك غلط لكن شعرك وجسمك عادي ؟؟؟!!!!!


طيب انتي لخبطتيني

انتي مين فيهم


ولا كان قناع

يامروة حتي انتي حاطاه ع النت
يعني هتفضل محطوطه كتير كده وياعالم هتقع الصور دي في ايد نددددل وهيعمل فيها ايه

ويطلع كام نسخه علي صورك دي


يابنتي فكري ربنا يهدينا ويهديكي ويصلح احوالنا واحوالك يارب

DR.HAMAS said...

الف مبروك

و ربنا يرزقكم طاعته

و يديم بينكم المودة و الرحمة




د.حماس

daktara said...

الف الف الف مبروك
ويارب دايما سعيدة

م/ الحسيني لزومي said...

شارك في الحملة الشعبية للقيد بالجداول الانتخابية بوضع بنر الحملة علي مدونتك.
البنر موجود علي مدونتي

دكتور حر said...

الف مبروك

وعقبالنا يارب

وانا عمال اقول انتي فين

يلا الحمد لله

بحبك يامصر said...

كل سنه وانتى طيبه

صوت من مصر said...

مبروك مبروك
واسف لانى مروحتش ولانها جت متاخره ؟
كل سنه وانتى طيبه

على باب الله said...

الف مبروك

ربنا يهنيكم و يسعدكم